ਗੜੀਮਾਨਸੋਵਾਲ ਚ ਜੰਗਲ ਨੂੰ ਲੱਗੀ ਅੱਗ, ਲੱਖਾਂ ਦੀ ਵਣ ਸੰਪਤੀ ਸੜਕੇ ਹੋਈ ਸੁਆਹ

ਗੜ੍ਹਸ਼ੰਕਰ ਚ ਖੜੀਆਂ ਫਾਈਰ ਬਰਗੇਡ ਦੀਆਂ ਗੱਡੀਆ ਕਿਸੇ ਕੰਮ ਨਾ ਆਈਆਂ

ਗੜ੍ਹਸ਼ੰਕਰ 3 ਜੂਨ (ਜਤਿੰਦਰ ਪਾਲ ਸਿੰਘ ਕਲੇਰ ) ਗਰਮੀ ਦਾ ਪ੍ਕੋਪ ਬਹੁਤ ਵੱਧ ਗਿਆ ਹੈ ਤੇ ਹਰ ਸਾਲ ਦੀ ਤਰਾ ਜੰਗਲਾ ਚ ਅੱਗ ਲੱਗਣ ਦਾ ਸਿਲਸਿਲਾ ਵੀ ਸ਼ੁਰੂ ਹੋ ਗਿਆ।ਕੌਣ ਕਰਦਾ ਹੈ ਇਹ ਮਾੜਾ ਕੰਮ ਇਹ ਨਾ ਤਾ ਸਰਕਾਰਾ ਦੇਖ ਪਾਈਆਂ ਤੇ ਨਾ ਹੀ ਜੰਗਲਾਤ ਵਿਭਾਗ ਲੰਭ ਸਕਿਆ। ਅੱਜ ਗੜ੍ਹਸ਼ੰਕਰ ਅਧੀਨ ਪੈਦੇ ਇਲਾਕੇ ਬੀਤ ਦੇ ਪਿੰਡ ਗੜੀਮਾਨਸੋਵਾਲ ਵਿਖੇ ਜੰਗਲੀ ਇਲਾਕੇ ਵਿੱਚ ਲੱਗੀ ਅੱਗ ਨੇ ਭਿਆਨਕ ਰੂਪ ਧਾਰ ਲਿਆ ਤੇ ਅੱਗ ਵੱਧਦੀ ਹੋਈ ਗੁਰਦੁਆਰਾ ਸਿੰਘਾ ਸ਼ਹੀਦਾ ਤੇ ਨਾਲ ਲੱਗਦੇ ਸਿੰਘਾ ਦੇ ਘਰਾ ਤੱਕ ਪਹੁੰਚ ਗਈ। ਜਿਸ ਨੂੰ ਲੋਕਾਂ ਨੇ ਬੜੀ ਮੁਸ਼ਕਤ ਨਾਲ ਬਾਲਟੀਆਂ ਨਾਲ ਪਾਣੀ ਸੁੱਟਕੇ ਅੱਗੇ ਵੱਧਣ ਤੋਂ ਰੋਕਿਆ। ਜਦੋਂ ਕਿ ਗੜ੍ਹਸ਼ੰਕਰ ਚ ਫਾਈਰ ਬਰਗੇਡ ਦੀਆਂ ਦੋ ਗੱਡੀਆਂ ਫਿਰ ਨਾ ਕੰਮ ਆਇਆ। ਇਸ ਵਾਰੇ ਗੜੀਮਾਨਸੋਵਾਲ ਦੇ ਸਾਬਕਾ ਸਰਪੰਚ ਜਗਦੇਵ ਸਿੰਘ ਨੇ ਦਸਿਆ ਕਿ ਵਾਰ ਵਾਰ ਫਾਇਰ ਬ੍ਗੇਡ ਵਾਲਿਆਂ ਨੂੰ ਦੱਸਣ ਤੇ ਅਤੇ ਪ੍ਰਸ਼ਾਸ਼ਨ ਅਤੇ ਹਲਕਾ ਵਿਧਾਇਕ ਜੈ ਕਿਸ਼ਨ ਸਿੰਘ ਰੌੜੀ ਨੂੰ ਸੂਚਿਤ ਕਰਨ ਤੇ ਵੀ ਕਿਸੇ ਪਾਸੇ ਤੋਂ ਕੋਈ ਮਦਦ ਨਹੀਂ ਮਿਲੀ ਪਿੰਡ ਵਾਸੀਆਂ ਨੇ ਇਕੱਠੇ ਹੋ ਕੇ ਆਪ ਹੀ ਅੱਗ ਤੇ ਕਾਬੂ ਪਾਇਆ। ਜਗਦੇਵ ਸਿੰਘ ਨੇ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਗੜਸ਼ੰਕਰ ਚ ਖੜੀਆਂ ਫਾਇਰ ਬਰਗੇਡ ਦੀਆਂ ਗੱਡੀਆਂ ਤੇ ਸਟਾਫ ਪੂਰਾ ਕਰਕੇ ਲੋਕਾ ਦੀ ਜਾਨ ਮਾਲ ਦੀ ਰੱਖਿਆ ਕੀਤੀ ਜਾਵੇ।