ਗੜ੍ਹਵੀਵਾਲਾ, 27 ਜੂਨ (ਚੌਧਰੀ )
: ਸ਼ਿਵਾਲਿਕ ਪਹਾੜੀਆਂ ਦੀ ਗੋਦ ਚ ਵਸੇ ਥਾਨਾ ਡੈਮ ਦੇਖਣ ਆਏ ਗੁਰਦਾਸਪੁਰ ਦੇ ਨੌਜਵਾਨ ਦੀ ਡਿਪ੍ਰੈਰੇਸ਼ਨ ਦੀ ਦਵਾਈ ਜ਼ਿਆਦਾ ਮਾਤਰਾ ‘ਚ ਖਾਣ ਨਾਲ ਮੌ+ਤ ਹੋ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।
ਇਸ ਸਬੰਧੀ ਮ੍ਰਿਤਕ ਦੀ ਮਾਤਾ ਹਰਜੀਤ ਕੌਰ ਪਤਨੀ ਲੇਟ ਅਮਰੀਕ ਸਿੰਘ ਵਾਸੀ ਪਿੰਡ ਬੰਬ ਥਾਣਾ ਕੋਟਲੀ ਸੂਰਤ ਮੱਲੀ ਜ਼ਿਲਾ ਗੁਰਦਾਸਪੁਰ ਨੇ ਗੜ੍ਹਵੀਵਾਲਾ ਪੁਲਸ ਨੂੰ ਦਿੱਤੇ ਬਿਆਨਾਂ ‘ਚ ਦੱਸਿਆ ਕਿ ਉਹ ਬੰਬ ਥਾਣਾ ਕੋਟਲੀ ਸੁਰਤ ਮੱਲੀ ਜ਼ਿਲਾ ਗੁਰਦਾਸਪੁਰ ਦੀ ਮੌਜੂਦਾ ਸਰਪੰਚ ਹੈ। ਉਸ ਦਾ ਲੜਕਾ ਕੋਮਲਦੀਪ ਸਿੰਘ ਉਮਰ ਕਰੀਬ 38 ਸਾਲ ਜੋ ਖੇਤੀਬਾੜੀ ਦਾ ਕੰਮ ਕਰਦਾ ਸੀ। ਉਸ ਨੇ ਦੱਸਿਆ ਕਿ ਉਸ ਦੇ ਪਤੀ ਅਤੇ ਵੱਡੇ ਲੜਕੇ ਕਰਨਦੀਪ ਸਿੰਘ ਦੀ ਮੌਤ ਹੋ ਚੁੱਕੀ ਹੈ ਜਿਸ ਕਰ ਕੇ ਕੋਮਲਦੀਪ ਸਿੰਘ ਡਿਪ੍ਰੈਟੇਸ਼ਨ ‘ਚ ਰਹਿੰਦਾ ਸੀ ਤੇ ਡਿਪ੍ਰੈਰੇਸ਼ਨ ਦੀ ਦਵਾਈ ਖਾਂਦਾ ਰਹਿੰਦਾ ਸੀ।
ਬੀਤੇ ਦਿਨ ਉਸ ਦਾ ਲੜਕਾ ਕੋਮਲਦੀਪ ਸਿੰਘ ਉਸ ਨੂੰ ਦੱਸਿਆ ਕਿ ਉਸ ਨੇ ਗੜ੍ਹਵੀਵਾਲਾ ਨੇੜੇ ਬਾਨਾ ਡੈਮ ਦੇਖਣ ਜਾਣਾ ਹੈ ਤੇ ਕੱਲ ਵਾਪਸ ਆ ਜਾਵੇਗਾ। ਉਸ ਨੇ ਦੱਸਿਆ ਕਿ 25 ਜੂਨ ਨੂੰ ਕਰੀਬ ਬਾਅਦ ਦੁਪਹਿਰ 1 ਵਜੇ ਉਸ ਨੂੰ ਫੋਨ ਆਇਆ ਕਿ ਕੋਮਲਦੀਪ ਸਿੰਘ ਦੀ ਮੌ+ਤ ਹੋ ਗਈ ਹੈ।
ਜਦੋਂ ਉਸਨੇ ਆਪਣੇ ਦਿਉਰ ਗੁਰਚਰਨ ਸਿੰਘ ਪੁੱਤਰ ਬਲਵੀਰ ਸਿੰਘ ਦੇ ਨਾਲ ਆ ਕੇ ਦੇਖਿਆ ਤਾਂ ਵਾਕਿਆ ਹੀ ਡਿਪ੍ਰੈਸ਼ਨ ਦੀ ਦਵਾਈ ਜ਼ਿਆਦਾ ਮਿਕਦਾਰ ਵਿਚ ਖਾਣ ਕਰ ਕੇ ਕੋਮਲਦੀਪ ਸਿੰਘ ਦੀ ਮੌਤ ਹੋਈ ਹੈ। ਜਿਸ ਦੀ ਮੌ+ਤ ‘ਤੇ ਉਸ ਨੂੰ ਕਿਸੇ ਤੇ ਕੋਈ ਸ਼ੱਕ ਸੁੱਬਾ ਨਹੀਂ ਹੈ ਤੇ ਉਹ ਕਿਸੇ ਦੇ ਖਿਲਾਫ਼ ਕੋਈ ਕਾਨੂਨੀ ਕਾਰਵਾਈ ਨਹੀਂ ਕਰਵਾਉਣੀ ਚਾਹੁੰਦੀ।
ਗੜ੍ਹਵੀਵਾਲਾ ਪੁਲਸ ਵੱਲੋਂ ਮ੍ਰਿਤਕ ਕੋਮਲਦੀਪ ਸਿੰਘ ਪੁੱਤਰ ਅਮਰੀਕ ਸਿੰਘ ਵਾਸੀ ਬੰਬ ਥਾਣਾ ਕੋਟਲੀ ਸੂਰਤ ਮੱਲੀ ਜ਼ਿਲਾ ਗੁਰਦਾਸਪੁਰ ਦੀ ਥਾਨਾ ਡੈਮ ਤੋਂ ਲਾ+ਸ਼ ਆਪਣੇ ਕਬਜ਼ੇ ‘ਚ ਲੈ ਕੇ ਅਗਲੇਰੀ ਕਾਰਵਾਈ ਆਰੰਭ ਕਰ ਦਿੱਤੀ ਗਈ।
ਫ਼ੋਟੋ : ਮ੍ਰਿਤਕ ਕੋਮਲਦੀਪ ਸਿੰਘ ਦੀ ਲਾ+ਸ਼।
