ਗੜਦੀਵਾਲਾ(ਚੌਧਰੀ) 26 ਨਵੰਬਰ

: ਸਤਿਗੁਰੂ ਮਾਤਾ ਸੁਦੀਕਸ਼ਾ ਜੀ ਮਹਾਰਾਜ ਦੀ ਕਿਰਪਾ ਨਾਲ ਸੰਤ ਨਿਰੰਕਾਰੀ ਸਤਸੰਗ ਭਵਨ ਗੜਦੀਵਾਲਾ ਵਿਖੇ ਮੁਖੀ ਮਹਾਤਮਾ ਅਵਤਾਰ ਸਿੰਘ ਦੀ ਅਗਵਾਈ ਵਿਚ ਖਿਮਾ ਯਾਚਨਾ ਦਿਵਸ ਮਨਾਇਆ ਗਿਆ। ਇਸ ਦੌਰਾਨ ਸੰਚਾਲਕ ਮਹਾਤਮਾ ਸੁਰਜੀਤ ਸਿੰਘ ਤੇ ਸ਼ਿਖਸਕ ਮਹਾਤਮਾ ਸੁਖਵੀਰ ਸਿੰਘ ਦੀ ਅਗਵਾਈ ਵਿਚ ਸੇਵਾਦਲ ਦੇ ਭੈਣਾਂ ਤੇ ਭਰਾਵਾਂ ਨੇ ਖਿਮਾ ਯਾਚਨਾ ਸ਼ਬਦ ਗਾਇਨ ਕੀਤਾ। ਮੁਖੀ ਮਹਾਤਮਾ ਅਵਤਾਰ ਸਿੰਘ ਨੇ ਪ੍ਰਵਚਨ ਕਰਦੇ ਹੋਏ ਕਿਹਾ ਕਿ ਸ਼ਹਿਨਸ਼ੀਲਤਾ ਭਗਤ ਦਾ ਸਭ ਤੋਂ ਵੱਡਾ ਗੁਣਾ ਹੁੰਦਾ ਹੈ ਅਤੇ ਇਹ ਗੁਣ ਸੇਵਾ, ਸਿਮਰਨ ਤੇ ਸਤਸੰਗ ਕਰਨ ਨਾਲ ਹੀ ਆਉਂਦਾ ਹੈ। ਸੇਵਾ ਕਰਨ ਦਾ ਮੌਕਾ ਕਿਸਮਤ ਨਾਲ ਮਿਲਦਾ ਹੈ। ਗੁਰਸਿਖ ਹਮੇਸ਼ਾ ਨਿਸ਼ਕਾਮ ਭਾਵ ਨਾਲ ਸਤਿਗੁਰੂ ਦਾ ਹੁਕਮ ਮੰਨਦੇ ਹੋਏ ਸੇਵਾ ਕਰਦਾ ਹੈ। ਉਸਦੇ ਮਨ ’ਚ ਇਹ ਨਹੀਂ ਹੁੰਦਾ ਕਿ ਇਹ ਸੇਵਾ ਉਸਨੂੰ ਕਿਸੇ ਕਾਬਲੀਅਤ ਦੇ ਕਰਕੇ ਮਿਲੀ ਹੈ, ਉਹ ਸੇਵਾ ਨੂੰ ਸਤਿਗੁਰੂ ਦੀ ਿਪਾ ਸਮਝ ਕੇ ਕਰਦਾ ਹੈ। ਉਨਾਂ ਕਿਹਾ ਕਿ ਜਦੋਂ ਇਨਸਾਨ ਸਤਿਗੁਰੂ ਦੀ ਸ਼ਰਨ ਵਿਚ ਆਉਂਦਾ ਹੈ ਤਾਂ ਉਸਨੂੰ ਸਾਰਿਆਂ ’ਚ ਇਹ ਨਿਰੰਕਾਰ ਪ੍ਰਭੂ ਦਿਖਾਈ ਦਿੰਦਾ ਹੈ, ਜਿਸ ਨਾਲ ਉਸਦੇ ਮਨ ਵਿਚ ਕਿਸੇ ਦੇ ਪ੍ਰਤੀ ਵੈਰ,ਵਿਰੋਧ,ਈਰਖਾ ਦੀ ਭਾਵਨਾ ਪੈਦਾ ਨਹੀਂ ਹੁੰਦੀ। ਉਹ ਕੇਵਲ ਤੇ ਕੇਵਲ ਇਸ ਨਿਰੰਕਾਰ ਪ੍ਰਭੂ ਦਾ ਅਹਿਸਾਸ ਰਖਦੇ ਹੋਏ ਸੇਵਾ ਭਾਵ ਮਨ’ਚ ਰਖਦਾ ਹੈ,ਜੋ ਕਿ ਉਸਦੇ ਲਈ ਲਾਭਦਾਇਕ ਹੁੰਦਾ ਹੈ।