ਦਸੂਹਾ (ਚੌਧਰੀ)

: ਦਸੂਹਾ ਦੇ ਪਿੰਡ ਘੋਗਰਾ ਦੇ ਇੱਕ ਘਰ ਚੋਂ ਸੋਨੇ ਦੇ ਗਹਿਣੇ ਚੋਰੀ ਕਰਕੇ ਫਰਾਰ ਹੋਏ ਨੌਜਵਾਨ ਨੂੰ ਦਸੂਹਾ ਪੁਲਿਸ ਨੇ ਕਾਬੂ ਕੀਤਾ ਹੈ।

 ਇਸ ਸਬੰਧੀ ਐਸ.ਆਈ ਹਰਪ੍ਰੇਮ ਸਿੰਘ, ਮੁੱਖ ਅਫਸਰ ਥਾਣਾ ਦਸੂਹਾ ਨੇ ਜਾਣਕਾਰੀ ਦਿੰਦਿਆਂ ਕਿ ਜਦੋਂ ਏ.ਐਸ.ਆਈ ਗੁਰਬਚਨ ਸਿੰਘ ਸਮੇਤ ਪੁਲਿਸ ਪਾਰਟੀ ਥਾਣਾ ਹਾਜਰ ਸੀ ਤਾਂ ਬਲਵਿੰਦਰ ਕੌਰ ਪਤਨੀ ਕਾਬਲ ਸਿੰਘ ਵਾਸੀ ਘੋਗਰਾ ਥਾਣਾ ਦਸੂਹਾ ਜਿਲਾ ਹੁਸਿਆਰਪੁਰ ਨੇ ਆਪਣੇ ਬਿਆਨ ਕਮਲਬੰਦ ਕਰਵਾਇਆ ਕਿ ਉਸ ਦੇ ਲੜਕੇ ਦੀ ਸ਼ਾਦੀ ਵਿਸ਼ਵਦੀਪ ਕੌਰ ਪੁੱਤਰੀ ਰਛਪਾਲ ਸਿੰਘ ਵਾਸੀ ਬੈਂਕ ਸਾਈਡ ਸਿਵਲ ਹਸਪਤਾਲ ਜਲੰਧਰ ਨਾਲ ਹੋਈ ਸੀ।ਜੋ ਉਸ ਦਾ ਲੜਕਾ ਵਿਦੇਸ਼ ਰਹਿੰਦਾ ਹੈ ਅਤੇ ਉਸ ਦੀ ਨੂੰਹ ਵਿਸ਼ਵਦੀਪ ਕੋਰ ਜਲੰਧਰ ਵਿਖੇ ਸਟਾਫ ਨਰਸ ਦੀ ਨੋਕਰੀ ਕਰਦੀ ਹੈ। ਜੋ ਉਸ ਦੀ ਲੜਕੀ ਮਨਪ੍ਰੀਤ ਕੌਰ ਅਤੇ ਜਵਾਈ ਕੁਲਦੀਪ ਸਿੰਘ ਦਾ ਸੋਨਾ ਉਹਨਾ ਕੋਲ ਘਰ ਪੇਟੀ ਵਿੱਚ ਪਿਆ ਹੋਇਆ ਸੀ। ਜੋ ਉਸ ਦੀ ਨੂੰਹ ਵਿਸ਼ਵਦੀਪ ਕੋਰ ਅਤੇ ਉਸ ਦਾ ਭਰਾ ਅਨਮੋਲ ਸਿੰਘ ਅਕਸਰ ਉਹਨਾ ਦੇ ਘਰ ਆਉਂਦਾ ਜਾਂਦਾ ਸੀ। ਜੋ ਉਸ ਦਾ ਲੜਕਾ ਗੁਰਚੇਤ ਸਿੰਘ, ਲੜਕੀ ਮਨਪ੍ਰੀਤ ਕੌਰ ਅਤੇ ਜਵਾਈ ਕੁਲਦੀਪ ਸਿੰਘ ਵਿਦੇਸ਼ ਫਰਾਂਸ ਤੇ ਵਾਪਸ ਘਰ ਆਏ ਤਾਂ ਉਹਨਾ ਨੇ ਸੋਨਾ ਪਾਉਣ ਲਈ ਪੇਟੀ ਨੂੰ ਖੋਲਿਆ ਤਾ ਉਸ ਵਿੱਚ ਸੋਨਾ ਨਹੀ ਸੀ। ਜੋ ਕਿ ਇਹ ਸੋਨਾ ਕਰੀਬ 08 ਤੋਲੇ ਸੀ । ਜੋ ਉਸ ਨੂੰ ਪੂਰਾ ਯਕੀਨ ਹੈ ਕਿ ਇਹ ਸੋਨਾ ਅਨਮੋਲ ਸਿੰਘ ਪੁੱਤਰ ਰਛਪਾਲ ਸਿੰਘ ਵਾਸੀ ਬੈਕ ਸਾਈਡ ਸਿਵਲ ਹਸਪਤਾਲ ਜਲੰਧਰ ਹੀ ਚੋਰੀ ਕਰਕੇ ਲੈ ਗਿਆ ਹੈ। ਜਿਸਤੇ ਮੁੱਕਦਮਾ ਨੰਬਰ 41 ਮਿਤੀ 15/03/2025 ਅ/ਧ 305 BNS ਬਾਣਾ ਦਸੂਹਾ ਦਰਜ ਰਜਿਸਟਰ ਕੀਤਾ ਗਿਆ ਹੈ। ਜੋ ਦੋਰਾਨੇ ਤਫਤੀਸ਼ ਅਨਮੋਲ ਸਿੰਘ ਉਕਤ ਨੂੰ ਮੁੱਕਦਮਾ ਉਕਤ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਹੈ । ਜਿਸਨੂੰ ਮਾਨਯੋਗ ਅਦਾਲਤ ਵਿਚ ਪੇਸ਼ ਕਰਕੇ ਡੁਗਾਈ ਨਾਲ ਪੁੱਛਗਿੱਛ ਕੀਤੀ ਜਾਵੇਗੀ । ਮੁਕਦਮਾ ਦੀ ਤਫਤੀਸ਼ ਜਾਰੀ ਹੈ ।