ਹੁਸ਼ਿਆਰਪੁਰ 30 ਜਨਵਰੀ (ਬਿਊਰੋ) : ਵਿਧਾਨ ਸਭਾ ਚੋਣਾਂ ਸਾਲ 2022 ਦੌਰਾਨ ਮਾਨਯੋਗ ਇਲੈਕਸ਼ਨ ਕਮਿਸ਼ਨ ਆਫ ਇੰਡੀਆ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ, ਧਰੂਮਨ ਐਚ.ਨਿੰਬਾਲੇ ਆਈ.ਪੀ.ਐਸ. ਸੀਨੀਅਰ ਪੁਲਿਸ ਕਪਤਾਨ, ਹੁਸ਼ਿਆਰਪੁਰ  ਵਲੋਂ ਜਿਲ੍ਹਾ ਹਜਾ ਵਿੱਚ ਕਿਸੇ ਵੀ ਅਣਸੁਖਾਵੀ ਘਟਨਾ ਨੂੰ ਰੋਕਣ ਲਈ ਪੂਰਜੋਰ ਉਪਰਾਲੇ ਕੀਤੇ ਜਾ ਰਹੇ ਹਨ। ਇਹਨਾਂ ਉਪਰਾਲਿਆਂ ਤਹਿਤ ਜਿਲ੍ਹਾ ਹਜਾ ਦੇ 82/83 ਜ:ਫ: ਅਤੇ 299 ਜ:ਫ: ਅਧੀਨ 16 ਮੁਜਰਿਮ ਇਸ਼ਤਿਹਾਰੀ ਜੋ ਕਿ ਕਤਲ, ਇਰਾਦਾ ਕਤਲ ਅਤੇ ਕਿਡਨੈਪਿੰਗ ਵਰਗੇ ਸੰਗੀਨ ਮੁਕੱਮਿਆਂ ਵਿੱਚ ਲੋੜੀਂਦੇ ਹਨ ਅਤੇ ਹੁਣ ਵਿਦੇਸ਼ਾਂ ਵਿੱਚ ਵੱਸ ਚੁੱਕੇ ਹਨ।

ਇਹਨਾਂ ਵਿਦੇਸ਼ਾਂ ਵਿੱਚ ਵੱਸ ਚੁੱਕੇ 16 ਮੁਜਰਿਮ ਇਸ਼ਤਿਹਾਰੀਆਂ ਦੇ ਖਿਲਾਫ ਕਾਰਵਾਈ ਕਰਨ ਲਈ ਅਤੇ ਇਹਨਾਂ ਦੇ ਪਾਸਪੋਰਟਾਂ ਨੂੰ ਜਲਦੀ ਤੋਂ ਜਲਦੀ ਕੈਂਸਲ ਕਰਨ ਬਾਰੇ ਸਬੰਧਤ ਰਿਜਨਲ ਪਾਸਪੋਰਟ ਅਧਿਕਾਰੀਆਂ ਨੂੰ ਲਿਖਕੇ ਭੇਜਿਆ ਗਿਆ ਹੈ, ਤਾਂ ਜੋ ਇਹਨਾਂ ਮੁਜਰਿਮ ਇਸ਼ਤਿਹਾਰੀਆਂ ਨੂੰ ਸਬੰਧਤ ਵਿਭਾਗ ਰਾਂਹੀ ਜਲਦੀ ਜਲਦੀ ਤੋਂ ਗ੍ਰਿਫਤਾਰ ਕਰਕੇ ਭਾਰਤ ਵਿੱਚ ਲਿਆਂਦਾ ਜਾ ਸਕੇ।

ਉਪਰੋਕਤ ਤੋਂ ਇਲਾਵਾ 82/83 ਜ:ਫ: ਅਤੇ 299 ਜ:ਫ: ਦੇ ਉਹ ਮੁਜਰਿਮ ਇਸ਼ਤਿਹਾਰੀ ਜੋ ਗੈਰ ਜਿਲਿਆਂ ਅਤੇ ਹੋਰ ਸਟੇਟਾਂ ਨਾਲ ਸਬੰਧਤ ਹਨ, ਉਹਨਾਂ ਨੂੰ ਗ੍ਰਿਫਤਾਰ ਕਰਨ ਲਈ ਸਬੰਧਤ ਜਿਲਿਆਂ ਅਤੇ ਸਟੇਟਾਂ ਦੇ ਪੁਲਿਸ ਮੁੱਖੀਆਂ ਨਾਲ ਪੱਤਰ ਵਿਵਹਾਰ ਕਰਕੇ ਤਾਲਮੇਲ ਕੀਤਾ ਜਾ ਰਿਹਾ ਹੈ।