ਵੱਖ ਵੱਖ ਵਰਕਰਾਂ ਆਗੂਆਂ ਵਲੋਂ ਸ.ਬਾਦਲ ਜੀ ਦੇ ਅਕਾਲ ਚਲਾਣੇ ਤੇ ਸ਼ੋਕ ਪ੍ਰਗਟ
ਗੜ੍ਹਦੀਵਾਲਾ : (ਯੋਗੇਸ਼ ਗੁਪਤਾ) ਸ. ਪ੍ਰਕਾਸ਼ ਸਿੰਘ ਬਾਦਲ ਜੀ ਦੇ ਅਕਾਲ ਚਲਾਣੇ ਨਾਲ ਸਾਰਾ ਪੰਜਾਬ ਹੋਇਆ ਭਾਵੁਕ.. ਪੰਜਾਬ ਦੇ ਮਸੀਹਾ ਸ. ਪ੍ਰਕਾਸ਼ ਸਿੰਘ ਬਾਦਲ ਜੀ ਦੀ ਅੰਤਿਮ ਯਾਤਰਾ ਵਿੱਚ ਸੰਗਤਾਂ ਦਾ ਪਿਆਰ ਅਤੇ ਇਕੱਠ ਲਾਮਿਸਾਲ ਸੀ ਇਹਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਕਰਦੇ ਹੋਏ ਸ਼੍ਰੋਮਣੀ ਅਕਾਲੀ ਦਲ ਹਲਕਾ ਟਾਂਡਾ ਉਡਮੁੜ ਇੰਚਾਰਜ ਤੇ ਸੀਨੀਅਰ ਅਕਾਲੀ ਆਗੂ ਸਰਦਾਰ ਅਰਵਿੰਦਰ ਸਿੰਘ ਰਸੂਲਪੁਰ,ਲੱਕੀ ਰਾਏ ਅਤੇ ਹੋਰ ਅਕਾਲੀ ਆਗੂਆਂ ਵਲੋਂ ਪ੍ਰਗਟ ਕੀਤੇ ਗਏ । ਇਸ ਦੋਰਾਨ ਓਹਨਾ ਕਿਹਾ ਕਿ ਸ. ਬਾਦਲ ਨੂੰ ਪੂਰੇ ਰਾਜਸੀ ਸਨਮਾਨਾਂ ਨਾਲ ਸਰਕਾਰ ਵਲੋਂ ਭੇਜੇ ਗਏ ਰਾਸ਼ਟਰੀ ਝੰਡੇ ਵਿੱਚ ਘਰ ਤੋਂ ਅੰਤਿਮ ਯਾਤਰਾ ਲਈ ਰਵਾਨਾ ਕੀਤਾ ਗਿਆ, ਜੋ ਦੇਸ਼ ਦੀ ਏਕਤਾ-ਅਖੰਡਤਾ ਨੂੰ ਮਜ਼ਬੂਤ ਕਰਨ ਵਿੱਚ ਉਨ੍ਹਾਂ ਦੀ ਭੂਮਿਕਾ ਅਤੇ ਸ਼ਾਂਤੀ ਤੇ ਸਦਭਾਵਨਾ ਪ੍ਰਤੀ ਉਹਨਾਂ ਦੇ ਪਾਏ ਯੋਗਦਾਨ ਨੂੰ ਦਰਸਾਉਂਦਾ ਹੈ। ਉਹਨਾਂ ਦੱਸਿਆ ਕੀ ਇਸ ਦੌਰਾਨ ਦੇਸ਼ ਭਰ ਤੋਂ ਆਈਆਂ ਰਾਜਨੀਤਿਕ, ਧਾਰਮਿਕ ਅਤੇ ਸਮਾਜਿਕ ਸਖਸ਼ੀਅਤਾਂ ਨੇ ਬਾਦਲ ਸਾਹਿਬ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ ਅਤੇ ਪਰਿਵਾਰ ਨਾਲ ਦੁੱਖ ਸਾਂਝਾ ਕੀਤਾ । ਸ: ਗੁਰਚਰਨ ਸਿੰਘ ਟੌਹੜਾ ਜੀ , ਸ: ਜਗਦੇਵ ਸਿੰਘ ਤਲਵੰਡੀ ਜੀ ਤੋਂ ਬਾਅਦ ਅੱਧੀ ਸਦੀ ਤੋਂ ਵੱਧ ਸਮੇਂ ਤੱਕ ਪੰਜਾਬ ਦੀ ਰਾਜਨੀਤੀ ‘ਤੇ ਰਾਜ ਕਰਨ ਅਤੇ ਅਗਵਾਈ ਕਰਨ ਵਾਲੇ ਸ: ਪ੍ਰਕਾਸ਼ ਸਿੰਘ ਬਾਦਲ ਜੀ ਵੀ ਇਸ ਸੰਸਾਰ ਨੂੰ ਛੱਡ ਗਏ। ਪਿੰਡ ਬਾਦਲ ਵਿਖੇ ਇਸ ਦਮਦਾਰ ਸਿਆਸਤਦਾਨ,ਪੰਥ ਤੇ ਪੰਜਾਬ ਦੀ ਸਿਆਸਤ ਦੀ ਖੇਡ ਦੇ ਵੱਡੇ ਖਿਡਾਰੀ ਸ. ਪ੍ਰਕਾਸ਼ ਸਿੰਘ ਬਾਦਲ ਦਾ ਦਾਹ ਸੰਸਕਾਰ ਕੀਤਾ ਗਿਆ , ਜਿਸ ਤੋਂ ਬਾਅਦ ਇੱਕ ਸਦੀ ਦਾ ਅੰਤ ਹੋ ਗਿਆ। ਇਸ ਸ਼ਖ਼ਸੀਅਤ ਨੂੰ ਦੁਨੀਆਂ ਹਮੇਸ਼ਾ ਯਾਦ ਰੱਖੇਗੀ । ਉਹਨਾਂ ਦੀ ਗੱਲ ਕਰਨ ਦੀ ਲਿਆਕਤ, ਨਿਮਰਤਾ ਅਤੇ ਆਪਣੇ ਆਪ ਨੂੰ ਰਾਜ਼ ਰੱਖਣਾ ਸਿਆਸਤਦਾਨਾਂ ਦਾ ਹਮੇਸ਼ਾ ਮਾਰਗਦਰਸ਼ਨ ਕਰੇਗਾ ।
ਓਹਨਾ ਦੱਸਿਆ ਕੇ ਜ਼ਮੀਨੀ ਪੱਧਰ ਤੋਂ ਰਾਜਨੀਤੀ ਦੀ ਸ਼ੁਰਵਾਤ ਕਰਨ ਵਾਲੇ ਪੰਜਾਬ ਦੇ ਪੰਜ ਵਾਰ ਮੁੱਖ ਮੰਤਰੀ ਰਹਿ ਚੁੱਕੇ, ਹਲੀਮੀ ਨਾਲ ਭਰੇ ਹੋਏ ਮਹਾਨ ਸਿਆਸਤਦਾਨ ਸਰਦਾਰ ਪ੍ਰਕਾਸ਼ ਸਿੰਘ ਬਾਦਲ ਜੀ ਨੂੰ ਬਹੁਤ ਸਤਿਕਾਰ ਤੇ ਅਦਬ ਦੇ ਨਾਲ ਸਾਰਾ ਸੰਸਾਰ ਅਲਵਿਦਾ ਆਖਦਾ ਹੈ ਅਤੇ ਉਹਨਾਂ ਨੂੰ ਸ਼ਰਧਾ ਦੇ ਫੁੱਲ ਭੇਟ ਕਰਦਾ ਹੈ । ਬਾਦਲ ਸਾਬ ਕਿਸਾਨਾ ਦੇ ਮਸੀਹਾ ਸਨ ਹਰ ਵੇਲੇ ਪੰਜਾਬ ਦੇ ਕਿਸਾਨਾ ਦਾ ਭਲਾ ਸੋਚਦੇ ਸਨ । ਇਸ ਮੋਕੇ ਹਲਕਾ ਟਾਂਡਾ ਇੰਚਾਰਜ ਅਤੇ ਸੀਨੀਅਰ ਅਕਾਲੀ ਆਗੂ ਸਰਦਾਰ ਅਰਵਿੰਦਰ ਸਿੰਘ ਰਸੂਲਪੁਰ , ਸ਼੍ਰੋਮਣੀ ਅਕਾਲੀ ਦਲ ਆਇਟੀ ਵਿੰਗ ਲੱਕੀ ਰਾਏ ,ਅਕਾਲੀ ਆਗੂ ਸੰਦੀਪ ਸਿੰਘ ਸੋਨੂੰ ਡੱਫਰ,ਸ਼੍ਰੋਮਣੀ ਅਕਾਲੀ ਦਲ ਸਰਕਲ ਪ੍ਰਧਾਨ ਕੰਡੀ ਸੰਜੀਵ ਸਿੰਘ ਕੋਈ, ਅਕਾਲੀ ਅਗੂ ਸ ਬਲਵਿੰਦਰ ਸਿੰਘ ਚਿੱਪੜਾ,ਸ ਚਰਨ ਸਿੰਘ ਬੈਸ ਆਦਿ ਵਰਕਰ ਮੋਜੂਦ ਸਨ ।
