ਗੜ੍ਹਦੀਵਾਲਾ (PPT NEWS)

5 ਜੁਲਾਈ : ਗੜ੍ਹਦੀਵਾਲਾ ਦੇ ਅਧੀਨ ਪੈਂਦੇ ਪਿੰਡ ਬਾਹਲਾ ਵਿਖੇ ਇੱਕ ਵਿਆਹੁਤਾ ਨੇ ਆਪਣੇ ਸੋਹਰੇ ਪਰਿਵਾਰ ਤੋਂ ਤੰਗ  ਹੋ ਕੇ ਛੱਤ ਵਾਲੇ ਪੱਖੇ ਨਾਲ ਫਾਹਾ ਕੇ ਖੁਦਕੁਸ਼ੀ ਕਰ ਲਈ ਹੈ। ਗੜ੍ਹਦੀਵਾਲਾ ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਮ੍ਰਿਤਕਾ ਦੇ ਪਿਤਾ ਲਖਵਿੰਦਰ ਸਿੰਘ ਪੁੱਤਰ ਪੂਰਨ ਸਿੰਘ ਵਾਸੀ ਮਹਿਲਾਊਦੀਨਪੁਰ ਗਾਜੀ ਥਾਣਾ ਮੁਕੇਰੀਆਂ ਕਿਹਾ ਕਿ ਉਸ ਦੀ ਲੜਕੀ ਸੰਦੀਪ ਕੌਰ (31)ਜਿਸ ਦੀ ਸ਼ਾਦੀ 17-4-2022 ਨੂੰ ਸਤਵੀਰ ਸਿੰਘ ਪੁੱਤਰ ਸਤਨਾਮ ਸਿੰਘ ਵਾਸੀ ਬਾਹਲਾ ਥਾਣਾ ਗੜਦੀਵਾਲਾ ਨਾਲ ਹੋਈ ਸੀ। ਮੇਰਾ ਜੁਆਈ ਸਤਵੀਰ ਸਿੰਘ ਜੋ ਮੇਰੀ ਲੜਕੀ ਨੂੰ ਵਾਰ ਵਾਰ ਪੈਸੇ ਲਿਆਉਣ ਦੀ ਮੰਗ ਕਰ ਰਿਹਾ ਹੈ ਕਿ ਉਸ ਨੇ ਵਿਦੇਸ਼ ਜਾਣਾ ਹੈ। ਉਸ ਨੇ ਆਪਣੀ ਲੜਕੀ ਨੂੰ ਭਰੋਸਾ ਦਿਵਾਇਆ ਕਿ ਅਸੀਂ ਪੈਸਿਆ ਦਾ ਇੰਤਜਾਮ ਕਰਕੇ ਦਿੰਦੇ ਹਾਂ, ਪਰ ਉਸ ਦੀ ਲੜਕੀ ਦੇ ਸੋਹਰੇ ਪਰਿਵਾਰ ਨੇ ਕਿਹਾ ਸੀ ਕਿ ਅਸੀਂ ਪੈਸਿਆਂ ਦਾ ਇੰਤਜਾਮ ਕਰਕੇ ਲੜਕੀ ਸੰਦੀਪ ਕੌਰ ਤੇ ਇਸ ਦੇ ਪਤੀ ਸਤਵੀਰ ਸਿੰਘ ਨੂੰ ਵਿਦੇਸ਼ ਭੇਜਾਂਗੇ ਪਰ ਉਸ ਦੀ ਲੜਕੀ ਨੇ ਦੱਸਿਆ ਕਿ ਉਹਨਾ ਦੇ ਸਹੁਰਾ ਪਰਿਵਾਰ ਕੋਲ ਕੋਈ ਪੈਸਾ ਨਹੀਂ ਹੈ ਜਿਸ ਨਾਲ ਉਹ ਵਿਦੇਸ਼ ਜਾ ਸਕਣ। ਜਿਸ ਸਬੰਧੀ ਮਿਤੀ 3- 7-2023 ਨੂੰ ਵਕਤ ਕਰੀਬ 1-30 ਪੀ.ਐਮ ਵਜੇ ਉਸ ਦੀ ਕੁੜਮਣੀ ਹਰਜੀਤ ਕੋਰ ਦਾ ਫੋਨ ਆਇਆ ਕਿ ਉਹਨਾ ਦੀ ਲੜਕੀ ਨੇ ਫਾਹਾ ਲੈ ਕੇ ਆਪਣੀ ਜੀਵਨ ਲੀਲਾ ਸਮਾਪਤ ਕਰਨ ਲਈ ਹੈ। ਮ੍ਰਿਤਕਾ ਦੇ ਪਿਤਾ ਲਖਵਿੰਦਰ ਸਿੰਘ ਪੁੱਤਰ ਪੂਰਨ ਸਿੰਘ ਵਾਸੀ ਮਹਿਲਾਊਦੀਨਪੁਰ ਗਾਜੀ ਥਾਣਾ ਮੁਕੇਰੀਆਂ ਦੇ ਬਿਆਨਾਂ ਦੇ ਆਧਾਰ ਤੇ ਗੜ੍ਹਦੀਵਾਲਾ ਪੁਲਿਸ ਨੇ ਮ੍ਰਿਤਕ ਦੇ ਪਤੀ ਸਤਵੀਰ ਸਿੰਘ ਤੇ ਸੱਸ ਹਰਜੀਤ ਕੌਰ ਥੇ ਖਿਲਾਫ ਧਾਰਾ 306,34 ਭ/ਦ ਅਧੀਨ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।