ਨਵਾਂਸ਼ਹਿਰ, 20 ਅਪ੍ਰੈਲ (ਐਸਕੇ ਜੋਸ਼ੀ)
: ਗੈਰ ਕਾਨੂੰਨੀ ਨਸ਼ਾ ਕੇਂਦਰ ਚਲਾਉਣ ਵਾਲੇ ਤਿੰਨ ਨੌਜਵਾਨਾਂ ਨੂੰ ਨਵਾਂਸ਼ਹਿਰ ਪੁਲਿਸ ਨੇ ਕਾਬੂ ਕੀਤਾ ਹੈ ।ਮੁਲਜ਼ਮਾਂ ਦੀ ਪਛਾਣ ਜਸਤੇਜ ਸਿੰਘ ਪੁੱਤਰ ਅਮ੍ਰਿਤਪਾਲ ਸਿੰਘ ਵਾਸੀ ਕਮਲ ਕਲੋਨੀ ਸਮਰਾਲਾ ਥਾਣਾ ਸਮਰਾਲਾ ਜਿਲਾ ਲੁਧਿਆਣਾ,ਜਤਿੰਦਰ ਸਿੰਘ ਪੁੱਤਰ ਜੰਗ ਸਿੰਘ ਵਾਸੀ ਭੂਖੜੀ ਕਲਾਂ ਥਾਣਾ ਜਮਾਲਪੁਰ ਲੁਧਿਆਣਾ ਤੇ ਮਨਦੀਪ ਸਿੰਘ ਪੁੱਤਰ ਸੁਖਦੇਵ ਸਿੰਘ ਵਾਸੀ ਪਿੰਡ ਲੱਖਾ ਥਾਣਾ ਸਦਰ ਰਾਏਕੋਟ ਜਿਲਾ ਲੁਧਿਆਣਾ ਵਜੋਂ ਹੋਈ ਹੈ।
ਮਾਨਯੋਗ ਐੱਸ.ਐੱਸ.ਪੀ ਸਾਹਿਬ ਸ਼੍ਰੀ ਮਹਿਤਾਬ ਸਿੰਘ ਆਈ ਪੀ ਐਸ,ਜਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਦੇ ਦਿਸ਼ਾਨਿਰਦੇਸ਼ਾਂ ਅਨੁਸਾਰ, ਮਿਸ ਮਾਧਵੀ ਸ਼ਰਮਾ ਪੀਪੀਐਸ , ਉਪ ਕਪਤਾਨ ਪੁਲਿਸ ਸਬ ਡਵੀਜਨ ਨਵਾਂਸ਼ਹਿਰ ਦੀ ਰਹਿਨੁਮਾਈ ਹੇਠ ਮਾੜੇ ਅਨੁਸਾਰ ਖਿਲਾਫ ਛੇੜੀ ਮੁਹਿਮ ਤਹਿਤ ਮੁੱਖ ਅਫਸਰ ਥਾਣਾ ਔੜ ਨੂੰ ਉਸ ਵੇਲੇ ਵੱਡੀ ਸਫਲਤਾ ਮਿਲੀ ਜਦੋਂ ਕੱਲ੍ਹ ਮਿਤੀ 19-04-2024 ਨੂੰ ਇੱਕ ਮੁੱਖਬਰ ਖਾਸ ਨੇ ਏ ਐਸ ਆਈ ਮਨੋਹਰ ਲਾਲ ਸਮੇਤ ਪੁਲ਼ੀਸ ਪਾਰਟੀ ਪਾਸ ਹਾਜਰ ਆ ਕੇ ਇਤਲਾਹ ਦਿੱਤੀ ਕਿ ਜਸਤੇਜ ਸਿੰਘ ਪੁੱਤਰ ਅਮ੍ਰਿਤਪਾਲ ਸਿੰਘ ਵਾਸੀ ਕਮਲ ਕਲੋਨੀ ਸਮਰਾਲਾ ਥਾਣਾ ਸਮਰਾਲਾ ਜਿਲਾ ਲੁਧਿਆਣਾ, ਜਤਿੰਦਰ ਸਿੰਘ ਪੁੱਤਰ ਜੰਗ ਸਿੰਘ ਵਾਸੀ ਭੂਖੜੀ ਕਲਾਂ ਥਾਣਾ ਜਮਾਲਪੁਰ ਲੁਧਿਆਣਾ, ਮਨਦੀਪ ਸਿੰਘ ਪੁੱਤਰ ਸੁਖਦੇਵ ਸਿੰਘ ਵਾਸੀ ਪਿੰਡ ਲੱਖਾ ਥਾਣਾ ਸਦਰ ਰਾਏਕੋਟ ਜਿਲਾ ਲੁਧਿਆਣਾ ਹਮਸਲਾਹ ਹੋਕੇ ਪਿੰਡ ਉੜਾਪੜ ਦੇ ਡਰੇਨਵਾਲੀ ਸੜਕ ਉੜਾਪੜ ਪਰ ਸਥਿਤ ਬਿਲਡਿੰਗ ਵਿੱਚ ਸਾਈ ਵੈਲਫੇਅਰ ਸੁਸਾਇਟੀ ਦੀ ਆੜ ਵਿੱਚ ਗੈਰਕਾਨੂੰਨੀ ਨਸ਼ਾ ਛੁਡਾਉ ਕੇਂਦਰ ਚਲਾ ਰਹੇ ਹਨ। ਜਿਥੇ ਇਹਨਾ ਨੇ ਕਾਫੀ ਨੋਜਵਾਨ ਲੜਕਿਆ ਕਰੀਬ 2/3 ਮਹੀਨਿਆ ਤੋਂ ਗੈਰ ਕਾਨੂੰਨੀ ਢੰਗ ਨਾਲ ਗੈਰ ਕਾਨੂੰਨੀ ਹਿਰਾਸਤ ਵਿਚ ਰੱਖਿਆ ਹੋਇਆ ਹੈ, ਜੋ ਉਕਤ ਵਿਅਕਤੀ ਇਹਨਾਂ ਪੀੜਤ ਨੋਜਵਾਨਾਂ ਦੇ ਘਰਦਿਆ ਤੋਂ ਇੱਕ ਮਹੀਨੇ ਦੀ ਫੀਸ 10 ਤੋਂ 12 ਹਜਾਰ ਰੁਪਏ ਵਾਸੂਲ ਕਰਦੇ ਹਨ। ਜੋ ਇਹਨਾ ਉਕਤ ਵਿਅਕਤੀਆਂ ਕੋਲ ਸਿਹਤ ਵਿਭਾਗ ਵਲੋਂ ਕੋਈ ਵੀ ਲਾਈਸੈਂਸ ਹਾਸਲ ਨਹੀਂ ਹੈ, ਮੌਕਾ ਪਰ ਪੁਲੀਸ ਪਾਰਟੀ ਵੱਲੋਂ ਜੱਦ ਰੇਡ ਕੀਤਾ ਗਿਆ ਅਤੇ ਬਿਲਡਿੰਗ ਦੀ ਤਲਾਸੀ ਕੀਤੀ ਗਈ ਜੋ ਇੱਕ ਹਾਲ ਵਿਚ ਕਾਫੀ ਨੌਜਵਾਨ ਮੌਜੂਦ ਸਨ ਜਿਹਨਾਂ ਨੂੰ ਹਾਲ ਵਿੱਚ ਗੈਰ ਕਾਨੂੰਨੀ ਹਿਰਾਸਤ ਵਿੱਚ ਰੱਖਿਆ ਹੋਇਆ ਸੀ ਜੋ ਹਿਰਾਸਤ ਵਿੱਚ ਰੱਖੇ ਨੌਜਵਾਨਾ ਦੀ ਗਿਣਤੀ ਕਰਨ ਤੇ 68 ਨੌਜਵਾਨ ਹੋਏ। ਜਿਸਤੇ ਸਿਵਲ ਸਰਜਨ ਸਾਹਿਬ ਜਿਲਾ ਸ਼ਹੀਦ ਭਗਤ ਸਿੰਘ ਜੀ ਵੱਲੋ ਇੱਕ ਗਠਿਤ ਕਮੇਟੀ ਵੱਲੋ ਮੌਕਾ ਪਰ ਪੁੱਜ ਕੇ ਇੰਨਸਪੈਕਸ਼ਨ ਕੀਤੀ ਗਈ। ਟੀਮ ਵੱਲੋਂ ਦਿੱਤੀ ਗਈ ਇੰਨਸਪੈਕਸਨ ਰਿਪੋਰਟ ਦੇ ਅਧਾਰ ਅਤੇ ਮੁਖਬਰ ਖਾਸ ਦੀ ਇਤਲਾਹ ਤੇ ਜੁਰਮ 420, 344,IPC & 22-61-85 NDPS ACT ਤਹਿਤ ਮੁਕੱਦਮਾ ਥਾਣਾ ਔੜ ਵਿਖੇ ਦਰਜ ਕੀਤਾ ਗਿਆ।
