ਗੜ੍ਹਦੀਵਾਲਾ (ਚੌਧਰੀ)
: ਕੇ .ਆਰ. ਕੇ .ਡੀ. ਏ. ਵੀ. ਸੀਨੀਅਰ ਸੈਕੰਡਰੀ ਸਕੂਲ ਗੜਦੀਵਾਲਾ ਵਿੱਚ ਇਸ ਸਕੂਲ ਦੇ ਵਿਦਿਆਰਥੀ ਰਹੇ ਇਤਿਹਾਸਕਾਰ ਹਰਕੀਰਤ ਸਿੰਘ ਸੰਧਰ ਦੁਆਰਾ ਲਿਖੀ ਪੁਸਤਕ ” ਜਿਲ੍ਹਾ ਹੁਸ਼ਿਆਰਪੁਰ ” ਦੀ ਘੁੰਡ ਚੁਕਾਈ ਦੀ ਰਸਮ ਅਦਾ ਕਰਨ ਲਈ ਸਕੂਲ ਪ੍ਰਿੰਸੀਪਲ ਤਰਸੇਮ ਸਿੰਘ ਦੀ ਪ੍ਰਧਾਨਗੀ ਹੇਠ ਇਕ ਵਿਸੇਸ਼ ਸਮਾਗਮ ਹੋਇਆ ਜਿਸ ਵਿੱਚ ਸਕੂਲ ਪ੍ਰਬੰਧਕ ਕਮੇਟੀ ਮੈਂਬਰ ਅਤੇ ਉਘੇ ਸਮਾਜ ਸੇਵਕ ਦੀਪਕ ਜੈਨ ਵਿਸੇਸ਼ ਤੌਰ ਤੇ ਹਾਜਰ ਹੋਏ।
ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਪ੍ਰਿੰਸੀਪਲ ਤਰਸੇਮ ਸਿੰਘ ਨੇ ਕਿਹਾ ਕਿ ਹਰਕੀਰਤ ਸਿੰਘ ਸੰਧਰ ਸ਼ੁਰੂ ਤੋਂ ਹੀ ਇਕ ਜਗਿਆਸੂ ਸੀ ਅਤੇ ਉਸ ਨੂੰ ਬਚਪਨ ਤੋਂ ਹੀ ਲਿਖਣ ਦਾ ਸ਼ੌਕ ਸੀ। ਇਸ ਪੁਸਤਕ ਤੋੰ ਪਹਿਲਾਂ ਉਹ ਤਿੰਨ ਪੁਸਤਕਾਂ “ਜਦੋਂ ਤੁਰੇ ਸੀ”, “ਕਿਸਾਨ-ਨਾਮਾ” ਅਤੇ ” ਮੇਰੇ ਹਿੱਸੇ ਦਾ ਲਾਹੋਰ” ਵੀ ਪ੍ਰਕਾਸ਼ਿਤ ਕਰਵਾ ਚੁੱਕੇ ਹਨ। ਉਹਨਾਂ ਨੇ ਇਸ ਪੁਸਤਕ ਵਿੱਚ ਜਿਲ੍ਹਾ ਹੁਸ਼ਿਆਰਪੁਰ ਦੇ ਇਤਿਹਾਸ ਨੂੰ ਇਕੱਠਾ ਕਰਕੇ ਸਮਾਜ ਨੂੰ ਇਕ ਨਵਾਂ ਤੋਹਫ਼ਾ ਦਿੱਤਾ ਹੈ।
ਇਸ ਮੌਕੇ ਤੇ ਬੋਲਦਿਆਂ ਦੀਪਕ ਜੈਨ ਨੇ ਕਿਹਾ ਕਿ ਹਰਕੀਰਤ ਸਿੰਘ ਸੰਧਰ ਨੇ ਇਸ ਪੁਸਤਕ ਵਿੱਚ ਸ਼ਿਵਾਲਿਕ ਪਹਾੜੀਆਂ ਦੇ ਪੈਰਾਂ ਹੇਠ ਵਸਦੀ ਸੰਤਾਂ-ਫਕੀਰਾਂ ਦੀ ਨਗਰੀ ਹੁਸ਼ਿਆਰਪੁਰ ਦੇ ਇਤਿਹਾਸ ਅਤੇ ਮਿਥਿਹਾਸ ਦੀ ਜਾਣਕਾਰੀ ਨੂੰ ਸਮੇਟਿਆ ਹੈ। ਇਹ ਪੁਸਤਕ ਆਉਣ ਵਾਲੀ ਪੀੜੀਆਂ ਲਈ ਗਿਆਨ ਦਾ ਸਰੋਤ ਸਾਬਤ ਹੋਵੇਗੀ।
ਅੰਤ ਵਿੱਚ ਸਕੂਲ ਵਲੋਂ ਹਰਕੀਰਤ ਸਿੰਘ ਸੰਧਰ ਨੂੰ ਮੁਬਾਰਕਬਾਦ ਦਿੰਦੇ ਹੋਏ ਇਕ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ ਅਤੇ ਆਪਣੇ ਬਚਪਨ ਦੇ ਸਕੂਲ ਨੂੰ ਯਾਦ ਕਰਨ ਲਈ ਧੰਨਵਾਦ ਪ੍ਰਗਟ ਕੀਤਾ ਗਿਆ। ਇਸ ਮੌਕੇ ਸੁਨੀਲ ਦੱਤ,ਪਵਨ ਕੁਮਾਰ, ਅਸ਼ੋਕ ਕੁਮਾਰ, ਰਣਜੋਧ ਸਿੰਘ, ਸੰਦੀਪ ਕੁਮਾਰ, ਮੈਡਮ ਸ਼ਵੇਤਾ ਸ਼ਰਮਾ, ਮੈਡਮ ਹਰਮਿੰਦਰ ਕੌਰ, ਮੈਡਮ ਰਜਨੀ, ਮੈਡਮ ਰੀਨਾ,ਮੈਡਮ ਮਨਕਿਰਨ, ਮੈਡਮ ਕਮਲੇਸ਼ , ਮੈਡਮ ਨੇਹਾ, ਮੈਡਮ ਨਵਜੋਤ, ਮੈੈਡਮ ਪ੍ਰੀਤੀ , ਮੈਡਮ ਰੇਖਾ, ਮੈਡਮ ਅਮਨ , ਮੈਡਮ ਸੁਨੀਤਾ ਸਹਿਤ ਸਮੂਹ ਸਟਾਫ ਮੈਂਬਰ ਹਾਜ਼ਰ
