ਗੜ੍ਹਸ਼ੰਕਰ (ਅਸ਼ਵਨੀ ਸ਼ਰਮਾ)

: ਮਾਹਿਲਪੁਰ ਪੁਲਿਸ ਵਲੋਂ ਐਡਵੋਕੇਟ ਮਧੂ ਰਾਣਾ ਦੇ ਖਿਲਾਫ 107/150 ਸੀਆਰਪੀਸੀ ਦਾ ਪਰਚਾ ਦਰਜ ਕਰਨ ਦੇ ਵਿਰੋਧ ਵਿੱਚ ਬਾਰ ਐਸੋਸੀਏਸ਼ਨ ਗੜ੍ਹਸ਼ੰਕਰ ਵਲੋਂ ਪ੍ਰਧਾਨ ਐਡਵੋਕੇਟ ਪੰਕਜ ਕਿ੍ਪਾਲ ਦੀ ਅਗਵਾਈ ਹੇਠ ਅਦਾਲਤੀ ਕੰਮ ਠੱਪ ਕੀਤਾ ਗਿਆ ਅਤੇ ਐਸਡੀਐਮ ਗੜ੍ਹਸ਼ੰਕਰ ਨੂੰ ਮੰਗ ਪੱਤਰ ਦਿੱਤਾ ਗਿਆ| ਵਕੀਲਾਂ ਦੇ ਸੰਘਰਸ਼ ਨੂੰ ਦੇਖਦੇ ਹੋਏ ਐਸਡੀਐਮ ਗੜ੍ਹਸ਼ੰਕਰ ਅਤੇ ਡੀਐਸਪੀ ਗੜ੍ਹਸ਼ੰਕਰ ਵਲੋਂ ਵਕੀਲ ਮਧੂ ਰਾਣਾ ਦੇ ਖਿਲਾਫ ਦਰਜ 107/150 ਸੀਆਰਪੀਸੀ ਦੇ ਪਰਚੇ ਨੂੰ ਖਾਰਜ ਕਰਨ ਦਾ ਯਕੀਨ ਦਿਵਾਇਆ| ਇਸ ਮੌਕੇ ਚੌਧਰੀ ਭਾਗੂ ਰਾਮ, ਸੰਜੀਵ ਡੋਡ, ਰਾਜ ਕੁਮਾਰ ਭੱਟੀ, ਸੰਜੀਵ ਕਾਲੀਆ, ਹਰਪੀ੍ਤ ਸਿੰਘ, ਗੁਰਦੀਪ ਸੈਣੀ, ਪਵਨ ਰਾਏ, ਦੀਪਾਕਰ ਲੰਬ, ਰੂਪੇਸ਼ ਖੰਨਾ, ਸੰਜੀਵ ਬੰਗਾ, ਸੁਰਿੰਦਰ ਪਾਲ, ਹਰਮੇਸ਼ ਆਜਾਦ, ਰਣਵੀਰ ਬੇਦੀ, ਸਤੀਸ਼ ਲੰਬ, ਰਾਮ ਨਾਥ ਰਾਏ, ਨਰੇਸ਼ ਭੱਟੀ, ਮਨਜੀਤ ਸਿੰਘ, ਬਲਵਿੰਦਰ ਸਿੰਘ, ਸਤਿੰਦਰਾਜ ਨਾਗਪਾਲ, ਬਰਜਿੰਦਰ ਸਿੰਘ, ਦਮਨ ਨਾਗਪਾਲ, ਮਧੂ ਰਾਣਾ, ਰਾਜੇਸ਼ ਕੁਮਾਰ, ਆਦਿ ਹਾਜਰ ਹੋਏ|

ਇਸ ਮੌਕੇ ਪੰਕਜ ਕਿ੍ਪਾਲ ਐਡਵੋਕੇਟ ਨੇ ਕਿਹਾ ਕਿ ਮਧੂ ਰਾਣਾ ਵਕੀਲ ਵਿਰੁੱਧ ਦਰਜ 107/150 ਸੀਆਰਪੀਸੀ ਦਾ ਪਰਚਾ ਬਿਲਕੁਲ ਝੂਠਾ ਅਤੇ ਬੇਬੁਨਿਆਦ ਹੈ| ਉਨ੍ਹਾਂ ਕਿਹਾ ਕਿ ਡੀਐਸਪੀ ਗੜਸ਼ੰਕਰ ਦੇ ਨਿਰਦੇਸ਼ ਤਹਿਤ ਪੁਲਿਸ ਵਲੋਂ ਮਧੂ ਰਾਣਾ ਵਕੀਲ ਵਿਰੁੱਧ ਦਰਜ 107/150 ਸੀ ਆਰ ਪੀ ਸੀ ਦਾ ਪਰਚਾ ਖਾਰਜ ਕਰਨ ਦਾ ਫੈਸਲਾ ਸ਼ਲਾਘਾਯੋਗ ਹੈ|