ਬਟਾਲਾ, 8 ਦਸੰਬਰ (ਅਵਿਨਾਸ਼ ਸ਼ਰਮਾ)

ਚੋਣਾਂ ਨੂੰ ਸ਼ਾਂਤੀਪੂਰਨ ਬਣਾਉਣ ਲਈ ਵਿਸ਼ੇਸ਼ ਨਕਾਬਬੰਦੀ, ਫਲੈਗ ਮਾਰਚ ਅਤੇ ਕੜੀ ਚੈਕਿੰਗ ਸ਼ੁਰੂ

: ਚੋਣਾ ਦੌਰਾਨ ਸ਼ਾਂਤੀ ਅਤੇ ਕਾਨੂੰਨ-ਵਿਵਸਥਾ ਨੂੰ ਮਜ਼ਬੂਤ ਬਣਾਉਣ ਦੇ ਹਿੱਸੇ ਵਜੋਂ ਬਟਾਲਾ ਪੁਲਿਸ ਵੱਲੋਂ ਵੱਡਾ ਕਦਮ ਚੁੱਕਦੇ ਹੋਏ ਐਸਐਸਪੀ ਡਾ. ਮਹਿਤਾਬ ਸਿੰਘ (ਆਈਪੀਐਸ) ਨੇ ਪ੍ਰੇਸ ਨੂੰ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਸ਼ਹਿਰ ਦੇ ਹਰ ਮੁੱਖ ਚੌਂਕ ‘ਤੇ ਰੋਜ਼ਾਨਾ ਸ਼ਾਮ 5 ਵਜੇ ਤੋਂ 8 ਵਜੇ ਤੱਕ ਵਿਸ਼ੇਸ਼ ਨਕਾਬਬੰਦੀ ਅਤੇ ਕੜੀ ਚੈਕਿੰਗ ਕੀਤੀ ਜਾਵੇਗੀ।

ਉਨ੍ਹਾਂ ਚੇਤਾਵਨੀ ਭਰੇ ਅੰਦਾਜ਼ ‘ਚ ਕਿਹਾ ਕਿ—ਦੋਪਹੀਆ ਵਾਹਨਾਂ ‘ਤੇ ਨੰਬਰ ਪਲੇਟ ਦਾ ਸਪਸ਼ਟ ਹੋਣਾ ਲਾਜ਼ਮੀ
ਮੂੰਹ ਢੱਕ ਕੇ ਵਾਹਨ ਚਲਾਉਣ ਵਾਲਿਆਂ ਵਿਰੁੱਧ ਤੁਰੰਤ ਸਖ਼ਤੀ
ਸ਼ੱਕੀ ਗਤੀਵਿਧੀਆਂ ਤੇ ਜ਼ੀਰੋ ਟੋਲਰੈੰਸ ਨੀਤੀ

ਐਸਐਸਪੀ ਡਾ. ਮਹਿਤਾਬ ਸਿੰਘ ਨੇ ਆਪਣੀ ਟੀਮ ਸਮੇਤ ਫਲੈਗ ਮਾਰਚ ਕੱਢਦੇ ਹੋਏ ਸੁਨੇਹਾ ਦਿੱਤਾ ਕਿ ਬਟਾਲਾ ਵਿੱਚ ਕਾਨੂੰਨ-ਵਿਵਸਥਾ ਨਾਲ ਸਮਝੌਤਾ ਨਹੀਂ ਹੋ ਸਕਦਾ।
ਉਨ੍ਹਾਂ ਕਿਹਾ ਕਿ —
“ਪੁਲਿਸ ਤਿਆਰ ਹੈ, ਪਰ ਕਾਇਦੇ-ਕਾਨੂੰਨ ਦੀ ਰੱਖਿਆ ਲਈ ਜਨਤਾ ਦਾ ਸਹਿਯੋਗ ਵੀ ਇਕੋ ਜਿਹਾ ਜ਼ਰੂਰੀ ਹੈ।”
ਇਸ ਮੌਕੇ ‘ਤੇ ਡੀਐਸਪੀ ਕਸਤੂਰੀ ਲਾਲ, ਰੀਡਰ ਅਨਿਲ ਪਵਾਰ, ਐਸਐਚਓ ਸਿਵਲ ਲਾਈਨ ਹਰਜਿੰਦਰ ਸਿੰਘ ਸਮੇਤ ਹੋਰ ਅਧਿਕਾਰੀ ਹਾਜ਼ਰ ਸਨ।