ਗੁਰਦਾਸਪੁਰ ( ਅਸ਼ਵਨੀ )

15 ਮਾਰਚ : ਪੁਲਿਸ ਜਿਲ੍ਹਾ ਗੁਰਦਾਸਪੁਰ ਅਧੀਨ ਪੈਂਦੇ ਵੱਖ-ਵੱਖ ਪੁਲਿਸ ਸਟੇਸ਼ਨਾ ਦੀ ਪੁਲੀਸ ਵਲੋ 4 ਵਿਅਕਤੀਆ ਨੂੰ 600 ਗ੍ਰਾਮ ਅਫ਼ੀਮ , ਚੋਰੀ ਸ਼ੂਦਾ ਮੋਟਰ-ਸਾਈਕਲ ਅਤੇ ਟੱਰਕ ਸਮੇਤ ਕਾਬੂ ਕਰਨ ਦਾ ਦਾਅਵਾ ਕੀਤਾ ਗਿਆ ।

ਸਹਾਇਕ ਸਬ ਇੰਸਪੈਕਟਰ ਕੁਲਵਿੰਦਰ ਸਿੰਘ ਪੁਲਿਸ ਸਟੇਸ਼ਨ ਪੁਰਾਣਾ ਸ਼ਾਲਾਂ ਨੇ ਦੱਸਿਆ ਕਿ ੳਸ ਨੇ ਪੁਲਿਸ ਪਾਰਟੀ ਸਮੇਤ ਗਸ਼ਤ ਕਰਦੇ ਹੋਏ ਮੁੱਖਬਰ ਖਾਸ ਦੀ ਸੂਚਨਾ ਤੇ ਪੁੱਲ ਸੇਮ ਨਹਿਰ ਮੋੜ ਗੁਰੂਦੁਆਰਾ ਸਾਹਿਬ ਘੱਲੂਘਾਰਾ ਵਿਖੇ ਨਾਕਾਬੰਦੀ ਕਰਕੇ ਦਲਬੀਰ ਸਿੰਘ ਉਰਫ ਸੁਰਜ ਪੁੱਤਰ ਹਰਜੀਤ ਸਿੰਘ ਵਾਸੀ ਨਵਾਂ ਸ਼ਾਲਾ ਅਤੇ ਰਮਨ ਮਸੀਹ ਪੁੱਤਰ ਯਸ਼ਪਾਲ ਮਸੀਹ ਵਾਸੀ ਭੁਕਰਾ ਨੂੰ ਟੱਰਕ ਨੰਬਰ ਪੀ ਬੀ 06 ਵਾਈ 8707 ਸਮੇਤ ਕਾਬੂ ਕਰਕੇ 600 ਗ੍ਰਾਮ ਅਫੀਮ ਬਰਾਮਦ ਕੀਤੀ । ਸਬ ਇੰਸਪੈਕਟਰ ਅਮੈਨੁਅਲ ਮੱਲ ਪੁਲਿਸ ਸਟੇਸ਼ਨ ਤਿੱਬੜ ਨੇ ਦੱਸਿਆ ਕਿ ੳਸ ਨੇ ਪੁਲਿਸ ਪਾਰਟੀ ਸਮੇਤ ਗਸ਼ਤ ਕਰਦੇ ਹੋਏ ਮੁੱਖਬਰ ਖਾਸ ਦੀ ਸੂਚਨਾ ਤੇ ਪੁੱਲ ਸੇਮ ਨਹਿਰ ਤਲਵੰਡੀ ਵਿਰਕ ਤੋਂ ਸ਼ਮਾਉਨ ਪੁੱਤਰ ਸੱਤਾ ਮਸੀਹ ਅਤੇ ਜਤਿੰਦਰ ਮਸੀਹ ਉਰਫ ਰਾਜ ਪੁੱਤਰ ਬਿੱਲੂ ਮਸੀਹ ਵਾਸੀਆਨ ਬੱਬੇਹਾਲੀ ਨੂੰ ਚੋਰੀ ਸ਼ੂਦਾ ਮੋਟਰ-ਸਾਈਕਲ ਨੰਬਰ ਪੀ ਬੀ 06 ਐਸ 9135 ਸਮੇਤ ਕਾਬੂ ਕੀਤਾ ।