ਪ੍ਰੈਸ ਮੀਡੀਆ ਕਲੱਬ ਜ਼ਿਲ੍ਹਾ ਪਠਾਨਕੋਟ ਦਾ ਹੋਇਆ ਗਠਨ. .. 

ਸੀਨੀਅਰ ਪੱਤਰਕਾਰ ਰਜਨੀਸ਼ ਕਾਲੂ ਨੂੰ ਸਰਬਸੰਮਤੀ ਨਾਲ ਕਲੱਬ ਦਾ ਪਹਿਲਾ ਪ੍ਰਧਾਨ ਚੁਣਿਆ ਗਿਆ

ਸੀਨੀਅਰ ਪੱਤਰਕਾਰ ਯੋਗੇਸ਼ ਸ਼ਰਮਾ ਅਤੇ ਪਵਨ ਮੰਗੋਤਰਾ ਨੂੰ ਕਲੱਬ ਦੇ ਜਨਰਲ ਸਕੱਤਰ ਨਿਯੁਕਤ

ਪਠਾਨਕੋਟ 13 ਜੂਨ (ਅਵਿਨਾਸ਼ ਸ਼ਰਮਾ) ਅੱਜ ਪੱਤਰਕਾਰ ਭਾਈਚਾਰੇ ਵੱਲੋਂ ਸੀਨੀਅਰ ਪੱਤਰਕਾਰ ਠਾਕੁਰ ਸੇਵਾ ਸਿੰਘ ਅਨੋਤਰਾ ਦੀ ਅਗਵਾਈ ਹੇਠ ਪਠਾਨਕੋਟ ਦੇ ਬ੍ਰਾਹਮਣ ਸਭਾ ਹਾਲ ਦੇ ਵਿਹੜੇ ਵਿੱਚ ਇੱਕ ਮੀਟਿੰਗ ਦਾ ਆਯੋਜਨ ਕੀਤਾ ਗਿਆ। ਇਸ ਮੀਟਿੰਗ ਵਿੱਚ ਜ਼ਿਲ੍ਹਾ ਪਠਾਨਕੋਟ ਦੇ ਪ੍ਰਿੰਟ, ਇਲੈਕਟ੍ਰਾਨਿਕ ਅਤੇ ਸੋਸ਼ਲ ਮੀਡੀਆ ਨਾਲ ਸਬੰਧਤ 36 ਦੇ ਕਰੀਬ ਜਦੋਂਕਿ ਹਿਮਾਚਲ ਦੀ ਇੰਦੌਰਾ ਤਹਿਸੀਲ ਨਾਲ ਸਬੰਧਤ 4 ਪੱਤਰਕਾਰਾਂ ਨੇ ਸ਼ਿਰਕਤ ਕੀਤੀ। ਮੀਟਿੰਗ ਵਿੱਚ ਸਰਬਸੰਮਤੀ ਨਾਲ ਨਵੇਂ “ਪ੍ਰੈਸ ਮੀਡੀਆ ਕਲੱਬ ਜ਼ਿਲ੍ਹਾ ਪਠਾਨਕੋਟ” ਦਾ ਗਠਨ ਕਰਨ ਦਾ ਫੈਸਲਾ ਕੀਤਾ ਗਿਆ। ਇਸ ਮੌਕੇ ਕਲੱਬ ਦੀ ਪਹਿਲੀ ਕਾਰਜਕਾਰਨੀ ਦੀ ਚੋਣ ਵੀ ਕਰਵਾਈ ਗਈ। ਜਿਸ ਲਈ ਜ਼ਿਲ੍ਹਾ ਬਾਰ ਐਸੋਸੀਏਸ਼ਨ ਦੇ ਮੈਂਬਰ ਐਡਵੋਕੇਟ ਅਮਨਦੀਪ ਸਿੰਘ ਅਨੋਤਰਾ ਨੂੰ ਰਿਟਰਨਿੰਗ ਅਫ਼ਸਰ ਨਿਯੁਕਤ ਕੀਤਾ ਗਿਆ । ਸੀਨੀਅਰ ਪੱਤਰਕਾਰ ਸੋਹਣ ਲਾਲ ਨੇ ਕਲੱਬ ਦੇ ਪਹਿਲੇ ਪ੍ਰਧਾਨ ਅਹੁਦੇ ਲਈ ਰਜਨੀਸ਼ ਕਾਲੂ ਦੇ ਨਾਮ ਦੀ ਤਜਵੀਜ਼ ਰੱਖੀ, ਜਿਸ ਨੂੰ ਸੀਨੀਅਰ ਪੱਤਰਕਾਰ ਯੋਗੇਸ਼ ਸ਼ਰਮਾ ਨੇ ਪ੍ਰਵਾਨਗੀ ਦਿੱਤੀ, ਬਾਅਦ ਵਿੱਚ ਮੀਟਿੰਗ ਵਿੱਚ ਹਾਜ਼ਰ ਸਮੂਹ ਮੈਂਬਰਾਂ ਨੇ ਸਰਬਸੰਮਤੀ ਨਾਲ ਰਜਨੀਸ਼ ਕਾਲੂ ਨੂੰ ਕਲੱਬ ਦਾ ਪਹਿਲਾ ਪ੍ਰਧਾਨ ਚੁਣ ਲਿਆ। ਇਸ ਤੋਂ ਬਾਅਦ ਸੀਨੀਅਰ ਪੱਤਰਕਾਰ ਯੋਗੇਸ਼ ਸ਼ਰਮਾ ਅਤੇ ਪਵਨ ਮੰਗੋਤਰਾ ਨੂੰ ਕਲੱਬ ਦਾ ਜਨਰਲ ਸਕੱਤਰ, ਸੀਨੀਅਰ ਪੱਤਰਕਾਰ ਸੋਹਨ ਲਾਲ ਨੂੰ ਕਲੱਬ ਦਾ ਸੀਨੀਅਰ ਮੀਤ ਪ੍ਰਧਾਨ, ਰਾਜੇਸ਼ ਟਿੰਕੂ ਅਤੇ ਅਸ਼ੀਸ਼ ਸ਼ਰਮਾ ਨੂੰ ਮੀਤ ਪ੍ਰਧਾਨ, ਧਰਮਿੰਦਰ ਸਿੰਘ ਨੂੰ ਕੈਸ਼ੀਅਰ, ਭੁਪਿੰਦਰ ਲੂਥਰਾ ਨੂੰ ਸਕੱਤਰ ਅਤੇ ਸ਼ਵੇਤਾ ਸ਼ਰਮਾ ਨੂੰ ਕਲੱਬ ਦਾ ਸੰਯੁਕਤ ਸਕੱਤਰ ਚੁਣਿਆ ਗਿਆ। ਨਵ-ਨਿਯੁਕਤ ਕਲੱਬ ਪ੍ਰਧਾਨ ਰਜਨੀਸ਼ ਕਾਲੂ ਨੇ ਕਲੱਬ ਮੈਂਬਰਾਂ ਨੂੰ ਵਿਸ਼ਵਾਸ ਦਿਵਾਇਆ ਕਿ ਉਹ ਸਮੂਹ ਪੱਤਰਕਾਰ ਸਾਥੀਆਂ ਨਾਲ ਮੋਢੇ ਨਾਲ ਮੋਢਾ ਜੋੜ ਕੇ ਕੰਮ ਕਰਨਗੇ ਅਤੇ ਕਲੱਬ ਨੂੰ ਹੋਰ ਬੁਲੰਦੀਆਂ ‘ਤੇ ਲੈ ਕੇ ਜਾਣਗੇ। ਉਹਨਾਂ ਕਿਹਾ ਜਲਦ ਕਲੱਬ ਦਾ ਅਗਲਾ ਪ੍ਰੋਗਰਾਮ ਉਲੀਕਿਆ ਜਾਵੇਗਾ। ਇਸ ਮੌਕੇ ਰਾਜਨ ਸ਼ਰਮਾ, ਸੁਰਿੰਦਰ ਸ਼ਰਮਾ, ਸ਼ਸ਼ੀ ਪਾਲ, ਦਿਨੇਸ਼ ਪੰਡਿਤ, ਪੰਕਜ ਸ਼ਰਮਾ, ਵਿਕਾਸ ਕੁਮਾਰ, ਸ਼ੰਮੀ ਧੀਮਾਨ, ਰਵਿੰਦਰ ਸਿੰਘ, ਅਮਿਤ ਅਗਰਵਾਲ, ਭੁਪਿੰਦਰ, ਪ੍ਰਮੋਦ ਚੰਦਰ, ਵਿਜੇ ਸ਼ਰਮਾ, ਵਿੱਕੀ, ਅਨਮੋਲ ਦੇਵਗਨ, ਰਾਜੇਸ਼ ਰਾਜੂ, ਵਿੱਕੀ ਕੁਮਾਰ, ਬਲਜੀਤ ਸਿੰਘ, ਸੁਨੀਲ ਕੁਮਾਰ, ਮਾਨਵ ਕੁਮਾਰ, ਵਿਨੋਦ, ਪਵਨ ਕੁਮਾਰ, ਰਾਕੇਸ਼ ਕੁਮਾਰ, ਦੀਪਕ ਕੁਮਾਰ ਆਦਿ ਹਾਜ਼ਰ ਸਨ।