ਅਦਾਕਾਰ ਰਾਣਾ ਜੰਗ ਬਹਾਦਰ ਦਾ ਭਾਰਤੀਆ ਧਰਮ ਸਮਾਜ ਭਾਵਾਦਾਸ ਦੇ ਭਾਈਚਾਰੇ ਨੇ ਫ਼ੂਕਿਆ ਪੁਤਲਾ
ਅਦਾਕਾਰ ਦੇ ਖਿਲਾਫ਼ ਸਖਤ ਕਾਰਵਾਈ ਕਰਨ ਲਈ ਐਸ ਐਚ ਓ ਤੇ ਨਾਇਬ ਤਹਿਸੀਲਦਾਰ ਗੜ੍ਹਦੀਵਾਲਾ ਰਾਹੀਂ ਸਰਕਾਰ ਤੇ ਪ੍ਰਸ਼ਾਸਨ ਦੇ ਉੱਚ ਅਧਿਕਾਰੀਆਂ ਤੱਕ ਪੁਹੰਚਣ ਲਈ ਸੌਂਪਿਆ ਮੰਗ ਪੱਤਰ
ਗੜ੍ਹਦੀਵਾਲਾ 13 ਜੂਨ (ਚੌਧਰੀ) : : ਅੱਜ ਸਥਾਨਕ ਸ਼ਹਿਰ ਵਿਖੇ ਅਦਾਕਾਰ ਰਾਣਾ ਜੰਗ ਬਹਾਦਰ ਵਿਰੁੱਧ ਢੁਕਵੀਂ ਕਾਰਵਾਈ ਕਰਵਾਉਣ ਨੂੰ ਲੈ ਕੇ ਭਾਰਤੀਆ ਧਰਮ ਸਮਾਜ ਭਾਵਾਦਾਸ ਦੇ ਭਾਈਚਾਰੇ ਵੱਲੋਂ ਪ੍ਰਧਾਨ ਸੋਮਰਾਜ ਸੱਭਰਵਾਲ ਦੀ ਅਗਵਾਈ ‘ਚ ਸ਼ਹਿਰ ਦੇ ਦਸੂਹਾ ਹੁਸ਼ਿਆਰਪੁਰ ਮੇਨ ਰੋਡ ਤੇ ਰੋਸ ਮਾਰਚ ਕਰਨ ਉਪਰੰਤ ਬੱਸ ਸਟੈਂਡ ਤੇ ਜਾਮ ਲਗਾਕੇ ਪੁਤਲਾ ਫ਼ੂਕਿਆ ਗਿਆ।ਇਸ ਮੌਕੇ ਪ੍ਰਧਾਨ ਸੋਮਰਾਜ ਸੱਭਰਵਾਲ ਨੇ ਕਿਹਾ ਕਿ ਭਗਵਾਨ ਵਾਲਮੀਕਿ ਜੀ ਬਾਰੇ ਗਲਤ ਟਿੱਪਣੀ ਕਰਨ ਵਾਲੇ ਅਦਾਕਾਰ ਜੰਗ ਬਹਾਦਰ ਤੇ ਧਾਰਾ 295 ਅਧੀਨ ਦਰਖਾਸਤ ਦਰਜ ਕਰਕੇ ਐਸ.ਸੀ ਐਕਟ ਦੀ ਧਾਰਾ ਲਗਾ ਕੇ ਤੁਰੰਤ ਗਿਰਫ਼ਤਾਰ ਕੀਤਾ ਜਾਵੇ ਤਾਂ ਜੋ ਅੱਗੇ ਤੋਂ ਕੋਈ ਕਿਸੇ ਵੀ ਧਰਮ ਦੇ ਜਾ ਕਿਸੇ ਦੀ ਸ਼ਾਨ ਦੇ ਖਿਲਾਫ ਗਲਤ ਟਿੱਪਣੀ ਕਰਨ ਦੀ ਜੂਰਤ ਨਾ ਕਰੇ। ਉਨ੍ਹਾਂ ਕਿਹਾ ਕੇ ਕੁਝ ਦਿਨ ਪਹਿਲਾਂ ਟੀਵੀ ਚੈਨਲ ਰਾਹੀਂ ਉਸਨੇ ਭਗਵਾਨ ਵਾਲਮੀਕ ਜੀ ਦੀ ਸ਼ਵੀ ਖਰਾਬ ਕਰਨ ਦੀ ਕੋਝੀ ਹਰਕਤ ਕੀਤੀ ਹੈ। ਜਿਸਨੂੰ ਕਿਸੇ ਵੀ ਕੀਮਤ ਤੇ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।ਇਸ ਮੌਕੇ ਪ੍ਰਧਾਨ ਸੋਮਰਾਜ ਸੱਭਰਵਾਲ ਦੀ ਅਗਵਾਈ ਵਿੱਚ ਬਾਲਮੀਕ ਭਾਈਚਾਰੇ ਵਲੋਂ ਅਦਾਕਾਰ ਜੰਗ ਬਹਾਦਰ ਦੇ ਖਿਲਾਫ਼ ਸਖਤ ਕਾਰਵਾਈ ਕਰਨ ਲਈ ਐਸ ਐਚ ਓ ਇੰਸਪੈਕਟਰ ਪ੍ਰਦੀਪ ਸਿੰਘ ਤੇ ਨਾਇਬ ਤਹਿਸੀਲਦਾਰ ਗੜ੍ਹਦੀਵਾਲਾ ਸੁਖਵਿੰਦਰ ਸਿੰਘ ਰਾਹੀਂ ਸਰਕਾਰ ਤੇ ਪ੍ਰਸ਼ਾਸਨ ਦੇ ਉੱਚ ਅਧਿਕਾਰੀਆਂ ਤੱਕ ਪੁਹੰਚਣ ਲਈ ਮੰਗ ਪੱਤਰ ਸੌਂਪਿਆ ਗਿਆ।ਜਿਸ ਵਿੱਚ ਮੰਗ ਕੀਤੀ ਕਿ ਅਦਾਕਾਰ ਜੰਗ ਬਹਾਦਰ ਖਿਲਾਫ ਮਾਮਲਾ ਦਰਜ ਕਰਕੇ ਉਸਨੂੰ ਤਰੁੰਤ ਗਿ੍ਫਤਾਰ ਕੀਤਾ ਜਾਵੇ।ਇਸ ਮੌਕੇ ਨਾਇਬ ਤਹਿਸੀਲਦਾਰ ਸੁਖਵਿੰਦਰ ਸਿੰਘ ਨੇ ਉੱਕਤ ਆਗੂਆਂ ਨੂੰ ਭਰੋਸਾ ਦਿਵਾਇਆ ਕਿ ਉਹ ਉਨ੍ਹਾਂ ਦੀ ਇਸ ਮੰਗ ਨੂੰ ਸਰਕਾਰ ਤੇ ਉੱਚ ਅਧਿਕਾਰੀਆਂ ਤੱਕ ਪਹੁੰਚਾਕੇ ਅਦਾਕਾਰ ਜੰਗ ਬਹਾਦਰ ਖਿਲਾਫ਼ ਬਣਦੀ ਕਾਰਵਾਈ ਕਰਵਾਉਣ ਲਈ ਪਹਿਲਕਦਮੀ ਕਰਨਗੇ।ਇਸ ਮੌਕੇ ਸ਼ੁਭਮ ਸਹੋਤਾ,ਸ਼ੈਂਕੀ ਕਲਿਆਣ,ਵਿਨੋਦ ਕਲਿਆਣ,ਵਿੱਕੀ ਭਾਣੋਵਾਲ,ਰਿੰਪੀ ਤਲਵਾੜ ,ਸੁਲੱਖਣ ਸਿੰਘ,ਬਿੰਦੂ ਭੱਟਲਾਂ,ਰਿੰਕੂ ਭਣੋਵਾਲ,ਰੋਹਿਤ,ਰਿਤੇਸ਼, ਹਰਸ਼,ਵੰਸ਼,ਰਾਜੇਸ਼ ਕੁਮਾਰ,ਅਮਨ,ਰਾਜੂ, ਇੰਦਰ ਕੁਮਾਰ, ਸੋਨੂੰ,ਜਸਵੀਰ ਕੁਮਾਰ ਸਾਬੀ ਆਦਿ ਹਾਜਰ ਸਨ।
ਫੋਟੋ : ਅਦਾਕਾਰ ਰਾਣਾ ਜੰਗ ਬਹਾਦਰ ਦਾ ਪੁਤਲਾ ਫੂਕਦੇ ਅਤੇ ਨਾਇਬ ਤਹਿਸੀਲਦਾਰ ਗੜ੍ਹਦੀਵਾਲਾ ਨੂੰ ਮੰਗ ਪੱਤਰ ਸੌਂਪਦੇ ਹੋਏ ਭਾਰਤੀਆ ਧਰਮ ਸਮਾਜ ਭਾਵਾਦਾਸ ਦੇ ਭਾਈਚਾਰੇ ਦੇ ਲੋਕ।
