ਗੁਰਦਾਸਪੁਰ 2 ਮਾਰਚ ( ਅਸ਼ਵਨੀ ) :- ਇਕ ਵਿਅਕਤੀ ਵੱਲੋਂ ਜ਼ਹਿਰੀਲੀ ਦਵਾਈ ਖਾ ਕੇ ਖੁਦਕਸ਼ੀ ਕਰ ਲੈਣ ਤੇ ਮਿ੍ਰਤਕ ਦੇ ਪਿਤਾ ਦੇ ਬਿਆਨ ਤੇ ਪੁਲਿਸ ਸਟੇਸ਼ਨ ਪੁਰਾਣਾ ਸ਼ਾਲਾਂ ਦੀ ਪੁਲਿਸ ਵੱਲੋਂ ਪਤਨੀ ਸਮੇਤ ਚਾਰ ਵਿਰੁੱਧ ਮਾਮਲਾ ਦਰਜ ਕੀਤਾ ਗਿਆ ਹੈ ।ਚੱਤਰ ਸਿੰਘ ਪੁੱਤਰ ਸਵਰਗੀ ਤਰਲੋਕ ਸਿੰਘ ਵਾਸੀ ਪਿੰਡ ਭਟਨੁਰਾਂ ਖ਼ੁਰਦ ਕਪੂਰਥਲਾ ਨੇ ਪੁਲਿਸ ਨੂੰ ਦਰਜ ਕਰਵਾਏ ਬਿਆਨ ਰਾਹੀਂ ਦਸਿਆਂ ਕਿ ਉਸ ਦੇ ਪੁੱਤਰ ਤੇਜਪਾਲ ਸਿੰਘ ਉਮਰ 35 ਸਾਲ ਦਾ ਵਿਆਹ ਕਰੀਬ ਸਾਢੇ ਤਿੰਨ ਸਾਲ ਪਹਿਲਾ ਮਨਦੀਪ ਕੋਰ ਉਰਫ ਮਨਪ੍ਰੀਤ ਪੁੱਤਰੀ ਸਵਰਗੀ ਸਿਕੰਦਰ ਸਿੰਘ ਵਾਸੀ ਪਿੰਡ ਨਵਾਂ ਬਹਾਦਰ ਦੇ ਨਾਲ ਹੋਇਆਂ ਸੀ । ਵਿਆਹ ਤੋ ਬਾਅਦ ਮਨਦੀਪ ਕੋਰ ਅਕਸਰ ਆਪਣੇ ਪਤੀ ਦੇ ਨਾਲ ਕੜਾਈ ਝਗੜਾ ਕਰਦੀ ਰਹਿੰਦੀ ਸੀ ਜੋ ਲੜਾਈ ਝਗੜਾ ਕਰਕੇ ਕਰੀਬ ਤਿੰਨ ਮਹੀਨੇ ਪਹਿਲਾ ਆਪਣੇ ਪੇਕੇ ਘਰ ਚੱਲੀ ਗਈ ਸੀ ਜਿਸਨੂੰ ਲੇਣ ਲਈ ਤੇਜਪਾਲ ਸਿੰਘ ਬੀਤੇ ਦਿਨ 27 ਫ਼ਰਵਰੀ ਨੂੰ ਕਰੀਬ 9.30 ਵਜੇ ਚੱਲਿਆਂ ਗਿਆ ਸੀ ਅਤੇ ਕਰੀਬ 1.30 ਵਜੇ ਤੇਜਪਾਲ ਸਿੰਘ ਨੇ ਫ਼ੋਨ ਕਰਕੇ ਦਸਿਆਂ ਕਿ ਉਸ ਨੇ ਜਿੰਮੀ ਸਿੰਕਦਰ ਸਿੰਘ , ਬੋਬੀ ਪਤਨੀ ਜਿੰਮੀ , ਹੈਪੀ ਪੁੱਤਰ ਸਿੰਕਦਰ ਸਿੰਘ ਅਤੇ ਮਨਦੀਪ ਕੋਰ ਤੋ ਦੁਖੀ ਹੋ ਕੇ ਕੋਈ ਜ਼ਹਿਰੀਲੀ ਦਵਾਈ ਖਾ ਲਈ ਹੈ ਜਿਸ ਦੀ ਬੀਤੇ ਦਿਨ ਹੁਸ਼ਿਆਰਪੁਰ ਦੇ ਇਕ ਨਿੱਜੀ ਹੱਸਪਤਾਲ ਵਿੱਚ ਇਲਾਜ ਦੋਰਾਨ ਮੋਤ ਹੋ ਗਈ । ਸਹਾਇਕ ਸਬ ਇੰਸਪੈਕਟਰ ਸਲਿੰਦਰ ਸਿੰਘ ਨੇ ਦਸਿਆਂ ਕਿ ਚੱਤਰ ਸਿੰਘ ਵੱਲੋਂ ਦਿੱਤੇ ਬਿਆਨ ਤੇ ਪੁਲਿਸ ਵੱਲੋਂ ਉਕਤ ਚਾਰਾਂ ਵਿਰੁੱਧ ਧਾਰਾ 306 ਅਧੀਨ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।