ਗੁਰਦਾਸਪੁਰ(ਅਸ਼ਵਨੀ)
13 ਨਵੰਬਰ – ਪੁਲਿਸ ਜਿਲ੍ਹਾ ਗੁਰਦਾਸਪੁਰ ਅਧੀਨ ਪੈਂਦੇ ਪੁਲਿਸ ਸਟੇਸ਼ਨ ਦੀਨਾ ਨਗਰ ਦੀ ਪੁਲੀਸ ਵਲੋ ਦੋ ਨੂੰ 10 ਗ੍ਰਾਮ ਹੈਰੋਇਨ ਅਤੇ 4 ਹਜਾਰ ਰੁਪਏ ਡੱਰਗ ਮਨੀ ਸਮੇਤ ਕਾਬੂ ਕਰਨ ਦਾ ਦਾਅਵਾ ਕੀਤਾ ਗਿਆ ਹੈ।
ਸਹਾਇਕ ਸਬ ਇੰਸਪੈਕਟਰ ਯੂਸਫ ਮਸੀਹ ਪੁਲਿਸ ਸਟੇਸ਼ਨ ਦੀਨਾ ਨਗਰ ਨੇ ਦੱਸਿਆ ਕਿ ਉਸ ਨੇ ਪੁਲਿਸ ਪਾਰਟੀ ਸਮੇਤ ਗਸ਼ਤ ਕਰਦੇ ਹੋਏ ਨੈਸ਼ਨਲ ਹਾਈਵੇ ਬਾਈਪਾਸ ਮੋੜ ਝੰਡੇਚੱਕ ਦੀਨਾ ਨਗਰ ਤੋਂ ਵਿਸ਼ਾਲ ਕੁਮਾਰ ਉਰਫ ਢੋਲੀ ਵਾਸੀ ਪਨਿਆੜ ਅਤੇ ਆਸ਼ਾ ਰਾਣੀ ਵਾਸੀ ਡੀਡਾ ਸਾਂਸੀਆਂ ਨੂੰ ਸ਼ੱਕ ਪੈਣ ਉੱਪਰ ਸਕੂਟਰੀ ਨੰਬਰ ਪੀ ਬੀ 06 ਐਲ 6250 ਸਮੇਤ ਕਾਬੂ ਕਰਕੇ ਤਲਾਸ਼ੀ ਕੀਤੀ ਤਾਂ ਵਿਸ਼ਾਲ ਕੁਮਾਰ ਪਾਸੋ 5 ਗ੍ਰਾਮ ਹੈਰੋਇਨ ਅਤੇ 4 ਹਜ਼ਾਰ ਰੁਪਏ ਡੱਰਗ ਮੰਨੀ ਬਰਾਮਦ ਹੋਈ ਜਦੋ ਕਿ ਆਸ਼ਾ ਰਾਣੀ ਦੀ ਤਲਾਸ਼ੀ ਲੇਡੀ ਕਾਂਸਟੇਬਲ ਸੁਦੇਸ਼ ਕੁਮਾਰੀ ਪਾਸੋ ਕਰਵਾਈ ਤਾਂ 5 ਗ੍ਰਾਮ ਹੈਰੋਇਨ ਬਰਾਮਦ ਹੋਈ ।
