ਗੜ੍ਹਦੀਵਾਲਾ 29 ਦਸੰਬਰ (ਚੌਧਰੀ / ਪ੍ਰਦੀਪਕੁਮਾਰ  ) 

: ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਐਡਵੋਕੇਟ ਸ. ਹਰਜਿੰਦਰ ਸਿੰਘ ਧਾਮੀ, ਸਕੱਤਰ (ਵਿੱਦਿਆ) ਸ. ਸੁਖਮਿੰਦਰ ਸਿੰਘ ਦੀ ਰਹਿਨੁਮਾਈ ਤੇ ਪ੍ਰਿੰਸੀਪਲ ਡਾ. ਜਸਪਾਲ ਸਿੰਘ ਦੀ ਅਗਵਾਈ ਹੇਠ ਕਮਰਸ ਵਿਭਾਗ ਮੈਡਮ ਕ੍ਰਿਤਿਕਾ ਸ਼ਰਮਾ ਨੇ ਪੀ.ਐੱਚ-ਡੀ. ਦੀ ਉਪਾਧੀ “Intangible Assets Reporting Practices: A Comparative Analysis of Indian and Global Companies” ਵਿਸ਼ੇ ਉੱਪਰ ਆਈ.ਕੇ. ਗੁਜਰਾਲ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ, ਜਲੰਧਰ ਤੋਂ ਡਾ. ਮਨਦੀਪ ਕੌਰ ਦੀ ਨਿਗਰਾਨੀ ਹੇਠ ਪੂਰੀ ਕੀਤੀ। ਕ੍ਰਿਤਿਕਾ ਸ਼ਰਮਾ ਦਾ ਇਹ ਖੋਜ ਕਾਰਜ ਆਧੁਨਿਕ ਕਾਰਪੋਰੇਟ ਜਗਤ ਅਤੇ ਲੇਖਾਕਾਰੀ ਦੇ ਖੇਤਰ ਵਿੱਚ ਇੱਕ ਮਹੱਤਵਪੂਰਨ ਯੋਗਦਾਨ ਹੈ। ਉਨ੍ਹਾਂ ਦੀ ਖੋਜ ਨਾ ਕੇਵਲ ਅਕਾਦਮਿਕ ਖੇਤਰ ਲਈ ਲਾਭਦਾਇਕ ਹੈ, ਸਗੋਂ ਉਦਯੋਗਿਕ ਅਤੇ ਨੀਤੀ-ਨਿਰਧਾਰਕ ਪੱਧਰ ‘ਤੇ ਵੀ ਇਸਦੇ ਮਹੱਤਵਪੂਰਨ ਅਰਥ ਨਿਕਲਦੇ ਹਨ। ਇਹ ਅਧਿਐਨ ਭਾਰਤੀ ਕੰਪਨੀਆਂ ਲਈ ਗਲੋਬਲ ਮਾਪਦੰਡਾਂ ਦੇ ਅਨੁਸਾਰ ਅਦ੍ਰਿਸ਼ਟ ਸੰਪਤੀਆਂ ਦੀ ਪਾਰਦਰਸ਼ੀ ਅਤੇ ਪ੍ਰਭਾਵਸ਼ਾਲੀ ਰਿਪੋਰਟਿੰਗ ਵੱਲ ਮਾਰਗਦਰਸ਼ਨ ਪ੍ਰਦਾਨ ਕਰਦਾ ਹੈ।
ਪ੍ਰਿੰਸੀਪਲ ਡਾ. ਜਸਪਾਲ ਸਿੰਘ ਨੇ ਮੈਡਮ ਕ੍ਰਿਤਿਕਾ ਸ਼ਰਮਾ ਨੂੰ ਵਧਾਈ ਦਿੱਤੀ ਅਤੇ ਕਿਹਾ ਕਿ ਇਹ ਉਪਲਬਧੀ ਕਮਰਸ ਵਿਭਾਗ ਦੀ ਅਕਾਦਮਿਕ ਉਚਾਈ ਨੂੰ ਹੋਰ ਮਜ਼ਬੂਤ ਕਰਦੀ ਹੈ।