ਗੜ੍ਹਦੀਵਾਲਾ 13 ਅਕਤੂਬਰ (ਚੌਧਰੀ) 

: ਗੜ੍ਹਦੀਵਾਲਾ ਵਿੱਚ ਦੁਆਬਾ ਕਿਸਾਨ ਕਮੇਟੀ ਪੰਜਾਬ ਦੇ ਸਰਕਲ ਪ੍ਰਧਾਨ ਪਰਮਿੰਦਰ ਸਿੰਘ ਸਮਰਾ, ਬੀਕੇਯੂ ਰਾਜੇਵਾਲ ਦੇ ਜ਼ਿਲ੍ਹਾ ਪ੍ਰਧਾਨ ਮਨਜੀਤ ਸਿੰਘ ਖ਼ਾਨਪੁਰ ਅਤੇ ਰਾਜਵੀਰ ਸਿੰਘ ਰਾਜਾ ਵਾਇਸ ਪ੍ਰਧਾਨ ਕਿਸਾਨ ਮਜ਼ਦੂਰ ਯੂਨੀਅਨ ਗੜ੍ਹਦੀਵਾਲਾ ਦੀ ਅਗਵਾਈ ਵਿੱਚ ਸਮੂਹ ਦਾਣਾ ਮੰਡੀ ਆੜਤੀ ਐਸੋਸੀਏਸ਼ਨ ਅਤੇ ਸ਼ੈਲਰ ਮਾਲਕਾਂ ਤੇ ਲੇਬਰ ਨੇ ਮਿਲ ਕੇ ਪੰਜਾਬ ਤੇ ਕੇਂਦਰ ਸਰਕਾਰ ਦੇ ਖ਼ਿਲਾਫ਼ ਦਸੂਆ ਤੋ ਚੰਡੀਗੜ੍ਹ ਰੋਡ ਜਾਮ ਕਰ ਦਿੱਤਾ ਤੇ ਨਾਹਰੇਬਾਜ਼ੀ ਕੀਤੀ । ਉਹਨਾਂ ਕਿਹਾ ਕਿ ਅਸੀਂ ਦੋਵੇ ਸਰਕਾਰਾ ਨੂੰ ਵਾਰ ਵਾਰ ਅਪੀਲ ਕਰ ਰਹੇ ਹਾਂ ਕਿ ਉਹ ਝੋਨੇ ਦੀ ਸਰਕਾਰੀ ਖਰੀਦ ਲਗਾਤਾਰ ਕੀਤੀ ਜਾਵੇ ਪਰ ਜਦੋ ਵੀ ਐਸਕੇਐਮ ਪੰਜਾਬ ਚੰਡੀਗੜ੍ਹ ਜਾ ਕੇ ਕੋਈ ਸੰਘਰਸ਼ ਦੀ ਕਾਲ ਦਿੰਦਾ ਹੈ ਤਾ ਖਰੀਦ ਸ਼ੁਰੂ ਹੋ ਜਾਂਦੀ ਹੈ ਤਾ ਬਾਹਦ ਵਿੱਚ ਫਿਰ ਬੰਦ ਹੋ ਜਾਂਦੀ ਪੰਦਰਾਂ ਦਿਨਾਂ ਦਾ ਸੀਜਨ ਖ਼ਤਮ ਹੀ ਗਿਆ ਖਰੀਦ ਨਾ ਮਾਤਰ ਹੋਈ ਹੈ ਲਿਫਟਿੰਗ ਦਾ ਕੋਈ ਪ੍ਰਬੰਧ ਨਹੀਂ, ਸ਼ੈਲਰ ਮਾਲਕਾ ਨਾਲ ਕੋਈ ਸਮਝੌਤਾ ਨਹੀਂ ਹੋਇਆ ਹਾਲੇ ਸਰਕਾਰ ਤੇ ਸ਼ੈਲਰ ਮਾਲਕਾ ਵਿਚਕਾਰ ਐਗਰੀਮੈਂਟ ਵੀ ਨਹੀਂ ਹੋਇਆ ਪਰ ਸਰਕਾਰ ਸਾਡੀ ਮੰਗ ਵੱਲ ਬਿਲਕੁਲ ਵੀ ਧਿਆਨ ਨਹੀਂ ਦੇ ਰਹੀ ਸਗੋਂ ਆਮ ਪਬਲਿਕ ਨੂੰ ਗੁਮਰਾਹ ਕਰ ਰਹੀ ਹੈ ਕਿ ਉਸ ਵੱਲੋਂ ਝੋਨੇ ਦੀ ਖਰੀਦ ਸ਼ੁਰੂ ਹੋ ਗਈ ਹੈ। ਜੋ ਇਕ ਸਰਕਾਰ ਦਾ ਪਰੋਪੋਗੰਡਾ ਹੈ। ਪਰ ਸਰਕਾਰਾ ਦੇ ਇਰਾਦੇ ਸਾਫ ਨਹੀਂ ਹਨ ।ਉਹ ਹਮੇਸ਼ਾ ਕਿਸਾਨਾਂ ਮਜ਼ਦੂਰਾਂ ਆੜਤੀਆਂ ਸ਼ੈਲਰ ਮਾਲਕਾਂ ਨੂੰ ਧੋਖਾ ਦਿੰਦੀ ਰਹੀ ਹੈ ਤੇ ਦੇ ਰਹੀ ਹੈ। ਉਹਨਾਂ ਕਿਹਾ ਕਿ ਅਸੀਂ ਚੰਗੀ ਤਰ੍ਹਾਂ ਜਾਣਦੇ ਹਾਂ ਕਿ ਕੇਂਦਰ ਸਰਕਾਰ ਅਤੇ ਪੰਜਾਬ ਸਰਕਾਰ ਦੀ ਇੱਛਾ ਸਾਨੂੰ ਦਬਾਉਣ ਦੀ ਹੈ ਪਰ ਹੱਕਾਂ ਲਈ ਜਿਉਂਦੀ ਕੌਮ ਕਦੇ ਵੀ ਹੌਸਲਾ ਨਹੀਂ ਢਾਹ ਸਕਦੀ। ਜਦੋਂ ਮਸਲਾ ਸਾਡੀ ਰੋਟੀ ਤੇ ਆ ਜਾਂਦਾ ਹੈ ਤਾਂ ਅਸੀਂ ਕਿਵੇਂ ਚੁੱਪ ਕਰਕੇ ਬੈਠ ਸਕਦੇ ਹਾਂ । ਜਿਹੜੀਆਂ ਮੁਢਲੀਆਂ ਲੋੜਾਂ ਨੂੰ ਇਹਨਾਂ ਸਰਕਾਰਾਂ ਨੇ ਪੂਰੀਆਂ ਕਰਨਾ ਹੁੰਦਾ ਹੈ ਉਹਨਾਂ ਲਈ ਵੀ ਸਾਨੂੰ ਸੜਕਾਂ ਤੇ ਬੈਠਣਾ ਪੈਂਦਾ ਹੈ। ਫਿਰ ਇਹਨਾਂ ਸਰਕਾਰਾਂ ਵੱਲੋਂ ਹੀ ਪ੍ਰਚਾਰ ਕੀਤਾ ਜਾਂਦਾ ਹੈ ਕਿ ਕਿਸਾਨ ਬਿਨਾਂ ਵਜਾ ਧਰਨੇ ਲਾਉਂਦੇ ਹਨ। ਜੇਕਰ ਸਰਕਾਰ ਪਹਿਲਾਂ ਹੀ ਗੰਭੀਰ ਹੁੰਦੀ ਤਾਂ ਅੱਜ ਇਹ ਹਾਲਾਤ ਪੈਦਾ ਨਾ ਹੁੰਦੇ। ਇਹਨਾਂ ਹਾਲਾਤਾਂ ਦੀ ਜਿੰਮੇਵਾਰ ਸਿਰਫ ਤੇ ਸਿਰਫ ਕੇਂਦਰ ਸਰਕਾਰ ਅਤੇ ਪੰਜਾਬ ਸਰਕਾਰ ਹੈ। ਉਹਨਾਂ ਕਿਹਾ ਕਿੰਨੇ ਦੁੱਖ ਦੀ ਗੱਲ ਹੈ ਕਿ ਪੂਰਾ ਭਾਰਤ ਤਿਉਹਾਰ ਮਨਾ ਰਿਹਾ ਹੈ ਅਤੇ ਅਸੀਂ ਕਿਸਾਨ ਮੰਡੀਆਂ ਤੇ ਸੜਕਾ ਤੇ ਰੁਲ਼ ਰਹੇ ਹਾਂ। ਅਸੀ ਸੀਐਮ ਭਗਵੰਤ ਸਿੰਘ ਮਾਨ ਨੂੰ ਅਪੀਲ ਕਰਦੇ ਹਾ ਕੇ ਦਿੱਲੀ ਆਪ ਜਾ ਕੇ ਕੇਂਦਰ ਸਰਕਾਰ ਨਾਲ ਗੱਲਬਾਤ ਕਰਕੇ ਮਸਲੇ ਦਾ ਫੌਰੀ ਹੱਲ ਕੱਢਣ ਇਸ ਸਮੇਂ ਉਹਨਾਂ ਵੱਲੋਂ ਸਮੂਹ ਕਿਸਾਨ ਭਾਈਚਾਰੇ, ਮਜ਼ਦੂਰਾਂ, ਆੜਤੀਆਂ ਅਤੇ ਸ਼ੈਲਰ ਮਾਲਕਾਂ ਨੂੰ ਇਕੱਠੇ ਹੋ ਕੇ ਸੜਕੀ ਆਵਾਜਾਈ ਦਾ ਚੱਕਾ ਜਾਮ ਕੀਤਾ ਇਸ ਮੌਕੇ ਆਹਰਤੀ ਯੂਨੀਅਨ ਦੇ ਪ੍ਰਧਾਨ ਸੁਖਦੇਵ ਸਿੰਘ, ਬਲੀ ਸਿੰਘ ਧੂਤ ਰੁਪਿੰਦਰ ਸਿੰਘ ਧੂਤ, ਮਨਜੀਤ ਸਿੰਘ ਧੂਤ ਗਰਮਿੰਦਰ ਸਿੰਘ ਧੂਤ ਹਰ ਕਮਲ ਸਿੰਘ ਬਾਹਗਾ, ਗੁਰਵਿੰਦਰ ਸਿੰਘ ਬਾਹਗਾ, ਅਮਨਦੀਪ ਸਿੰਘ ਬਾਹਗਾ, ਸੁਰਿੰਦਰ ਸਿੰਘ ਧੂਤ ਨਛੱਤਰ ਸਿੰਘ ਕਾਲਕਟ, ਸਿਮਰਨਜੀਤ ਸਿੰਘ ਸਿੰਮੂ, ਬਲਦੇਵ ਸਿੰਘ ਬਾਹਗਾ, ਸੋਨੂ ਦਾਰਾਪੁਰ ਤਲਵਿੰਦਰ ਸਿੰਘ ,ਮਨਰਾਜ ਸਿੰਘ, ਤਰਨਦੀਪ ਸਿੰਘ ਮੱਲੀ, ਸੋਨੂ ਅਰਗੋਵਾਲ, ਮਨਜੀਤ ਸਿੰਘ ਖਾਨਪੁਰ ਸਾਬੀ ਅੰਬਾਲਾ ਜੱਟਾ, ਡਿਪਟੀ ਸਮਰਾ ਸਤਨਾਮ ਸਿੰਘ ਢੱਟ ,ਅਵਤਾਰ ਸਿੰਘ ਦਲਜੀਤ ਸਿੰਘ ਬਾਠ ਗੁਰਮੀਤ ਸਿੰਘ ਜੀਆ ਸਹੋਤਾ ,ਦਵਿੰਦਰ ਸਿੰਘ ਸਹੋਤਾ ,ਸੋਮਨਾਥ, ਬਲਜਿੰਦਰ ਸਿੰਘ, ਦੇਵ ਸਿੰਘ, ਗੁਰਬਖਸ਼ ਸਿੰਘ, ਕਸ਼ਮੀਰ ਸਿੰਘ ਗੁਰਦਿਆਲ ਸਿੰਘ, ਮਸਤੀਵਾਲ ਸਾਬੀ ਪੱਪੂ ਆਦਿ ਭਾਰੀ ਗਿਣਤੀ ਵਿੱਚ ਸ਼ਾਮਿਲ ਹੋਏ।