ਮੁਕੇਰੀਆਂ / ਦਸੂਹਾ (ਚੌਧਰੀ)
5 ਜੁਲਾਈ : 82 ਗ੍ਰਾਮ ਨਸ਼ੀਲੇ ਪਦਾਰਥ,ਕੰਪਿਊਟਰ ਕੰਡਾ ਤੇ 12 ਹਜਾਰ ਰੁ. ਡਰੱਗ ਮਨੀ ਸਮੇਤ ਪਤੀ ਪਤਨੀ ਨੂੰ ਮੁਕੇਰੀਆਂ ਪੁਲਿਸ ਨੇ ਕਾਬੂ ਕੀਤਾ ਹੈ। ਮੁਲਜ਼ਮਾਂ ਦੀ ਪਛਾਣ ਸਰਈਆ ਪਤਨੀ ਸ਼ਾਹ ਦਿਲ ਅਤੇ ਸ਼ਾਹ ਦਿਲ ਪੁੱਤਰ ਸਲੀਮ ਸ਼ਹਿਜਾਦਾ ਅਲੀ ਉਰਫ ਮਾਸਟਰ ਸਲੀਮ ਵਾਸੀਆਨ ਮਕਾਨ ਨੰਬਰ 08 ਗਲੀ ਨੰਬਰ 06 ਪ੍ਰੀਤ ਨਗਰ ਅਬਾਦਪੁਰਾ ਥਾਣਾ ਭਾਰਗੋ ਕੈਂਪ ਜਲੰਧਰ ਹਾਲ ਵਾਸੀ ਕਿਰਾਏਦਾਰ ਸੇਵਾ ਸਿੰਘ ਵਾਸੀ ਮੰਝਪੁਰ ਰੋਡ ਭੰਗਾਲਾ ਥਾਣਾ ਮੁਕੇਰੀਆਂ ਵਜੋਂ ਹੋਈ ਹੈ।
ਸ. ਸਰਤਾਜ ਸਿੰਘ ਚਾਹਲ ਆਈ.ਪੀ.ਐਸ. ਸੀਨੀਅਰ ਪੁਲਿਸ ਕਪਤਾਨ ਹੁਸ਼ਿਆਰਪੁਰ ਦੇ ਦਿਸ਼ਾ ਨਿਰਦੇਸ਼ਾਂ ਤੇ ਸਰਬਜੀਤ ਸਿੰਘ ਐਸ.ਪੀ. ਇੰਨਵੈਸੀਗੇਸ਼ਨ ਹੁਸ਼ਿਆਰਪੁਰ ਅਤੇ ਕੁਲਵਿੰਦਰ ਸਿੰਘ ਵਿਰਕ ਡੀ.ਐਸ.ਪੀ ਮੁਕੇਰੀਆਂ ਦੀਆਂ ਹਦਾਇਤਾਂ ਮੁਤਾਬਿਕ ਐਸ.ਆਈ ਜੋਗਿੰਦਰ ਸਿੰਘ ਮੁੱਖ ਅਫਸਰ ਥਾਣਾ ਦੀ ਅਗਵਾਈ ਹੇਠ ਨਸ਼ਾ ਵੇਚਣ ਵਾਲਿਆਂ ਖਿਲਾਫ ਚਲਾਈ ਗਈ ਮੁਹਿਮ ਤਹਿਤ ਮਿਤੀ 04.07.2023 ਨੂੰ ਏ.ਐਸ.ਆਈ ਰਵਿੰਦਰ ਸਿੰਘ ਵਲੋਂ ਸਮੇਤ ਸਾਥੀ ਕਰਮਚਾਰੀਆ ਦੇ ਗਸ਼ਤ ਦੌਰਾਨ ਸਰਈਆ ਪਤਨੀ ਸ਼ਾਹ ਦਿਲ ਅਤੇ ਸ਼ਾਹ ਦਿਲ ਪੁੱਤਰ ਸਲੀਮ ਸ਼ਹਿਜਾਦਾ ਅਲੀ ਉਰਫ ਮਾਸਟਰ ਸਲੀਮ ਵਾਸੀਆਨ ਮਕਾਨ ਨੰਬਰ 08 ਗਲੀ ਨੰਬਰ 06 ਪ੍ਰੀਤ ਨਗਰ ਅਬਾਦਪੁਰਾ ਥਾਣਾ ਭਾਰਗੋ ਕੈਂਪ ਜਲੰਧਰ ਹਾਲ ਵਾਸੀ ਕਿਰਾਏਦਾਰ ਸੇਵਾ ਸਿੰਘ ਵਾਸੀ ਮੰਝਪੁਰ ਰੋਡ ਭੰਗਾਲਾ ਥਾਣਾ ਮੁਕੇਰੀਆਂ ਨੂੰ ਕਾਬੂ ਕਰਕੇ ਆਰੋਪੀਆ ਪਾਸੋਂ ਨਸ਼ੀਲਾ ਪਦਾਰਥ ਬ੍ਰਾਮਦ ਅਤੇ ਡਰੱਗ ਮਨੀ ਬ੍ਰਾਮਦ ਕੀਤੀ ਗਈ ।ਦੋਸ਼ੀਆਨ ਦੇ ਖਿਲਾਫ ਮੁਕੇਰੀਆਂ ਪੁਲਿਸ ਵਲੋਂ ਮੁਕੱਦਮਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।
