ਗੜ੍ਹਦੀਵਾਲਾ (ਯੋਗੇਸ਼ ਗੁਪਤਾ / ਚੌਧਰੀ) 

13 ਫਰਵਰੀ  : ਬੀਤੀ ਰਾਤ ਲੁਟੇਰਿਆਂ ਵਲੋਂ ਰੰਧਾਵਾ ਪੈਟਰੋਲ ਪੰਪ ਤੋਂ ਇੱਕ ਸੋਨਾਲੀਕਾ ਟਰੈਕਟਰ ਚੋਰੀ ਕੀਤਾ ਗਿਆ ਹੈ। ਹਨੀਫ ਪੁੱਤਰ ਤਾਜਦੀਨ ਪਿੰਡ ਰਾਜੂ ਦਵਾਖਰੀ ਨੇ ਪੁਲਸ ਨੂੰ ਦੱਸਿਆ ਕਿ ਮੈਂ ਸਾਮ 8 ਵਜੇ ਸੋਨਾਲੀਕਾ 745 ਟਰੈਕਟਰ ਟਰਾਲੀ ਜੋ ਲੱਕੜਾਂ ਨਾਲ ਭਰੀ ਹੋਈ ਸੀ ਰੰਧਾਵਾ ਪੈਟਰੋਲ ਪੰਪ ਵਿਖੇ ਖੜਾ ਕਰਕੇ ਚਲਾ ਗਿਆ ਸੀ।

(ਸੀਸੀਟੀਵੀ ਫੁਟੇਜ ਟਰੈਕਟਰ ਚੋਰੀ ਕਰਕੇ ਲੈ ਕੇ ਜਾਂਦੇ ਹੋਏ ਲੁਟੇਰੇ)

ਉਸ ਨੇ ਦੱਸਿਆ ਕਿ ਜਦੋਂ ਮੈਂ ਸਵੇਰੇ ਆਪਣੇ ਟਰੈਕਟਰ ਨੂੰ ਲੈਣ ਲਈ ਆਇਆ ਤਾਂ ਦੇਖਿਆ ਕਿ ਮੇਰਾ ਟਰੈਕਟਰ-ਟਰਾਲੀ ਉੱਥੇ ਨਹੀਂ ਸੀ। ਜਦੋਂ ਮੈਂ ਉਸ ਦੀ ਭਾਲ ਕੀਤੀ ਤਾਂ ਪੰਪ ਤੋਂ 500 ਗੱਜ ਅੱਗੇ ਮੇਰੀ ਟਰਾਲੀ ਸਮੇਤ ਲੱਕੜਾਂ ਖੜ੍ਹੀ ਸੀ ਤੇ ਕੋਈ ਅਣਪਛਾਤੇ ਵਿਅਕਤੀ ਮੇਰਾ ਟਰੈਕਟਰ ਚੋਰੀ ਕਰਕੇ ਲੈ ਗਏ। ਪੁਲਿਸ ਨੇ ਸੂਚਨਾ ਮਿਲਦੇ ਹੀ ਘਟਨਾ ਦੀ ਜਾਂਚ ਸ਼ੂਰੂ ਕਰ ਦਿੱਤੀ ਹੈ।