ਗੜ੍ਹਦੀਵਾਲਾ / ਹੁਸ਼ਿਆਰਪੁਰ (ਚੌਧਰੀ)
20 ਜੂਨ : ਨੰਬਰਦਾਰ ਯੂਨੀਅਨ ਹੁਸ਼ਿਆਰਪੁਰ ਰਜਿਸਟਰਡ 643 ਵੱਲੋਂ ਜ਼ਿਲ੍ਹਾ ਪ੍ਰਧਾਨ ਜਸਵੰਤ ਸਿੰਘ ਰੰਧਾਵਾ ਦੀ ਅਗਵਾਈ ਹੇਠ ਲੰਬੜਦਾਰਾਂ ਦੀਆਂ ਭਖਦੀਆਂ ਮੰਗਾਂ ਨੂੰ ਲੈ ਕੇ ਮੁੱਖ ਮੰਤਰੀ ਨੂੰ ਜਿਲਾ ਡਿਪਟੀ ਕਮਿਸ਼ਨਰ ਕੋਮਲ ਮਿੱਤਲ ਰਾਹੀਂ ਮੰਗ ਪੱਤਰ ਭੇਜਿਆ ਗਿਆ। ਮੰਗ ਪੱਤਰ ਵਿੱਚ ਇਸ ਗੱਲ ਤੇ ਜ਼ੋਰ ਦਿੱਤਾ ਗਿਆ ਜੱਦੀ ਪੁਸ਼ਤੀ ਲੰਬੜਦਾਰੀ ਦੀ ਮੰਨੀ ਹੋਈ ਮੰਗ ਤਰੰਤ ਲਾਗੂ ਕੀਤਾ ਜਾਵੇ। ਇਸ ਤੋਂ ਇਲਾਵਾ ਨੰਬਰਦਾਰਾਂ ਦਾ ਮਾਣਭੱਤਾ 5000 ਰੁਪਏ ਮਹੀਨਾ ਦਿੱਤਾ ਜਾਵੇ, ਟੋਲ ਟੈਕਸ ਤੇ ਬੱਸ ਕਰਾਇਆ ਫ੍ਰੀ ਕੀਤਾ ਜਾਵੇ। ਨੰਬਰਦਾਰਾਂ ਦਾ ਪੰਜ ਲੱਖ ਰੁਪਏ ਦਾ ਸਿਹਤ ਬੀਮਾ ਵੀ ਕੀਤਾ ਜਾਵੇ,ਤਹਿਸੀਲ ਪੱਧਰ ਦੇ ਲੰਬੜਦਾਰਾਂ ਨੂੰ ਸ਼ਿਕਾਇਤ ਨਿਵਾਰਨ ਕਮੇਟੀਆਂ ਵਿੱਚ ਲਿਆ ਜਾਵੇ, ਚੰਡੀਗੜ੍ਹ ਵਿਖੇ ਲੰਬੜਦਾਰਾਂ ਲਈ ਲੰਬੜਦਾਰ ਭਵਨ ਉਸਾਰਿਆ ਜਾਵੇ ਤੇ ਪਿੰਡ ਪੰਚਾਇਤ ਬਲਾਕ ਸੰਮਤੀ ਜ਼ਿਲਾ ਪ੍ਰੀਸ਼ਦ ਮਾਰਕੀਟ ਕਮੇਟੀ ਚ ਲੰਬੜਦਾਰਾਂ ਨੂੰ ਨੁਮਾਇੰਦਗੀ ਦਿੱਤੀ ਜਾਵੇ। ਅੱਜ ਦੇ ਇਸ ਇਕੱਠ ਵਿਚ ਜ਼ਿਲ੍ਹਾ ਪ੍ਰਧਾਨ ਹੁਸ਼ਿਆਰਪੁਰ ਜਸਵੰਤ ਸਿੰਘ ਦੇ ਨਾਲ ਗੜ੍ਹਦੀਵਾਲਾ ਤੋਂ ਪ੍ਰਧਾਨ ਮਨੋਹਰ ਲਾਲ ,ਮਲਕੀਤ ਸਿੰਘ ਸਟੇਟ ਕਮੇਟੀ ਮੈਂਬਰ,ਗੁਰਮੀਤ ਸਿੰਘ ਖ਼ਜ਼ਾਨਚੀ ਮਦਨਜੀਤ ਸਿੰਘ ਜੌਹਲ, ਮੁਕੇਰੀਆਂ ਤੋਂ ਪ੍ਰਸ਼ੋਤਮ ਸਿੰਘ,ਸੁਰਜੀਤ ਸਿੰਘ ਲੋਹਗੜ੍ਹ, ਦੇਸ ਰਾਜ ਤਲਵਾੜਾ, ਹਰਮੀਨ ਸਿੰਘ ਦਸੂਹਾ,ਲੰਬੜਦਾਰ ਨਿਕੂ ਅਤੇ ਪੂਰਨ ਸਿੰਘ ਸ਼ਾਹੀ ਟਾਂਡਾ, ਜਸਪਾਲ ਸਿੰਘ ਪ੍ਰਧਾਨ ਤੇ ਲਖਬੀਰ ਸਿੰਘ, ਸੁਖਵਿੰਦਰ ਸਿੰਘ ਮੂਨਕ ਆਦਿ ਸ਼ਾਮਲ ਸਨ।
ਫੋਟੋ : ਜਿਲਾ ਡਿਪਟੀ ਕਮਿਸ਼ਨਰ ਕੋਮਲ ਮਿੱਤਲ ਨੂੰ ਮੰਗ ਪੱਤਰ ਸੌਂਪਦੇ ਹੋਏ ਨੰਬਰ ਯੂਨੀਅਨ ਦੇ ਮੈਂਬਰ।
Post Views: 419
