ਬੀਤ ਦੀਆਂ ਸੜਕਾਂ ਦੀ ਮਾੜੀ ਹਾਲਤ ਲਈ ਲਗਾਇਆ ਜਾਵੇਗਾ ਪੱਕਾ ਧਰਨਾ

ਗੜ੍ਹਸ਼ੰਕਰ (ਅਸ਼ਵਨੀ ਸ਼ਰਮਾ) :  ਇਲਾਕਾ ਬੀਤ ਦੀਆਂ ਸੜਕਾਂ ਦੀ ਮਾੜੀ ਹਾਲਤ ਕਿਸੇ ਤੋਂ ਲਕੋਈ ਨਹੀਂ ਹੈ ਜਿਹਨਾਂ ਤੇ ਚਲਣ ਤੇ ਨਿਤਦਿਨ ਹਾਦਸੇ ਵਾਪਰਦੇ ਹਨ, ਜਿਸ ਨਾਲ ਲੋਕਾਂ ਦਾ ਬੀਤ ਦੀਆਂ ਸੜਕਾਂ ਤੋਂ ਗੁਜਰਨਾ ਮੁਸਕਲ ਹੋਇਆ ਪਿਆ ਹੈ। ਅਜ ਸ਼੍ਰੀ ਚਰਨ ਛੋਹ ਗੰਗਾ ਅਮਿ੍ਤ ਕੁੰਡ ਸ਼੍ਰੀ ਖੁਰਾਲਗੜ ਸਾਹਿਬ ਕਮੇਟੀ ਦੇ ਪ੍ਧਾਨ ਸੰਤ ਸੁਰਿੰਦਰ ਦਾਸ ਨੇ ਸਾਡੇ ਪੱਤਰਕਾਰ ਨਾਲ ਗੱਲ ਕਰਦਿਆਂ ਕਿਹਾ ਕਿ 10ਮਾਰਚ ਨੂੰ ਪੰਜਾਬ ਵਿਧਾਨ ਸਭਾ ਚੋਣਾਂ ਦੇ ਨਤੀਜੇ ਆਉਣ ਤੋਂ ਬਾਅਦ ਸਰਕਾਰ ਕਿਸੇ ਦੀ ਬਣੇ ਅਸੀਂ ਬੀਤ ਦੇ ਲੋਕਾਂ ਨੂੰ ਨਾਲ ਲੈਕੇ ਅੱਡਾ ਝੁੰਗੀਆ ਚ ਪੱਕਾ ਧਰਨਾ ਉਸ ਸਮੇਂ ਤੱਕ ਲਗਾਕੇ ਰੱਖਾਗੇ ਜਦੋਂ ਤੱਕ ਸੜਕਾਂ ਨੂੰ ਬਣਾਇਆ ਨਹੀਂ ਜਾਵੇਗਾ। ਉਹਨਾਂ ਨੇ ਕਿਹਾ ਕਿ ਬੀਤ ਦੇ ਲੋਕਾਂ ਨੇ 5 ਸਾਲ ਸਤਾਪ ਭੋਗਿਆ ਹੈ ਤੇ ਕਿਸੇ ਨੇ ਵੀ ਬੀਤ ਦੇ ਲੋਕਾਂ ਦੀ ਬਾਹ ਨਹੀਂ ਫੜੀ। ਉਹਨਾਂ ਨੇ ਬੀਤ ਦੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਇਸ ਸੰਘਰਸ਼ ਚ ਵੱਧ ਤੋਂ ਵੱਧ ਸ਼ਾਮਲ ਹੋਣ।