ਗੁਰਦਾਸਪੁਰ 31 ਜਨਵਰੀ ( ਅਸ਼ਵਨੀ) : ਬੈਂਕ ਪਾਸ ਰਹਿਣ ਕੀਤੀ ਜ਼ਮੀਨ ਅੱਗੇ ਵੇਚਣ/ ਰਹਿਣ ਕਰਨ ਤੇ ਬੈਂਕ ਮਨੇਜਰ ਦੀ ਸ਼ਿਕਾਇਤ ਤੇ ਪੁਲਿਸ ਵੱਲੋਂ ਇਕ ਅੋਰਤ ਵਿਰੁੱਧ ਮਾਮਲਾ ਦਰਜ ਕੀਤਾ ਗਿਆ ਹੈ। ਸੰਜੀਵ ਸਾਂਵਲ ਮੈਨੇਜਰ ਪੰਜਾਬ ਨੈਸ਼ਨਲ ਬੈਂਕ ਧਾਰੀਵਾਲ ਨੇ ਪੁਲਿਸ ਨੂੰ ਕੀਤੀ ਸ਼ਿਕਾਇਤ ਰਾਹੀਂ ਦਸਿਆਂ ਕਿ ਭੱਜਣੀ ਪੁੱਤਰੀ ਅੰਬੂ ਵਾਸੀ ਬਟਾਲਾ ਨੇ ਬੈਂਕ ਪਾਸੋ 8 ਲੱਖ ਰੁਪਈਆ ਆਪਣੀ ਜ਼ਮੀਨ ਰਹਿਣ ਕਰਕੇ ਲੋਨ ਲਿਆ ਸੀ । ਭੱਜਣੀ ਵੱਲੋਂ ਬੈਂਕ ਪਾਸੋ ਲਿਆ ਲੋਨ ਵਾਪਿਸ ਨਹੀਂ ਕੀਤਾ ਅਤੇ ਆਪਣੀ ਰਹਿਣ ਕੀਤੀ ਜ਼ਮੀਨ ਅੱਗੇ ਵੇਚ/ਰਹਿਣ ਕਰ ਦਿੱਤੀ ਹੈ।ਸਹਾਇਕ ਸਬ ਇੰਸਪੈਕਟਰ ਰਜਿੰਦਰ ਸਿੰਘ ਪੁਲਿਸ ਸਟੇਸ਼ਨ ਧਾਰੀਵਾਲ ਨੇ ਦਸਿਆਂ ਕਿ ਬੈਂਕ ਮੈਨੇਜਰ ਵੱਲੋਂ ਕੀਤੀ ਸ਼ਿਕਾਇਤ ਦੀ ਜਾਂਚ ਪੁਲਿਸ ਕਪਤਾਨ ਇੰਨਵੈਸਟੀਗੇਸ਼ਨ ਗੁਰਦਾਸਪੁਰ ਵੱਲੋਂ ਕਰਨ ਉਪਰੰਤ ਪੁਲਿਸ ਵੱਲੋਂ ਧਾਰਾ 420 ਅਤੇ 406 ਅਧੀਨ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ