ਟਾਂਡਾ / ਦਸੂਹਾ 6 ਫਰਵਰੀ (ਚੌਧਰੀ) : ਆਬਕਾਰੀ ਵਿਭਾਗ ਦੀ ਟੀਮ ਨੇ ਸ਼ਨੀਵਾਰ ਨੂੰ ਮੰਡ ਖੇਤਰ ‘ਚ ਛਾਪੇਮਾਰੀ ਕਰਕੇ ਕਰੀਬ 54 ਹਜ਼ਾਰ ਕਿਲੋ ਲਾਹਣ (ਦੇਸ਼ੀ ਸ਼ਰਾਬ) ਬਰਾਮਦ ਕੀਤੀ ਹੈ।ਐਕਸਾਈਜ਼ ਜਿਲਾ ਅਧਿਕਾਰੀ. ਏ ਐਸ ਕੰਗ ਨੇ ਦੱਸਿਆ ਕਿ ਉਨ੍ਹਾਂ ਦੀ ਟੀਮ ਨੇ ਵਿਧਾਨ ਸਭਾ ਚੋਣਾਂ ਦੇ ਮੱਦੇਨਜ਼ਰ ਚੋਣ ਆਯੋਗ ਨੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਮਿਆਣੀ ਸਰਕਲ ਦੇ ਪਿੰਡ ਗੰਦੋਵਾਲ ਦੇ ਦਰਿਆ ਪਾਰ ਰੇਡ ਕੀਤੀ।ਉਨ੍ਹਾਂ ਦੱਸਿਆ ਕਿ ਈ.ਓ ਹੁਸ਼ਿਆਰਪੁਰ 2 ਅਫਸਰ ਸ਼ੇਖਰ ਅਤੇ ਉਨ੍ਹਾਂ ਦੀ ਟੀਮ ਦੇ ਇੰਸਪੈਕਟਰ ਮਹਿੰਦਰ ਸਿੰਘ, ਸੁਖਵੀਰ ਸਿੰਘ, ਏ.ਐੱਸ.ਆਈ ਮੁਸ਼ਤਾਕ, ਐਚ.ਸੀ ਗਿਆਨ ਸਿੰਘ, ਐਚ.ਸੀ ਹਰਪਾਲ ਸਿੰਘ ਅਤੇ ਸੀਨੀਅਰ ਕਾਂਸਟੇਬਲ ਕਸ਼ਮੀਰ ਸਿੰਘ  ਛਾਪੇਮਾਰੀ ਵਿੱਚ ਉਨ੍ਹਾਂ ਦੇ ਨਾਲ ਸਨ।ਪਹਿਲਾਂ ਉਹ ਪਿੰਡ ਪੁੱਜੇ ਅਤੇ ਫਿਰ 5 ਕਿਲੋਮੀਟਰ ਪੈਦਲ ਚੱਲ ਕੇ ਕਿਸ਼ਤੀ ਰਾਹੀਂ ਦਰਿਆ ਪਾਰ ਕਰਕੇ ਉਸ ਥਾਂ ਪੁੱਜੇ ਜਿੱਥੋਂ ਧੂੰਆਂ ਨਿਕਲ ਰਿਹਾ ਸੀ।ਅਧਿਕਾਰੀਆਂ ਨੇ ਦੱਸਿਆ ਕਿ ਪੁੱਜਣ ‘ਤੇ ਉਕਤ ਜਗ੍ਹਾ ‘ਤੇ ਉਨ੍ਹਾਂ ਨੂੰ 4 ਚੱਲਦੀਆਂ ਭੱਠੀਆਂ ਮਿਲੀਆਂ, ਜਿਨ੍ਹਾਂ ਨੂੰ ਨਸ਼ਟ ਕਰ ਦਿੱਤਾ ਗਿਆ।ਇਸ ਦੌਰਾਨ ਉਥੋਂ 27 ਤਰਪਾਲਾਂ, 40 ਲੀਟਰ ਦਾ ਇਕ ਅਤੇ ਪਲਾਸਟਿਕ ਦੇ ਤਿੰਨ ਖਾਲੀ ਡੱਬੇ ਬਰਾਮਦ ਹੋਏ ਪਰ ਹਰ ਵਾਰ ਦੀ ਤਰ੍ਹਾਂ ਇਸ ਵਾਰ ਵੀ ਤਸਕਰ ਫ਼ਰਾਰ ਹੋ ਗਏ ਸਨ।