ਗੜ੍ਹਦੀਵਾਲਾ 16 ਜਨਵਰੀ (ਚੌਧਰੀ) : ਸ਼੍ਰੋਮਣੀ ਅਕਾਲੀ ਦਲ ਸੰਯੁਕਤ ਦੇ ਪ੍ਰਧਾਨ ਸੁਖਦੇਵ ਸਿੰਘ ਢੀਂਡਸਾ ਵੱਲੋਂ ਟਾਂਡਾ ਹਲਕੇ ਤੋਂ ਪਾਰਟੀ ਦੇ ਥੰਮ ਸਰਦਾਰ ਮਨਜੀਤ ਸਿੰਘ ਦਸੂਹਾ ਨੂੰ ਕਰੀਬ ਛੇ ਮਹੀਨੇ ਪਹਿਲਾਂ ਹੀ ਚੋਣ ਮੈਦਾਨ ਵਿੱਚ ਉਤਾਰਨ ਦਾ ਲਿਆ ਗਿਆ ਦੂਰ ਅੰਦੇਸ਼ੀ ਫੈਸਲਾ ਸਹੀ ਸਾਬਿਤ ਹੋ ਰਿਹਾ ਹੈ। ਉਹਨਾਂ ਨੇ ਹਲਕੇ ਵਿੱਚ ਵਿਚਰਦਿਆਂ ਹਲਕੇ ਦੇ ਪਾਰਟੀ ਨਾਲ ਜੁੜੇ ਸਾਬਕਾ ਅਕਾਲੀ ਸਰਪੰਚ, ਪੰਚ ਤੇ ਲੰਬੜਦਾਰਾਂ ਸਮੇਤ ਕਸਬਾ ਟਾਂਡਾ ਦੇ ਐਮ ਸੀ ਤੇ ਮੋਹਤਵਾਰ ਵਰਕਰਾਂ ਤੱਕ ਪਹੁੰਚ ਕਰਕੇ ਆਪਣੇ ਨਾਲ ਤੋਰ ਲਿਆ। ਇਸ ਹੀ ਤਰ੍ਹਾ ਹਲਕਾ ਟਾਂਡਾ ਦੇ ਗੜ੍ਹਦੀਵਾਲ ਦੇ ਪਿੰਡ ਮਸਤੀਵਾਲ ਤੋਂ ਰਮੇਸ਼ ਸਿੰਘ ਵਾਈਸ ਪ੍ਰੈਜ਼ੀਡੈਂਟ ਆਮ ਆਦਮੀ ਪਾਰਟੀ ਸਮੇਤ ਪਿੰਡ ਖੰਗਵਾੜੀ ਦੇ ਅਨੇਕਾਂ ਪਰਿਵਾਰ ਮੈਬਰ ਪੰਚਾਇਤ ਰਾਜ ਕੁਮਾਰੀ ਸਮੇਤ ਮਨਜੀਤ ਸਿੰਘ ਦਸੂਹਾ ਨਾਲ ਚਲਣ ਦਾ ਪ੍ਰਣ ਕਰਦਿਆਂ ਕਿਹਾ ਕਿ ਸਰਦਾਰ ਮਨਜੀਤ ਸਿੰਘ ਦਸੂਹਾ ਹਲਕਾ ਟਾਂਡਾ ਦੇ ਚੋਣ ਮੈਦਾਨ ਵਿੱਚ ਵਿਰੋਧੀਆਂ ਨੂੰ ਪਿਸ਼ਾੜਦੇ ਹੋਏ ਜਿੱਤ ਦਾ ਝੰਡਾ ਲਹਿਰਾਉਣਗੇ। ਇਸ ਮੌਕੇ ਸਰਦਾਰ ਮਨਜੀਤ ਦਸੂਹਾ ਨੇ ਪਾਰਟੀ ਵਿੱਚ ਸ਼ਾਮਿਲ ਹੋਏ ਆਗੂਆਂ ਤੇ ਵਰਕਰਾਂ ਦਾ ਸਿਰੋਪਾਓ ਭੇਂਟ ਕਰਕੇ ਸਨਮਾਨ ਕੀਤਾ ਅਤੇ ਹਰ ਤਰ੍ਹਾਂ ਦਾ ਸਹਿਯੋਗ ਦੇਣ ਦੀ ਗੱਲ ਆਖੀ। ਇਸ ਮੌਕੇ ਆਪ ਛੱਡ ਕੇ ਸ਼੍ਰੋਮਣੀ ਅਕਾਲੀ ਦਲ ਸੰਯੁਕਤ ਵਿੱਚ ਸ਼ਾਮਿਲ ਹੋਏ ਆਗੂ ਵੱਡੀ ਗਿਣਤੀ ਵਿੱਚ ਹਾਜ਼ਰ ਸਨ।