ਬਟਾਲਾ/ਘਰੋਟਾ 18 ਸਤੰਬਰ (ਅਵਿਨਾਸ਼ ਸ਼ਰਮਾ )
ਵਧਾਈਆਂ ਦੇਣ ਵਾਲਿਆਂ ਦਾ ਲੱਗਾ ਤਾਂਤਾ
: ਸਥਾਨਕ ਸੀ.ਐਚ.ਸੀ. ਘਰੋਟਾ ਦੇ ਨਵੇਂ ਐਸ.ਐਮ.ਓ. ਵਜੋਂ ਬੱਚਿਆਂ ਦੇ ਸਪੈਸ਼ਲਿਸਟ ਡਾ. ਸੰਦੀਪ ਨੇ ਆਪਣਾ ਕਾਰਜਭਾਰ ਸੰਭਾਲ ਲਿਆ ਹੈ। ਲੰਮੇ ਸਮੇਂ ਤੱਕ ਮੈਡੀਕਲ ਅਫ਼ਸਰ ਰਹਿ ਚੁੱਕੇ ਡਾ. ਸੰਦੀਪ ਨੇ ਆਪਣੀ ਸਮਰਪਿਤ ਸੇਵਾ ਅਤੇ ਖ਼ਾਸ ਤੌਰ ’ਤੇ ਬੱਚਿਆਂ ਦੀ ਬੇਮਿਸਾਲ ਦੇਖਭਾਲ ਨਾਲ ਲੋਕਾਂ ਦੇ ਦਿਲ ਜਿੱਤੇ ਹਨ। ਹੁਣ ਉਹ ਐਸ.ਐਮ.ਓ. ਦੇ ਰੂਪ ਵਿੱਚ ਵੱਡੀ ਜ਼ਿੰਮੇਵਾਰੀ ਸੰਭਾਲ ਰਹੇ ਹਨ।
ਇਸ ਮੌਕੇ ਡਾ. ਸੰਦੀਪ ਨੂੰ ਵਧਾਈਆਂ ਦੇਣ ਅਤੇ ਗੁਲਦਸਤੇ ਭੇਟ ਕਰਨ ਵਾਲਿਆਂ ਦਾ ਤਾਂਤਾ ਲੱਗਾ ਰਿਹਾ। ਵਧਾਈ ਦੇਣ ਵਾਲਿਆਂ ਵਿੱਚ ਭੁਪਿੰਦਰ ਸਿੰਘ (ਹੈਲਥ ਇੰਸਪੈਕਟਰ), ਅਮਰਬੀਰ ਸਿੰਘ (ਸੀਨੀਅਰ ਕਲੈਰੀਕਲ) ਸਮੇਤ ਹੋਰ ਕਈ ਡਾਕਟਰ, ਸਟਾਫ ਮੈਂਬਰ ਅਤੇ ਸਮਾਜਿਕ ਹਸਤੀਆਂ ਸ਼ਾਮਲ ਰਹੀਆਂ। ਸਭ ਨੇ ਉਨ੍ਹਾਂ ਦੇ ਲੰਮੇ ਤਜਰਬੇ ਅਤੇ ਲੋਕ ਭਲਾਈ ਲਈ ਕੀਤੀ ਸੇਵਾ ਦੀ ਖ਼ੂਬ ਸਰਾਹਨਾ ਕੀਤੀ।
ਡਾ. ਸੰਦੀਪ ਨੇ ਇਸ ਮੌਕੇ ਕਿਹਾ ਕਿ “ਐਸ.ਐਮ.ਓ. ਦਾ ਅਹੁਦਾ ਮੇਰੇ ਲਈ ਵੱਡੀ ਜ਼ਿੰਮੇਵਾਰੀ ਹੈ। ਮੈਂ ਘਰੋਟਾ ਖੇਤਰ ਦੇ ਲੋਕਾਂ ਨੂੰ ਉੱਚ ਪੱਧਰੀ ਸਿਹਤ ਸੇਵਾਵਾਂ ਪ੍ਰਦਾਨ ਕਰਨ ਲਈ ਪੂਰੀ ਇਮਾਨਦਾਰੀ ਅਤੇ ਸਮਰਪਣ ਨਾਲ ਕੰਮ ਕਰਾਂਗਾ।”
ਸੀ.ਐਚ.ਸੀ. ਘਰੋਟਾ ਦੇ ਡਾਕਟਰਾਂ, ਪੈਰਾਮੈਡੀਕਲ ਸਟਾਫ਼ ਅਤੇ ਸਥਾਨਕ ਲੋਕਾਂ ਵਿਚਾਲੇ ਖ਼ੁਸ਼ੀ ਦਾ ਮਾਹੌਲ ਬਣ ਗਿਆ।
