ਦਸੂਹਾ 16 ਮਾਰਚ (ਚੌਧਰੀ) : ਚੋਰਾਂ ਵਲੋਂ ਦਸੂਹਾ ਦੇ ਇੱਕ ਘਰ ਚੋਂ 6 ਤੋਲੇ ਸੋਨਾ ਅਤੇ 80 ਹਜਾਰ ਦੀ ਨਗਦੀ ਲੈ ਕੇ ਹੋਏ ਫਰਾਰ  ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਿਸ ਨਾਲ ਦਸੂਹਾ ਨਿਵਾਸੀ ਦੇ ਦਿਲਾਂ ਵਿਚ ਦਹਿਸ਼ਤ ਦਾ ਮਾਹੌਲ ਬਣਿਆ ਹੋਇਆ ਹੈ।

ਦਸੂਹਾ ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਮੋਹਨ ਲਾਲ ਭਾਟੀਆ ਪੁੱਤਰ ਕੋ ਗਿਆਨ ਚੰਦ ਵਾਸੀ ਹਾਊਸ ਨੰਬਰ 7 ਫੇਸ 3 ਸਾਊਥ ਸਿਟੀ ਦਸੂਹਾ ਥਾਣਾ ਦਸੂਹਾ ਜਿਲਾ ਹੁਸਿਆਰਪੁਰ ( ਉਮਰ ਕਰੀਬ 58 ਸਾਲ) ਨੇ ਦੱਸਿਆ ਕਿ ਮਿਤੀ 11-03-22 ਨੂੰ ਰਾਧਾ ਸੁਆਮੀ ਸੰਤਸੰਗ ਬਿਆਸ ਵਾਲਿਆ ਦੇ ਡੇਰੇ ਜੰਮੂ ਵਿਖੇ ਗਿਆ ਸੀ ਮਿਤੀ 14-03-22 ਨੂੰ ਵਕਤ ਕਰੀਬ 4:30 ਵਜੇ ਸੁਭਾ ਵਾਪਸ ਜੰਮੂ ਤੋ ਘਰ ਆਇਆ ਤਾ ਘਰ ਦਾ ਬਾਹਰਲਾ ਗੇਟ ਦਾ ਤਾਲਾ ਖੋਲ ਕੇ ਅੰਦਰ ਗਿਆ ਤਾ ਘਰ ਦਾ ਮੇਨ ਦਰਵਾਜਾ ਕਿਸੇ ਨਾ -ਮਾਲੂਮ ਵਿਅਕਤੀਆ ਵੱਲੋ ਲੋਹੇ ਦੀ ਚੀਜ ਨਾਲ ਤੋੜਿਆ ਹੋਇਆ ਸੀ ਤੇ ਅਲਮਾਰੀਆ ਦੇ ਲਾਕ ਵੀ ਤੋੜੇ ਹੋਏ ਸਨ ਜੋ ਅਲਮਾਰੀ ਵਿਚੋ ਕਰੀਬ 6 ਤੋਲੇ ਸੋਨੇ ਦੇ ਗਹਿਣੇ ਜਿਹਨਾ ਵਿੱਚੋ ਦੋ ਸੋਨੇ ਦੀ ਚੈਨੀਆ,ਇੱਕ ਮੰਗਲ ਸੂਤਰ ਇੱਕ ਟੋਪਸ ਜੋੜਾ ਦੋ ਅੰਗੂਠੀਆ ਅਤੇ 900 ਗ੍ਰਾਮ ਚਾਂਦੀ ਦੇ ਗਹਿਣੇ ਅਤੇ ਕਰੀਬ 80,000/ਰੁਪਏ ਨਗਦੀ ਕੋਈ ਨਾ-ਮਾਲੂਮ ਵਿਅਕਤੀਆ ਵੱਲੋ ਚੋਰੀ ਕਰ ਕੇ ਲੈ ਗਏ ਜਿਸ ਤੇ ਪੁਲਿਸ ਨੇ ਨਾ ਮਾਲੂਮ ਵਿਅਕਤੀ ਤੇ ਧਾਰਾ 457, 380 ਭ:ਦ ਅਧੀਨ ਮਾਮਲਾ ਦਰਜ ਕੀਤਾ ਹੈ।

ਮੁਕੱਦਮਾ ਦਰਜ ਕੀਤਾ ਗਿਆ।