ਦਿਨ ਦਿਹਾੜੇ ਸਕੂਟਰੀ ਸਵਾਰ ਤੋਂ ਤਿੰਨ ਨੌਜਵਾਨ ਬੈਗ,ਮੋਬਾਇਲ ਅਤੇ ਸਕੂਟਰੀ ਖੋਹ ਕੇ ਹੋਏ ਫਰਾਰ, ਮਾਮਲਾ ਦਰਜ 

ਟਾਂਡਾ / ਗੜ੍ਹਦੀਵਾਲਾ 17 ਅਪ੍ਰੈਲ (ਚੌਧਰੀ) : ਟਾਂਡਾ ਹਲਕੇ ਵਿਚ ਵੱਡੀਆਂ ਵਾਰਦਾਤਾਂ ਰੁਕਣ ਦਾ ਨਾਂ ਨਹੀਂ ਲੈ ਰਹੀਆਂ ਹਨ। ਇੱਕ ਸਕੂਟਰੀ ਸਵਾਰ ਨੌਜਵਾਨ ਤੋਂ ਤਿੰਨ ਨੌਜਵਾਨਾਂ ਵਲੋਂ ਬੈਗ, ਮੋਬਾਇਲ ਅਤੇ ਸਕੁਟਰੀ ਖੋਹ ਕੇ ਫਰਾਰ ਹੋਣ ਤੇ ਟਾਂਡਾ ਪੁਲਸ ਵਲੋਂ ਮਾਮਲਾ ਦਰਜ ਕੀਤਾ ਗਿਆ ਹੈ।

ਪੁਲਿਸ ਨੂੰ ਦਿਤੇ ਬਿਆਨਾਂ ਵਿਚ ਰਾਜ ਸੋਨੀ ਪੁੱਤਰ ਬਬਲੂ ਸੋਨੀ ਵਾਸੀ ਮੁਨੀ ਕਰੇਤੀ ਟਿਹਰੀ ਗੜਬਲ ਉੱਤਰਾਖੰਡ ਕਿ ਉਸ ਦੀ ਰਿਸ਼ੀਕੇਸ ਹਰੀਦੁਆਰ ਮੋਬਾਇਲਾ ਦੀ ਦੁਕਾਨ ਹੈ ਅਤੇ ਉਸ ਦੇ ਮਾਤਾ ਪਿਤਾ ਵੈਸਨੂੰ ਦੇਵੀ ਕੱਟੜਾ ਵਿਖੇ ਰਹਿਦੇ ਹਨ। ਉਹ ਆਪਣੇ ਮਾਤਾ ਪਿਤਾ ਨੂੰ ਮਿਲਣ ਲਈ ਮਿਤੀ 15-4-22 ਨੂੰ ਉੱਤਰਾ ਖੰਡ ਤੋ ਆਪਣੀ ਸਕੂਟਰੀ ਨੰਬਰ ਯੂ ਕੇ 14-ਐਚ 6258 ਪਰ ਸਵਾਰ ਹੋ ਕੇ ਚੱਲ ਪਿਆ ਸੀ ਮਿਤੀ 15-4-22 ਨੂੰ ਉਹ ਰਾਤ ਅੰਬਾਲਾ ਰੇਲਵੇ ਸਟੇਸਨ ਪਰ ਰਿਹਾ ਸੀ ਫਿਰ ਮਿਤੀ 16-4-22 ਨੂੰ ਉਹ ਕਟੜਾ ਨੂੰ ਚੱਲ ਪਿਆ ਜਦ ਵਕਤ ਕਰੀਬ 2-45 ਪੀ ਐਮ ਦਾ ਹੋਵੇਗਾ ਕਿ ਉਹ ਮੇਨ ਜੀ ਟੀ ਰੋਡ ਨੇੜੇ ਐਫ ਸੀ ਆਈ ਟਾਂਡਾ ਕੋਲ ਪੁੱਜਾ ਤਾਂ ਤਿੰਨ ਨਾ ਮਲੂਮ ਵਿਅਕਤੀਆਂ ਨੇ ਉਸ ਨੂੰ ਰੁਕਣ ਦਾ ਇਸ਼ਾਰਾ ਕੀਤਾ ਤੇ ਕਿਹਾ ਉਹਨਾਂ ਦਾ ਮੋਟਰਸਾਇਕਲ ਖਰਾਬ ਹੈ ਦਾ ਬਹਾਨਾ ਮਾਰ ਕੇ ਉਸ ਪਾਸੋਂ ਸਕੂਟਰੀ ਦੀ ਚਾਬੀ ਲੈ ਲਈ ਅਤੇ ਬਾਅਦ ਵਿੱਚ ਉਹਨਾਂ ਵਿਚੋਂ ਇਕ ਵਿਅਕਤੀ ਨੇ ਕਿਹਾ ਕਿ ਮੈਂ ਇਕ ਅਰਜੰਟ ਕਾਲ ਕਰਨੀ ਹੈ ਮੈਨੂੰ ਆਪਣਾ ਫੋਨ ਦਈ ਮੇਰੇ ਫੋਨ ਦੇਣ ਤੋਂ ਬਾਅਦ ਉਹਨਾਂ ਚੋਂ ਇਕ ਨੇ ਮੈਨੂੰ ਧੱਕਾ ਮਾਰਨ ਤੋਂ ਬਾਅਦ ਮੇਰਾ ਬੈਗ, ਫੋਨ ਅਤੇ ਸਕੂਟਰੀ ਵੀ ਲੈ ਕੇ ਫਰਾਰ ਹੋ ਗਏ।ਜਿਸ ਸਬੰਧੀ ਮੁਕੱਦਮਾ ਦਰਜ ਰਜਿਸਟਰ ਕੀਤਾ ਗਿਆ ।