ਗੜ੍ਹਦੀਵਾਲਾ / ਦਸੂਹਾ ਫ਼ਰਵਰੀ (ਪ੍ਰਾਈਮ ਪੰਜਾਬ ਟਾਈਮਜ਼)
ਸਿੱਖਿਆ ਮੰਤਰੀ ਅਪਣੇ ਵਾਅਦੇ ਤੋਂ ਭੱਜਿਆ – ਪ੍ਰਿੰਸ, ਮਹਾਜਨ, ਅਮਰ ਸਿੰਘ
: ਸਾਂਝਾ ਅਧਿਆਪਕ ਮੋਰਚਾ ਦੇ ਆਗੂ ਪ੍ਰਿੰਸ ਗੜ੍ਹਦੀਵਾਲ, ਰਜਤ ਮਹਾਜਨ, ਅਮਰ ਸਿੰਘ ਨੇ ਪ੍ਰੈਸ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ 27 ਫ਼ਰਵਰੀ ਨੂੰ ਦਸੂਹਾ ਵਿਖੇ ਸਾਂਝਾ ਅਧਿਆਪਕ ਮੋਰਚੇ ਵੱਲੋਂ ਸਿੱਖਿਆ ਮੰਤਰੀ ਦੀ ਅਰਥੀ ਫੂਕੀ ਜਾਵੇਗੀ, ਜਿਸ ਵਿੱਚ ਮੁਕੇਰੀਆਂ, ਦਸੂਹਾ ਅਤੇ ਟਾਂਡਾ ਦੇ ਸੈਂਕੜੇ ਮੁਲਾਜ਼ਮ ਭਾਗ ਲੈਣਗੇ।
ਉਹਨਾਂ ਕਿਹਾ ਕਿ ਸਿੱਖਿਆ ਮੰਤਰੀ ਨੇ ਪਿੱਛਲੇ ਦਿਨੀ ਫ਼ਰੰਟ ਨਾਲ਼ ਮੀਟਿੰਗ ਵਿੱਚ ਮੁਲਾਜ਼ਮ ਮੰਗਾਂ ਮੰਨਣ ਦਾ ਭਰੋਸਾ ਦਿੱਤਾ ਸੀ, ਜਿਵੇਂ ਕਿ ਦੂਰ ਦੁਰਾਡੇ ਦਿੱਤੇ ਸਟੇਸ਼ਨ ਦੀ ਦੋਬਾਰਾ ਚੋਣ, ਖ਼ਾਲੀ ਪੋਸਟਾਂ ਨੂੰ ਤੁਰੰਤ ਭਰਨ ,ਕੰਪਿਊਟਰ ਅਧਿਆਪਕਾਂ ਨੂੰ ਸਿੱਖਿਆ ਵਿਭਾਗ ਵਿੱਚ ਮਰਜ ਕਰਨ, ਸਿੰਗਲ ਟੀਚਰ ਪ੍ਰਾਇ ਮਰੀ ਸਕੂਲਾਂ ਵਿੱਚ ਦੋ ਅਧਿਆਪਕ ਦੇਣ,ਪੀਟੀਆਈ ਅਤੇ ਡਰਾਇੰਗ ਅਧਿਆਪਕਾਂ ਦੀ ਤਨਖਾਹ ਕਟੌਤੀ ਦਾ ਪੱਤਰ ਵਾਪਸ ਲੈਣ, ਹਰ ਕੇਡਰ ਦੀਆਂ ਪ੍ਰਮੋਸ਼ਨ ਆਦਿ ਕਰਨ ਦੇ ਆਪਣੇ ਵਾਅਦੇ ਤੋਂ ਟਾਲ਼ਾ ਵੱਟ ਰਹੇ, ਜਿਸ ਦੇ ਰੋਸ ਵਜੋਂ ਦਸੂਹਾ ਵਿਖੇ ਸਾਂਝਾ ਅਧਿਆਪਕ ਮੋਰਚਾ ਪੰਜਾਬ ਦੇ ਨਿਰਦੇਸ਼ ਅਨੁਸਾਰ ਸਿੱਖਿਆ ਮੰਤਰੀ ਦੀ ਅਰਥੀ ਫੂਕੀ ਜਾਵੇਗੀ।
ਉਪਰੋਕਤ ਆਗੂਆਂ ਨੇ ਕਿਹਾ ਕਿ ਜਦ ਤਕ ਸਿੱਖਿਆ ਮੰਤਰੀ ਮੋਰਚੇ ਦੀਆਂ ਮੰਗਾਂ ਨੀ ਮੰਨ ਲੈਂਦਾ ਤਦ ਤੱਕ ਸੰਘਰਸ਼ ਜਾਰੀ ਰਹੇਗਾ। ਇਸ ਮੌਕੇ ਤੇ ਸਤੀਸ਼ ਕੁਮਾਰ, ਮਨਜੀਤ ਸਿੰਘ, ਰਾਜੇਸ਼ ਅਰੋੜਾ, ਉਮੇਸ਼ ਕੁਮਾਰ, ਪਰਸ ਰਾਮ, ਨਰਿੰਦਰ ਮੰਗਲ, ਦਵਿੰਦਰ ਸਿੰਘ, ਬ੍ਰਿਜ ਮੋਹਣ, ਬਲਵਿੰਦਰ ਟਾਕ, ਖੁਸ਼ਵੰਤ ਸਿੰਘ, ਜਸਵੀਰ ਬੋਦਲ, ਦਿਲਪ੍ਰੀਤ ਕਾਹਲੋਂ, ਬੂਟਾ ਸਿੰਘ,ਵਿਪਨ ਕੁਮਾਰ, ਸੁਰੇਸ਼ ਲੋਹਗੜ੍ਹ ਆਦਿ ਸਾਥੀ ਹਾਜ਼ਰ ਸਨ।
