ਗੜ੍ਹਦੀਵਾਲਾ(PPT )
15 ਦਸੰਬਰ : ਅੱਜ ਜਿਲਾ ਭਾਜਪਾ ਦੇ ਪ੍ਰਧਾਨ ਸੰਜੀਵ ਸਿੰਘ ਮਨਹਾਸ ਨੇ ਹੁਸ਼ਿਆਰਪੁਰ ਵਿਖੇ ਪਹੁੰਚੇ ਮੁੱਖਮੰਤਰੀ ਭਗਵੰਤ ਮਾਨ ਜੀ ਵੱਲੋ ਕੀਤੀ ਗਈ ਟੋਲ ਪਲਾਜੇ ਨੂੰ ਬੰਦ ਕਰਾਉਣ ਦੀ ਕਾਰਵਾਈ ਨੂੰ ਮਹਿਜ ਇੱਕ ਡਰਾਮਾ ਕਰਾਰ ਦਿੱਤਾ।
ਓਹਨਾਂ ਕਿਹਾ ਕਿ ਜਿਸ ਟੋਲ ਪਲਾਜੇ ਦੀ ਮਿਆਦ ਹੀ 14 ਦਿਸੰਬਰ ਦੀ ਰਾਤ ਤੱਕ ਹੈ ਓਸਨੂੰ ਬੰਦ ਕਰਾਉਣ ਤੇ ਇੰਨਾ ਡਰਾਮਾ ਕਿਉਂ ਕੀਤਾ ਜਾ ਰਿਹਾ।ਕਿਉਂਕਿ ਪੰਜਾਬ ਸਰਕਾਰ ਇੱਕ ਫੋਕੀ ਵਾਹਵਾਹੀ ਖੱਟਣ ਲਈ ਇੰਨਾ ਤਾਮ ਝਾਮ ਕਰ ਕੇ ਪੰਜਾਬ ਦੇ ਖਜ਼ਾਨੇ ਦਾ ਬੇਵਜਾ ਇਸਤੇਮਾਲ ਕਰ ਰਹੀ ਹੈ
ਓਹਨਾਂ ਦੱਸਿਆ ਕੀ ਅਸੀਂ ਸਭ ਵੇਖ ਰਹੇ ਹਾਂ ਜੱਦ ਦੀ ਇਹ ਸਰਕਾਰ ਆਈ ਹੈ ਸਰਕਾਰ ਸਿਰਫ ਤੇ ਸਿਰਫ ਮਸ਼ੂਰੀਆਂ ਤੇ ਇਸ਼ਤਿਹਾਰਬਾਜ਼ੀ ਚ ਹੀ ਕੰਮ ਕਰਨ ਤੇ ਯਕੀਨ ਰੱਖਦੀ ਹੈ ਨਾ ਕਿ ਜਮੀਨ ਤੇ..! ਓਹਨਾਂ ਸਰਕਾਰ ਤੋ ਇਹ ਸਵਾਲ ਪੁੱਛਿਆ ਕਿ ਜਿਹੜੇ ਟੋਲ ਪਲਾਜ਼ਾ ਦੀ ਮਿਆਦ ਖਤਮ ਹੋਣ ਤੇ ਤੁਸੀਂ ਆਪਣੀ ਫੋਕੀ ਵਾਹਵਾਹੀ ਖੱਟ ਰਹੇ ਹੋ ਤੇ ਜਿੰਨਾ ਦੀ ਮਿਆਦ ਤੁਸੀਂ ਆਪ ਵਧਾ ਰਹੇ ਹੋ ਓਹਨਾਂ ਦਾ ਕਸੂਰਵਾਰ ਕੌਣ ਹੈ.. ?
ਓਹਨਾਂ ਸਰਕਾਰ ਨੂੰ ਕਰੜੇ ਹੱਥੀਂ ਲੈਂਦੇ ਕਿਹਾ ਕਿ ਜੇਕਰ ਵਾਕਿਆ ਤੁਸੀਂ ਜਨਤਾ ਦਾ ਭਲਾ ਚਾਹੁੰਦੇ ਹੋ ਤੇ ਆਪਣੇ ਸੂਬੇ ਦੇ ਸਾਰੇ ਟੋਲ ਪਲਾਜੇ ਬੰਦ ਕਰਵਾਉਣ ਦਾ ਪ੍ਰੋਗ੍ਰਾਮ ਬਣਾਉ। ਜਿਸ ਵਿੱਚ ਅਸੀਂ ਵੀ ਸ਼ਾਮਿਲ ਹੋ ਕੇ ਤੁਹਾਨੂੰ ਸਨਮਾਨਿਤ ਕਰਾਂਗੇ। ਪਰ ਨਾ ਕੀ ਜਿਸ ਟੋਲ ਪਲਾਜੇ ਦੀ ਸਮਾਂ ਪੂਰਾ ਹੋਣ ਤੇ ਮਿਆਦ ਖਤਮ ਹੋ ਚੁੱਕੀ ਹੈ ਉਸ ਜਗ੍ਹਾ ਪਹੁੰਚ ਕੇ ਪੂਰੀ ਮੀਡੀਆ ਤੰਤਰ ਦੇ ਸਹਾਰੇ ਓਸ ਨੂੰ ਬੰਦ ਕਰਨ ਦੀ ਰਿਬਨ ਕਟਾਈ ਕਾਰਜਕਰਮ ਕਰਕੇ ਪੰਜਾਬ ਦੀ ਭੋਲੀ ਭਾਲੀ ਜਨਤਾ ਨੂੰ ਗੁਮਰਾਹ ਨਾਂ ਕਰੋ।
