ਦਸੂਹਾ 28 ਅਕਤੂਬਰ (ਚੌਧਰੀ ) 

ਜਾਨੀ ਨੁਕਸਾਨ ਤੋਂ ਬਚਾਅ,ਲੱਖਾਂ ਚ ਹੋਇਆ ਨੁਕਸਾਨ 

: ਬਲਾਕ ਦਸੂਹਾ ਦੇ ਪਿੰਡ ਪੰਡੋਰੀ ਅਰਾਈਆਂ ਵਿਖੇ ਘਰ ਅੰਦਰ ਗੈਸ ਸਿਲੰਡਰ ਬੀਤੀ ਰਾਤ ਕਰੀਬ 2 ਵਜੇ ਫੱਟ ਜਾਣ ਦਾ ਸਮਾਂਚਾਰ ਪ੍ਰਾਪਤ ਹੋਇਆ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਗੈਸ ਸਿਲੰਡਰ ਅਮਨਦੀਪ ਕੌਰ ਪਤਨੀ ਭੁਪਿੰਦਰ ਸਿੰਘ ਵਾਸੀ ਪੰਡੋਰੀ ਅਰਾਈਆਂ ਦੇ ਘਰ ਵਿਖੇ ਉਸ ਵਕਤ ਫੱਟਿਆ ਜਦੋਂ ਸਾਰਾ ਪਰਿਵਾਰ ਦੂਸਰੇ ਕਮਰੇ ਵਿੱਚ ਸੁੱਤਾ ਪਿਆ ਸੀ। ਗੈਸ ਸਿਲੰਡਰ ਫੱਟਣ ਦਾ ਧਮਾਕਾ ਬਹੁਤ ਜਬਰਦਸਤ ਸੀ ਜਿਸ ਨਾਲ ਮਕਾਨ ਦੀਆਂ ਕੰਧਾਂ ਹਿਲ ਗਈਆਂ ਅਤੇ ਗੈਸ ਸਿਲੰਡਰ ਦੇ ਪਰਖੱਚੇ ਉਡ ਗਏ। ਕੰਧਾਂ ਵਿੱਚ ਕਾਫੀ ਫਾੜ ਪੈ ਗਿਆ ਹੈ ਜਦ ਕਿ ਨਜ਼ਦੀਕੀ ਘਰਾਂ ਵਿੱਚ ਵੀ ਅਫੜ੍ਹਾ ਦਫੜ੍ਹੀ ਮਚ ਗਈ। ਧਮਾਕਾ ਹੋਣ ਨਾਲ ਲੋਕ ਘਰਾਂ ਚੋਂ ਬਾਹਰ ਆ ਗਏ।ਇਸ ਸਬੰਧੀ ਜਦੋਂ ਅਮਨਦੀਪ ਕੌਰ ਅਤੇ ਉਸਦੇ ਪਤੀ ਭੁਪਿੰਦਰ ਸਿੰਘ ਨਾਲ ਸੰਪਰਕ ਕੀਤਾ ਗਿਆ ਤਾਂ ਉਹਨਾਂ ਦੱਸਿਆ ਕਿ ਗੈਸ ਸਿਲੰਡਰ ਸਟੋਰ ਵਿੱਚ ਰੱਖਿਆ ਹੋਇਆ ਸੀ ਜਦਕਿ ਪਰਿਵਾਰ ਦੂਸਰੇ ਕਮਰਿਆਂ ਵਿੱਚ ਸੁੱਤਾ ਹੋਇਆ ਸੀ। ਉਨ੍ਹਾਂ ਦੱਸਿਆ ਕਿ ਕੰਧਾਂ ਪੂਰੀ ਤਰ੍ਹਾਂ ਢਹਿ ਢੇਰੀ ਹੋ ਗਈਆਂ ਹਨ ਤੇ ਪਾੜ੍ਹ ਪੈ ਚੁੱਕੇ ਹਨ, ਸਟੋਰ ਵਾਲੇ ਡਰਮ ਨੁਕਸਾਨੇ ਗਏ ਹਨ, ਕੀਮਤੀ ਸਮਾਨ , ਅਲਮਾਰੀਆਂ , ਬੈਡ, ਆਦਿ ਦਾ ਨੁਕਸਾਨ ਹੋਇਆ ਹੈ।ਉਹਨਾਂ ਦੱਸਿਆ ਕਿ ਇਸ ਹਾਦਸੇ ਵਿੱਚ ਕਰੀਬ 15 ਲੱਖ ਦਾ ਨੁਕਸਾਨ ਹੋਇਆ ਹੈ ਅਤੇ ਹਾਦਸੇ ਦੌਰਾਨ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ ਹੈ।ਗੈਸ ਸਿਲੰਡਰ ਦੇ ਫੱਟਣ ਦੇ ਕਾਰਨਾਂ ਦਾ ਪਤਾ ਨਹੀਂ ਚੱਲ ਸਕਿਆ ਇਸ ਸਬੰਧੀ ਜਾਂਚ ਕੀਤੀ ਜਾ ਰਹੀ ਹੈ।ਉਨਾਂ ਪ੍ਰਸ਼ਾਸਨ ਸਰਕਾਰ ਤੋਂ ਮਾਲੀ ਸਹਾਇਤਾ ਲਈ ਗੁਹਾਰ ਲਗਾਈ ਹੈ। ਇਸ ਮੌਕੇ ਪਿੰਡ ਦੇ ਮੌਜੂਦਾ ਸਰਪੰਚ ਲਖਵਿੰਦਰ ਕੌਰ ਨੇ ਘਟਨਾ ਵਾਲੀ ਜਗ੍ਹਾ ਦਾ ਜਾਇਜ਼ਾ ਲਿਆ ਅਤੇ ਉਨਾਂ ਪੰਜਾਬ ਸਰਕਾਰ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਪਰਿਵਾਰ ਦੀ ਮਦਦ ਕੀਤੀ ਜਾਵੇ। ਇਸ ਮੌਕੇ ਦਸੂਹਾ ਐਚ.ਪੀ ਗੈਸ ਏਜੰਸੀ ਦੇ ਮਾਲਕ ਜਗਦੀਸ ਸੋਈ ਵੀ ਸੂਚਨਾ ਪ੍ਰਾਪਤ ਹੁੰਦਿਆਂ ਹੀ ਘਟਨਾ ਵਾਲੀ ਜਗ੍ਹਾ ਤੇ ਪਹੁੰਚੇ ਉਨਾਂ ਪਰਿਵਾਰ ਨੂੰ ਭਰੋਸਾ ਦਿੰਦੇ ਹੋਏ ਕਿਹਾ ਜੋ ਵੀ ਕਲੇਮ ਕੰਪਨੀ ਵੱਲੋਂ ਦਿੱਤਾ ਜਾਵੇਗਾ ਉਹ ਪਰਿਵਾਰ ਨੂੰ ਮੁਹਈਆ ਕਰਵਾ ਦਿੱਤਾ ਜਾਵੇਗਾ।