ਦਸੂਹਾ 31 ਜਨਵਰੀ (ਚੌਧਰੀ) : ਸਥਾਨਕ ਪੁਲਿਸ ਨੇ ਇੱਕ ਨਾਬਾਲਗ ਲੜਕੀ ਨੂੰ ਵਿਆਹ ਦਾ ਝਾਂਸਾਂ ਦੇ ਕੇ ਬਰਗਲਾ ਫੁਸਲਾ ਕੇ ਨਾਲ ਲੈ ਜਾਣ ਤੇ ਇੱਕ ਨੌਜਵਾਨ ਤੇ ਮਾਮਲਾ ਦਰਜ ਕਰਨ ਦਾ ਦਾਅਵਾ ਕੀਤਾ ਹੈ।

ਦਸੂਹਾ ਪੁਲਿਸ ਨੂੰ ਦਿੱਤੇ ਬਿਆਨਾਂ ਚ ਨਾਬਾਲਗ ਲੜਕੀ ਦੇ ਪਿਤਾ ਦਰਸ਼ਨ ਸਿੰਘ ਪੁੱਤਰ ਪ੍ਰਕਾਸ਼ ਸਿੰਘ ਵਾਸੀ ਬਾਜਵਾ ਕਲੋਨੀ ਵਾਰਡ ਨੰਬਰ 11 ਕੈਥਾਂ ਦਸੂਹਾ ਥਾਣਾ ਦਸੂਹਾ ਚ ਕਿਹਾ ਕਿ ਉਸਦੀ ਲੜਕੀ ਜਿਸ ਦੀ ਉਮਰ ਕਰੀਬ 17 ਸਾਲ ਦਸਵੀਂ ਕਲਾਸ ਵਿੱਚ ਇੱਕ ਕੋਨਵੈਟ ਸਕੂਲ  ਦਸੂਹਾ ਵਿਖੇ ਪੜਦੀ ਸੀ। ਉਹ ਮਿਤੀ 26-01-2022 ਨੂੰ ਕਰੀਬ 12/1 ਵਜੇ ਦਿਨ ਆਪਣੀ ਘਰਵਾਲੀ ਨਾਲ ਘਰੇਲੂ ਸਮਾਨ ਖਰੀਦਣ ਲਈ ਦਸੂਹਾ ਬਜਾਰ ਗਏ ਜਦ ਉਹ ਵਾਪਸ ਘਰ ਆਏ ਤਾਂ ਉਸ ਦੀ ਸਕੂਟਰੀ ਨੰਬਰੀ PB-21-G-1793 ਮਾਰਕਾ ਹੀਰੋ ਡਸਟੀਨੀ 125 ਅਤੇ ਉਸ ਦੀ ਨਾਬਾਲਗ ਲੜਕੀ  ਘਰ ਹਾਜਰ ਨਹੀ ਸੀ, ਜੋ ਉਸ ਨੇ ਇੱਕ ਡਰਾਇਵਰ ਹਰਪ੍ਰੀਤ ਸਿੰਘ ਪੁੱਤਰ ਸਤਵਿੰਦਰ ਸਿੰਘ ਵਾਸੀ ਰਾਜਾ ਕਲਾਂ ਥਾਣਾ ਗੜਦੀਵਾਲਾ ਜਿਲਾ ਹੁਸਿ: ਨੂੰ ਕਰੀਬ 1 ਸਾਲ ਤੋਂ ਗੱਡੀ ਚਲਾਉਣ ਵਾਸਤੇ ਘਰ ਰੱਖਿਆ ਹੋਇਆ ਸੀ।ਉਸ ਦੀ ਨਾਬਾਲਗ ਲੜਕੀ ਨੂੰ ਅਤੇ ਇੱਕ ਸਕੂਟਰੀ ਨੰਬਰੀ PB-21 G-1793 ਮਾਰਕਾ ਹੀਰੋ ਡਸਟੀਨੀ 125 70 ਹਜਾਰ,01 ਹਜਾਰ ਅਮਰੀਕੀ ਡਾਲਰ ,ਸੋਨੇ ਦੇ ਗਹਿਣੇ ,2 ਲੇਪਟੋਪ ,01 ਟੈਬਲੈਟ ਸੈਮਸੰਗ, 3 ਐਪਲ ਫੋਨ, ਇੱਕ ਏ ਟੀ ਐਮ HDFC ਚੋਰੀ ਕਰਕੇ ਅਤੇ ਲੜਕੀ ਨੂੰ ਵਿਆਹ ਦਾ ਝਾਂਸਾਂ ਦੇ ਕੇ ਬਰਗਲਾ ਫੁਸਲਾ ਕੇ ਨਾਲ ਲੈ ਗਿਆ ਹੈ।ਦਸੂਹਾ ਪੁਲਿਸ ਨੇ ਉਕਤ ਡਰਾਈਵਰ ਹਰਪ੍ਰੀਤ ਸਿੰਘ ਤੇ ਧਾਰਾ 363,366,380 ਭ:ਦ ਅਧੀਨ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।