ਗੜ੍ਹਦੀਵਾਲਾ (ਚੌਧਰੀ) 

29 ਮਈ : ਪ੍ਰਵਾਸੀ ਕਬਾੜੀਏ ਦੀ ਬਿਜਲੀ ਦਾ ਕਰੰਟ ਲੱਗਣ ਨਾਲ ਮੌਤ ਹੋਣ ਦਾ ਸਮਾਚਾਰ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਦਾਨਵੀਰ ਉਮਰ ਕਰੀਬ 28 ਸਾਲ ਪੁੱਤਰ ਸੋਰਾਜ ਪਿੰਡ ਗਸੋਲੀ ਰਾਜਾ ਜਿਲ੍ਹਾ ਸੰਬਾਲ ਯੂ.ਪੀ.ਹਾਲ ਏ ਵਾਸੀ ਰਾਮਪੁਰ ਕੰਧਾਲਾ ਜੱਟਾਂ ਜੋਕਿ ਕਬਾੜ ਖਰੀਦਣ ਦਾ ਕੰਮ ਸੀ ਅੱਜ ਸਵੇਰੇ ਸਾਢੇ 7 ਵਜੇ ਦੇ ਕਰੀਬ ਪਿੰਡ ਸਰਾਂਈ ਦੀ ਫੇਰੀ ਦੌਰਾਨ ਇੱਕ ਧਾਰਮਿਕ ਸਥਾਨ ਦੀ ਉਪਰਲੀ ਮੰਜਲ ਤੋਂ ਕਬਾੜ ਵਿਚ ਪਈਆਂ ਲੋਹੇ ਦੀ ਚਾਦਰਾਂ ਲਾਉਂਦੇ ਸਮੇਂ ਬਿਜਲੀ ਦੀ ਤਾਰ ਨਾਲ ਚਾਂਦਰ ਛੂਹਣ ਕਰਕੇ ਉਸ ਨੂੰ ਕਰੰਟ ਲੱਗ ਗਿਆ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਾਸਰ ਪਿੰਡ ਵਾਸੀਆਂ ਵਲੋ ਉਸ ਦੇ ਫੋਨ ਤੋ ਉਸਦੇ ਦੂਸਰੇ ਸਾਥੀ ਨੂੰ ਇਸ ਬਾਰੇ ਇਤਲਾਹ ਦਿੱਤੀ ਗਈ ਤਾਂ ਉਸ ਦਾ ਸਾਥੀ ਅਤੇ ਪਿੰਡ ਵਾਸੀ ਦਾਨਵੀਰ ਨੂੰ ਸਰਕਾਰੀ ਹਸਪਤਾਲ ਭੂੰਗਾ ਲੈਕੇ ਆਏ ਤਾਂ ਡਾਕਟਰ ਨੇ ਉਸ ਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ। ਜਿਸ ਦੀ ਇਤਲਾਹ ਥਾਣਾ ਗੜ੍ਹਦੀਵਾਲਾ ਪੁਲਸ ਨੂੰ ਦਿੱਤੀ ਗਈ ਤੇ ਪੁਲਿਸ ਵਲੋਂ ਲਾਸ਼ ਦਾ ਪੋਸਟਮਾਰਟਮ ਕਰਵਾਉਣ ਲਈ ਲਾਸ਼ ਸਿਵਲ ਹਸਪਤਾਲ ਦਸੂਹਾ ਭੇਜ ਦਿੱਤੀ ਹੈ। ਅਗਲੇਰੀ ਕਾਰਵਾਈ ਆਰੰਭ ਦਿੱਤੀ ਹੈ