ਦਸੂਹਾ (ਚੌਧਰੀ) 

25 ਜਨਵਰੀ : ਅੱਜ ਮਾਨਯੋਗ ਭਾਰਤ ਚੋਣ ਕਮਿਸ਼ਨ ਦੀਆਂ ਹਦਾਇਤਾਂ ਅਨੁਸਾਰ 40 ਦਸੂਹਾ ਵਿਧਾਨ ਸਭਾ ਚੋਣ ਹਲਕਾ ਅਤੇ 41 ਉੜਮੁੜ ਵਿਧਾਨ ਸਭਾ ਚੋਣ ਹਲਕਾ ਦਾ ਸਾਂਝੇ ਤੌਰ ਤੇ ਚੋਣ ਹਲਕਾ ਪੱਧਰੀ ਨੈਸ਼ਨਲ ਵੋਟਰ ਦਿਵਸ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਦਸੂਹਾ ਵਿਖੇ ਮਨਾਇਆ ਗਿਆ। ਇਸ ਮੌਕੇ ਓਜਸਵੀ, ਆਈ.ਏ.ਐਸ., ਉਪ-ਮੰਡਲ ਮੈਜਿਸਟ੍ਰੇਟ-ਕਮ- ਚੋਣਕਾਰ ਰਜਿਸਟ੍ਰੇਸ਼ਨ ਅਫਸਰ ਦਸੂਹਾ ਵਲੋਂ ਹਾਜ਼ਰ ਆਏ ਵੋਟਰਾਂ ਨੂੰ ਵੋਟ ਦੀ ਮਹੱਤਤਾ ਬਾਰੇ ਦੱਸਿਆ ਗਿਆ। ਵੋਟਰਾਂ ਨੂੰ ਦੇਸ਼ ਦੀਆਂ ਲੋਕਤੰਤਰੀ ਪਰੰਪਰਾਵਾਂ ਕਾਇਮ ਰਖਦੇ ਹੋਏ ਅਤੇ ਸੁਤੰਤਰ, ਨਿਰਪੱਖ ਅਤੇ ਸ਼ਾਂਤੀ ਮਈ ਚੋਣਾਂ ਦੇ ਮਾਣ ਬਰਕਾਰ ਰੱਖਦੇ ਹੋਏ ਨਿਡਰ ਹੋ ਕੇ ਧਰਮ, ਵਰਗ, ਜਾਤੀ, ਭਾਈਚਾਰ ਭਾਸ਼ਾ ਜਾਂ ਹੋਰ ਕਿਸੇ ਵੀ ਲਾਲਚ ਦੇ ਤੋਂ ਬਿਨਾਂ ਸਾਰੀਆਂ ਚੋਣਾਂ ਵਿਚ ਆਪਣੇ ਹੱਕ ਦੀ ਵਰਤੋਂ ਕਰਨ ਲਈ ਪ੍ਰਣ ਦਿਵਾਇਆ ਗਿਆ। ਇਸ ਮੌਕੇ ਗੁਰਦਿਆਲ ਸਿੰਘ ਪ੍ਰਿੰਸੀਪਲ, ਮੈਡਮ ਸੀਮਾ ਵਾਸੂਦੇਵ ਅਤੇ ਮਿਸ ਪ੍ਰਭਜੋਤ ਵਲੋਂ ਵੋਟਰਾਂ ਨੂੰ ਵੋਟ ਦੀ ਮਹੱਤਤਾ ਬਾਰੇ ਜਾਗਰੂਕ ਕੀਤਾ ਗਿਆ। ਇਸ ਮੌਕੇ ਓਜਸਵੀ, ਆਈ.ਏ.ਐਸ., ਉਪ-ਮੰਡਲ ਮੈਜਿਸਟ੍ਰੇਟ-ਕਮ- ਚੋਣਕਾਰ ਰਜਿਸਟ੍ਰੇਸ਼ਨ ਅਫਸਰ ਦਸੂਹਾ ਵਲੋਂ  ਗੁਰਦਿਆਲ ਸਿੰਘ ਪ੍ਰਿੰਸੀਪਲ ਨੂੰ ਚੋਣਾਂ ਦੇ ਕੰਮ ਲਈ ਕੀਤੀਆਂ ਗਈਆਂ ਸਵੀਪ ਗਤੀਵਿਧੀਆਂ ਲਈ ਅਤੇ ਰਵਿੰਦਰ ਸਿੰਘ ਚੋਣ ਡਾਟਾ ਓਪਰੇਟਰ ਨੂੰ ਉਹਨਾ ਵਲੋਂ ਕੀਤੇ ਗਏ ਵੋਟਾਂ ਸਬੰਧੀ ਕੰਮਾਂ ਲਈ ਪ੍ਰਸ਼ੰਸ਼ਾਂਪੱਤਰ ਦਿੱਤੇ ਗਏ। ਇਸ ਮੌਕੇ  ਗੁਰਦਿਆਲ ਸਿੰਘ,  ਰਵਿੰਦਰ ਸਿੰਘ ਸੁਪਰਵਾਈਜ਼ਰ, ਮੈਡਮ ਸੀਮਾ ਵਾਸੂਦੇਵ, ਰਾਜੇਸ਼ ਕੁਮਾਰ ਇਲੈਕਸ਼ਨ ਇੰਚਾਰਜ ਅਤੇ ਵੋਟਰ ਮੌਜੂਦ ਸਨ।