ਕਸਬਾ ਮਜਾਰੀ ਅੱਡੇ ‘ਚੋਂ ਮੋਟਰਸਾਈਕਲ ਚੋਰੀ

ਬਲਾਚੌਰ, 27 ਮਈ (ਜਤਿੰਦਰ ਪਾਲ ਸਿੰਘ ਕਲੇਰ )-ਬੀਤੇ ਦਿਨ ਕਸਬਾ ਮਜਾਰੀ ਤੋਂ ਇਕ ਮੋਟਰ ਸਾਈਕਲ ਚੋਰੀ ਹੋਣ ਦੀ ਖ਼ਬਰ ਹੈ | ਇਸ ਬਾਰੇ ਰਵੀ ਕੁਮਾਰ ਪੁੱਤਰ ਕਮਲ ਸਿੰਘ ਵਾਸੀ ਚਣਕੋਆ ਨੇ ਦੱਸਿਆ ਕਿ ਉਹ ਕਸਬਾ ਮਜਾਰੀ ਅੱਡੇ ਦੇ ਨਜ਼ਦੀਕ ਇਕ ਖੋਖੇ ਤੋਂ ਕੁਝ ਸਮਾਨ ਖ਼ਰੀਦਣ ਲਈ ਆਪਣਾ ਕਾਲੇ ਰੰਗ ਦਾ ਸਪਲੈਂਡਰ ਮੋਟਰ ਸਾਈਕਲ ਪੀ.ਬੀ. 20 ਸੀ 8520 ਮਾਡਲ 2019 ਖੜ੍ਹਾ ਕਰਕੇ ਅੰਦਰ ਚਲਾ ਗਿਆ ਤੇ ਚਾਬੀ ‘ਚ ਹੀ ਰਹਿਣ ਦਿੱਤੀ | ਕੁੱਝ ਸਮੇਂ ਵਿਚ ਹੀ ਉਹ ਵਾਪਸ ਆਇਆ ਤਾਂ ਇਕ ਅਣਪਛਾਤਾ ਵਿਅਕਤੀ ਸਿਰੋਂ ਮੋਨਾ ਜਿਸ ਨੇ ਗਲ ਵਿਚ ਕਾਲਾ ਪਰਨਾ ਪਾਇਆ ਹੋਇਆ ਸੀ | ਮੋਟਰ ਸਾਈਕਲ ਸਟਾਰਟ ਕਰਕੇ ਗੜ੍ਹਸ਼ੰਕਰ ਵੱਲ ਨੂੰ ਤੇਜ਼ ਭਜਾ ਕੇ ਲੈ ਗਿਆ | ਜਿਸ ਦੀ ਪਹਿਚਾਣ ਨਹੀਂ ਹੋ ਸਕੀ | ਜਿਸ ਦੀ ਇਤਲਾਹ ਥਾਣਾ ਬਲਾਚੌਰ ਵਿਖੇ ਦਿੱਤੀ ਗਈ ਹੈ |