*ਸਵ: ਬਲਜੀਤ ਪਾਲ ਜੀਤ ਦੀ ਯਾਦ ਨੂੰ ਸਮਰਪਿਤ ਦੋ ਰੋਜ਼ਾ ਟੂਰਨਾਮੈਂਟ ਦੇ ਦੂੱਜੇ ਦਿਨ ਸ਼ੁਭਮ ਸਹੋਤਾ ਮੁੱਖ ਮਹਿਮਾਨ ਵਜੋਂ ਪੁੱਜੇ*
ਗੜ੍ਹਦੀਵਾਲਾ :-(ਯੋਗੇਸ਼ ਗੁਪਤਾ) ਮਹਾਂਵੀਰ ਬਜਰੰਗ ਦਲ ਯੂਥ ਕਲੱਬ ਵੱਲੋਂ ਕਰਵਾਏ ਗਏ ਸਵ ਬਲਜੀਤ ਪਾਲ ਸਿੰਘ ਦੀ ਯਾਦ ਵਿੱਚ ਚੌਥੇ ਯਾਦਗਾਰੀ ਕ੍ਰਿਕਟ ਟੂਰਨਾਮੈਂਟ ਡੀਏਵੀ ਸਕੂਲ਼ ਗੜ੍ਹਦੀਵਾਲਾ ਦੀ ਗ੍ਰਾਉੰਡ ਵਿੱਚ ਅੱਜ ਦੂਸਰੇ ਦਿਨ ਮੁੱਖ ਮਹਿਮਾਨ ਵਜੋਂ ਸ਼੍ਰੋਮਣੀ ਅਕਾਲੀ ਦਲ ਦੇ ਜਿਲਾ ਮੀਤ ਪ੍ਰਧਾਨ ਸ਼ੁਭਮ ਸਹੋਤਾ ਨੇ ਆਪਣੇ ਸਾਥੀਆਂ ਸਮੇਤ ਹਾਜ਼ਰੀ ਲਗਵਾਇ ਅਤੇ ਸਮੂਹ ਕਮੇਟੀ ਮੇਮਬਰਾਂ ਅਤੇ ਖਿਡਾਰੀਆਂ ਨੂੰ ਹੱਲਾਸ਼ੇਰੀ ਦਿੰਦੇ ਹੋਏ ਕਿਹਾ ਕਿ ਸਾਡੇ ਨੌਜਵਾਨ ਦੇਸ਼ ਦੀ ਰੀੜ ਹਨ । ਅਤੇ ਖੇਡਾਂ ਨੌਜਵਾਨ ਪੀੜੀ ਦੇ ਜੀਵਨਕਾਲ ਵਿਚ ਬਹੁਤ ਵੱਡਾ ਮਾਇਨਾ ਰਖਾਉਂਦਿਆ ਹਨ । ਇਹੋ ਜਿਹੇ ਖੇਡ ਟੂਰਨਾਮੈਂਟ ਨੌਜਵਾਨਾਂ ਵਿਚ ਆਪਸੀ ਪ੍ਰੇਮ ਭਾਇਚਾਰਾ ਪੈਦਾ ਕਰਦਿਆਂ ਹਨ । ਖੇਡਾਂ ਨਾਲ ਸਾਡਾ ਮਾਨਸਿਕ ਅਤੇ ਸ਼ਰੀਰਕ ਵਿਕਾਸ ਹੁੰਦਾ ਹੈ । ਇਸ ਲਇ ਨੌਜਵਾਨਾਂ ਨੂੰ ਵੱਧ ਚੜ ਕੇ ਇਹੋ ਜਿਹੇ ਖੇਡ ਟੂਰਨਾਮੈਂਟ ਕਰਵਾਉਂਦੇ ਰਹਿਣਾ ਚਾਹੀਦਾ ਹੈ । ਤਾਂ ਜੋ ਪੰਜਾਬ ਦੇ ਨੌਜਵਾਨ ਨਸ਼ਿਆਂ ਦੀ ਦਲਦਲ ਵਿੱਚੋਂ ਨਿਕਲ ਕੇ ਖੇਡਾਂ ਦੇ ਖੇਤਰ ਵਿੱਚ ਪੰਜਾਬ ਦਾ ਨਾਂ ਰੌਸ਼ਨ ਕਰ ਸਕਣ । ਇਸ ਮੌਕੇ ਤੇ ਉਹਨਾਂ ਨਾਲ ਹਰਦਿਆਲ ਸਿੰਘ ਅਰੋੜਾ,ਦੀਪ ਹੰਸ,ਰਿਤਿਕ ਸਹੋਤਾ,ਸੁਰਿੰਦਰ ਬਰੂਹੀ,ਰਾਜਦੀਪ ਬਰੂਹੀ ਅਤੇ ਨੌਜਵਾਨ ਅਗੂ ਹਾਜਰ ਸਨ ।
