ਬਟਾਲਾ 16 फरवरी (ਅਵਿਨਾਸ਼ ਸ਼ਰਮਾ)
: ਅੱਜ ਸ਼ਨੀ ਦੇਵ ਮੰਦਿਰ ਵਿੱਚ ਹਿੰਦੂ ਸਨਾਤਨੀ ਭਰਾਵਾਂ ਦਾ ਇੱਕ ਵਿਸ਼ਾਲ ਇਕੱਠ ਆਯੋਜਿਤ ਕੀਤਾ ਗਿਆ, ਜਿਸ ਵਿੱਚ ਵੱਡੀ ਗਿਣਤੀ ਵਿੱਚ ਸ਼ਰਧਾਲੂ ਸ਼ਾਮਲ ਹੋਏ । ਇਹ ਇਕਜੁੱਟਤਾ ਸਿਰਫ ਧਾਰਮਿਕ ਕਾਰਜਾਂ ਵਾਸਤੇ ਹੋਈ ਹੈ। ਇਸਨੂੰ ਟਰੱਸਟ ਵਿੱਚ ਬਦਲਣ ਦਾ ਸਰਬਸੰਮਤੀ ਨਾਲ ਫੈਸਲਾ ਲਿਆ ਗਿਆ ਅਤੇ ਸ਼੍ਰੀ ਸ਼ਿਵ ਸਨਨ ਜੀ ਨੂੰ ਚੇਅਰਮੈਨ, ਸ਼੍ਰੀ ਵਿਨੈ ਮਹਾਜਨ ਜੀ ਨੂੰ ਪ੍ਰਧਾਨ ਅਤੇ ਸ਼੍ਰੀ ਉਮੇਸ਼ ਪੁਰੀ ਜੀ ਨੂੰ ਕੈਸ਼ੀਅਰ ਨਿਯੁਕਤ ਕੀਤਾ ਗਿਆ। ਸਾਰਿਆਂ ਨੇ ਭਗਵਾਨ ਸ਼੍ਰੀ ਰਾਮ ਦੇ ਨਾਮ ‘ਤੇ ਇਨ੍ਹਾਂ ਅਧਿਕਾਰੀਆਂ ਨੂੰ ਸਵੀਕਾਰ ਕੀਤਾ।
ਸਾਰਿਆਂ ਨੇ ਫੈਸਲਾ ਕੀਤਾ ਕਿ ਆਉਣ ਵਾਲੇ ਸਮੇਂ ਵਿੱਚ ਜਿਸ ਤਰ੍ਹਾਂ ਰਾਮਨੌਮੀ, ਰਾਮਲੀਲਾ, ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦਾ ਵਿਆਹ ਪਰਵ , ਜਨਮਾਸ਼ਟਮੀ, ਮਾਤਾ ਚਿੰਤਪੂਰਨੀ ਦਾ ਲੰਗਰ ਅਤੇ ਹੋਰ ਧਾਰਮਿਕ ਤਿਉਹਾਰ ਇਸ ਸਭਾ ਦੇ ਬੈਨਰ ਹੇਠ ਸ਼ਾਨਦਾਰ ਢੰਗ ਨਾਲ ਆਯੋਜਿਤ ਕੀਤੇ ਜਾਣਗੇ।
ਅਸੀਂ ਸਾਰਿਆਂ ਨੇ ਪ੍ਰਣ ਲਿਆ ਕਿ ਅਸੀਂ ਇੱਕਜੁੱਟ ਰਹਿ ਕੇ ਸਨਾਤਨ ਧਰਮ ਦੀ ਸੇਵਾ ਕਰਾਂਗੇ। ਸਾਰੇ ਅਧਿਕਾਰੀਆਂ ਅਤੇ ਮੈਂਬਰਾਂ ਨੂੰ ਜੈ ਸ਼੍ਰੀ ਰਾਮ ਦੇ ਜੈਕਾਰਿਆਂ ਮਾਰਦਿਆਂ ਕਿਹਾ ਕਿ ਪ੍ਰਭੂ ਸਾਨੂੰ ਤਾਕਤ ਦੇਣ ਕਿ ਅਸੀ ਆਪਣੇ ਹਿਰਦੇ ਅਤੇ ਦਿਲ ਤੋਂ ਸੇਵਾਵਾਂ ਨਿਭਾ ਸਕੀਏ।
