ਦਸੂਹਾ 19 ਨਵੰਬਰ (ਚੌਧਰੀ)
: ਗੁਰੂ ਨਾਨਕ ਚੌਂਕ, ਗੁਰੂ ਨਾਨਕ ਮਾਰਗ, ਜਲੰਧਰ ਵਲੋਂ ਗੁਰੂ ਮਹਾਰਾਜ ਦੀ ਮਿਹਰ ਸਦਕਾ ਸ. ਹਰਬੰਸ ਸਿੰਘ ਖਟਕੜ ਤੇ ਬੀਬੀ ਮਹਿੰਦਰ ਕੌਰ ਖਟਕੜ (ਯੂ.ਕੇ.) ਅਤੇ ਸਮੂਹ ਖਟਕੜ ਪਰਿਵਾਰ ਦੀ ਮਾਇਕ ਸਹਾਇਤਾ, ਸੰਤ ਤੇਜਾ ਸਿੰਘ ਜੀ ਖੁਡੇ ਵਾਲਿਆਂ ਅਤੇ ਇਲਾਕਾ ਨਿਵਾਸੀਆਂ ਦੇ ਸਹਿਯੋਗ ਨਾਲ ਪੰਚਾਇਤ ਘਰ ਨਜ਼ਦੀਕ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ, ਪਿੰਡ ਸੰਸਾਰਪੁਰ, ਤਹਿਸੀਲ ਦਸੂਹਾ, ਜਿਲਾ ਹੁਸ਼ਿਆਰਪੁਰ ਵਿਖੇ ਅੱਖਾਂ ਦਾ ਮੁਫ਼ਤ ਕੈਂਪ ਮਿਤੀ 22 ਨਵੰਬਰ 2026 ਦਿਨ ਐਤਵਾਰ ਨੂੰ ਸਵੇਰੇ 9.00 ਤੋਂ 2.00 ਵਜੇ ਤੱਕ ਲਗਾਇਆ ਜਾਵੇਗਾ।
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਮਾ ਸੁਰਜੀਤ ਸਿੰਘ ਨੇ ਦੱਸਿਆ ਕਿ ਗੁਰੂ ਨਾਨਕ ਮਿਸ਼ਨ ਹਸਪਤਾਲ ਜਲੰਧਰ ਦੇ ਮਾਹਿਰ ਡਾ. ਕਪਲਮੀਤ ਸਿੰਘ M.S. Eye ਅੱਖਾਂ ਦੇ ਮਾਹਿਰ ਅਤੇ ਮੁੱਖੀ ਅੱਖਾਂ ਦਾ ਵਿਭਾਗ,ਡਾ. ਨਵਨੀਤ ਗਰਗ M.S. Eye ਅੱਖਾਂ ਦੇ ਮਾਹਿਰ,ਡਾ. ਉੱਤਮ ਕੁਮਾਰ ਓਹਰੀ D.O.M.S. ਅੱਖਾਂ ਦੇ ਮਾਹਿਰ ਅਤੇ ਉਹਨਾਂ ਦੀ ਟੀਮ ਅੱਖਾਂ ਦੇ ਮਰੀਜ਼ਾਂ ਦਾ ਮੁਆਇਨਾ ਅਤੇ ਅਪ੍ਰੇਸ਼ਨ ਕਰੇਗੀ।ਕੈਂਪ ਵਿਚ ਸਿਰਫ਼ ਨੇੜੇ ਦੀ ਨਜ਼ਰ ਚੈੱਕ ਕੀਤੀ ਜਾਵੇਗੀ।
ਉਨ੍ਹਾਂ ਕਿਹਾ ਕਿ ਇਸ ਕੈਂਪ ਦੌਰਾਨ ਡਾ. ਸਾਹਿਬ ਮਰੀਜ਼ਾਂ ਨੂੰ ਮੁਫ਼ਤ ਚੈੱਕਅਪ ਕਰਨਗੇ, ਮਰੀਜ਼ਾਂ ਨੂੰ ਦਵਾਈਆਂ ਮੁਫ਼ਤ ਦਿੱਤੀਆਂ ਜਾਣਗੀਆਂ, ਅੱਖਾਂ ਦੇ ਅਪ੍ਰੇਸ਼ਨ ਮੁਫ਼ਤ ਕੀਤੇ ਜਾਣਗੇ ਅਤੇ ਲੈੱਨਜ਼ ਵੀ ਮੁਫ਼ਤ ਫ਼ਿਟ ਕੀਤੇ ਜਾਣਗੇ।ਉਨ੍ਹਾਂ ਇਲਾਕੇ ਦੇ ਲੋਕਾਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਇਸ ਕੈਂਪ ਦਾ ਜਰੂਰਤਮੰਦ ਲੋਕ ਵੱਲ ਤੋਂ ਵੱਧ ਲਾਭ ਉਠਾਉਣ।







