ਦਾਨੀ ਸੱਜਣਾਂ ਨੇ ਸ਼ਮਸ਼ਾਨਘਾਟ ਨੂੰ ਫਰਿੱਜਰ ਮੋਰਚਰੀ ਕੀਤੀ ਦਾਨ

ਬਲਾਚੌਰ (ਜਤਿੰਦਰ ਪਾਲ ਸਿੰਘ ਕਲੇਰ ) : ਸਥਾਨਕ ਸ਼ਹਿਰ ਬਲਾਚੌਰ ਦੇ ਦਫਤਰ ਨਗਰ ਕੌਸਲ ਦੇ ਨਾਲ ਲੱਗਦੇ ਸ਼ਮਸ਼ਾਨ ਘਾਟ ਵਿੱਚ ਸ਼ਹਿਰ ਦੇ ਸਮਾਜ ਸੇਵੀਆਂ ਵਲੋਂ ਇੱਕ ਸਾਂਝਾ ਉਪਰਾਲਾ ਕਰਕੇ ਫਰਿੱਜਰ ਮੋਰਚਰੀ ਦਾਨ ਦੇ ਕੇ ਮਿਸ਼ਾਲ ਕਾਇਮ ਕੀਤੀ ਹੈ। ਦਾਨੀ ਸੱਜਣਾ ਦੇ ਸਹਿਯੋਗ ਨਾਲ ਖਰੀਦ ਕੀਤੀ ਗਈ ਇਹ ਫਰਿੱਜਰ ਮੋਰਚਰੀ ਹਲਕਾ ਵਿਧਾਇਕ ਸੰਤੋਸ਼ ਕਟਾਰੀਆ ਦੀ ਅਗਵਾਈ ਵਿੱਚ ਸਥਾਨਕ ਨਗਰ ਕੌਸਲ ਬਲਾਚੌਰ ਦਫਤਰ ਦੇ ਨਾਲ ਲੱਗਦੇ ਸਮਸ਼ਾਨ ਘਾਟ ਨੂੰ ਸੌਪੀ ਗਈ ਹੈ। ਇਸ ਮੌਕੇ ਹਲਕਾ ਵਿਧਾਇਕ ਸੰਤੋਸ਼ ਕਟਾਰੀਆ ਵਲੋਂ ਦਾਨੀ ਸੱਜਣਾ ਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕਰਦਿਆ ਆਖਿਆ ਕਿ ਅਕਸਰ ਹੀ ਕਿਸੇ ਕਾਰਨਾ ਕਰਕੇ ਮ੍ਰਿਤਕ ਦੇਹਾ ਨੂੰ ਸੰਭਾਲਣ ਲਈ ਦੂਰ ਦੁਰਾਡੇ ਦੇ ਮੋਰਚਰੀ ਖਾਨਿਆ ਵਿੱਚ ਲੋਕਾ ਨੂੰ ਜਾਣਾ ਪੈਂਦਾ ਸੀ ਅਤੇ ਅਜਿਹੇ ਵਿੱਚ ਉਥੋ ਦੀਆ ਫੀਸਾ ਦੀ ਅਲੱਗ ਅਦਾਇਗੀ ਕਰਨੀ ਪੈਂਦੀ ਹੈ ਅਤੇ ਹੁਣ ਲੋਕਾ ਨੂੰ ਮ੍ਰਿਤਕ ਦੇਹਾ ਕੁੱਝ ਸਮ੍ਹਾਂ ਸੰਭਾਲਣ ਲਈ ਇਸ ਫਰਿੱਜਰ ਮੋਰਚਰੀ ਤੋਂ ਲਾਭ ਪ੍ਰਾਪਤ ਹੋਵੇਗਾ ।

ਇਸ ਮੌਕੇ ਸਾਬਕਾ ਕੌਸਲਰ ਰਾਮਾ ਧੀਮਾਨ ਵਲੋਂ ਸਾਰੇ ਦਾਨੀ ਸੱਜਣਾ ਵਲੋਂ ਪਾਏ ਗਏ ਸਹਿਯੋਗ ਦੀ ਸ਼ਲਾਘਾ ਕਰਦਿਆਂ ਆਖਿਆ ਕਿ ਜੇਕਰ ਕਿਸੇ ਨੂੰ ਵੀ ਇਸ ਫਰਿੱਜਰ ਮੋਰਚਰੀ ਦੀ ਲੋੜ ਪਵੈ ਤਾਂ ਉਹ ਉਹਨਾ ਨਾਲ ਮੋਬਾਇਲ ਫੋਨ ਨੰਬਰ 98149-69299 ਅਤੇ 98152-93526 ਤੇ ਸੰਪਰਕ ਕਰ ਸਕਦਾ ਹੈ । ਇਸ ਮੌਕੇ ਹਲਕਾ ਵਿਧਾਇਕ ਸੰਤੋਸ਼ ਕਟਾਰੀਆ, ਸਾਬਕਾ ਕੌਸਲਰ ਰਾਮਾ ਧੀਮਾਨ, ਰਾਮ ਪਾਲ ਮਹੈਸ਼ੀ , ਰਾਣਾ ਧਰੁੱਵ ਸਿੰਘ , ਸੋਨੀ ਸ਼ਾਲੂ, ਰਾਜੂ ਆਨੰਦ ਸਮੇਤ ਹੋਰ ਵੀ ਪ੍ਰਮੁੱਖ ਸਖਸ਼ੀਅਤਾ ਹਾਜ਼ਰ ਸਨ।
ਫੋਟੋ : ਹਲਕਾ ਵਿਧਾਇਕ ਸੰਤੋਸ਼ ਕਟਾਰੀਆ ਦੀ ਅਗਵਾਈ ਵਿੱਚ ਸਮਸਾਨ ਘਾਟ ਬਲਾਚੌਰ ਵਿਖੇ ਫਰਿੱਜਰ ਮੋਰਚਰੀ ਸੰਭਾਲਣ ਮੌਕੇ ਸਾਬਕਾ ਕੌਸਲਰ ਰਾਮਾ ਧੀਮਾਨ ਅਤੇ ਹੋਰ ਸਾਥੀ ।