8500 ਰੁਪਏ ਦਾ ਪੈਟਰੋਲ ਪੁਆ ਕੇ ਸਕੌਡਾ ਕਾਰ ਵਾਲਾ ਹੋਇਆ ਰਫੂਚੱਕਰ  

ਬਲਾਚੌਰ / ਕਾਠਗੜ੍ਹ (ਜਤਿੰਦਰ ਪਾਲ ਸਿੰਘ ਕਲੇਰ ) ਬਲਾਚੌਰ- ਰੂਪਨਗਰ ਹਾਈਵੇ ਮਾਰਗ ‘ਤੇ ਪੈਂਦੇ ਪਿੰਡ ਮੁੱਤੋਂ ਦੇ ਨਜ਼ਦੀਕ ਸਥਿਤ ਕੈਨਾਲ ਵਿਊ ਫਿਊਲ ਸੈਂਟਰ ਤੋਂ  ਰਾਤ ਸਮੇਂ ਇੱਕ ਸਕੌਡਾ ਕਾਰ ਦਾ ਚਾਲਕ 8500 ਰੁਪਏ ਦਾ ਪੈਟਰੋਲ ਪੁਆ ਕੇ ਪੰਪ ਕਰਿੰਦਿਆਂ ਨੂੰ ਚਕਮਾ ਦੇ ਕੇ ਰਫੂਚੱਕਰ ਹੋ ਗਿਆ ।
ਉਕਤ ਪੈਟਰੋਲ ਪੰਪ ਦੇ ਮਾਲਕ ਹਰਮੇਸ਼ ਕੁਮਾਰ ਨੇ ਦੱਸਿਆ ਕਿ ਬੀਤੀ ਰਾਤ 10 ਵਜੇ ਦੇ ਕਰੀਬ ਇੱਕ ਦਿੱਲੀ ਦੇ ਨੰਬਰ ਵਾਲੀ ਸਕੌਡਾ ਕਾਰ ਪੰਪ ਤੇ ਆਈ ਜਿਸ ਦੇ ਚਾਲਕ ਨੇ ਪਹਿਲਾਂ ਕਾਰ ਵਿੱਚ ਰੱਖੀ ਗਈ ਖਾਲੀ ਕੈਨੀ ਵਿੱਚ ਪੰਜ ਹਜ਼ਾਰ ਰੁਪਏ ਦਾ ਪੈਟਰੋਲ ਪਵਾਇਆ ਅਤੇ ਫਿਰ ਬਾਅਦ ਵਿੱਚ 3500 ਰੁਪਏ ਦਾ ਪੈਟਰੋਲ ਕਾਰ ਵਿੱਚ ਪੁਆ ਲਿਆ । ਉਨ੍ਹਾਂ ਦੱਸਿਆ ਕਿ ਜਿਉਂ ਹੀ ਪੰਪ ਦਾ ਕਰਿੰਦਾ ਕਾਰ ਵਿੱਚ ਪੈਟਰੋਲ ਪਾ ਕੇ ਹਟਿਆ ਤਾਂ ਸਕੌਡਾ ਕਾਰ ਦੇ ਚਾਲਕ ਨੇ  ਕਾਰ ਨੂੰ ਇਕਦਮ ਤੇਜ਼ੀ ਨਾਲ ਭਜਾ ਲਿਆ ਤੇ ਉਨ੍ਹਾਂ ਦੇ ਦੇਖਦੇ ਹੀ ਉਹ ਰਫੂਚੱਕਰ ਹੋ ਗਿਆ