ਗੜ੍ਹਦੀਵਾਲਾ (ਚੌਧਰੀ)
: ਖ਼ਾਲਸਾ ਕਾਲਜ, ਗੜ੍ਹਦੀਵਾਲਾ ਨੇ ਰਾਸ਼ਟਰੀ ਪੱਧਰ ‘ਤੇ ਆਪਣੀ ਉਤਕ੍ਰਿਸ਼ਟਤਾ ਸਾਬਤ ਕਰਦਿਆਂ ਨੈਸ਼ਨਲ ਐੱਜੂ ਟਰੱਸਟ ਆਫ਼ ਇੰਡੀਆ ਵੱਲੋਂ ਤਿੰਨ ਮਹੱਤਵਪੂਰਨ ਇਨਾਮ ਪ੍ਰਾਪਤ ਕੀਤੇ। ਇਨ੍ਹਾਂ ਇਨਾਮਾਂ ਵਿੱਚ “ਗ੍ਰੀਨ ਕੈਂਪਸ ਐਵਾਰਡ”, “ਬੈਸਟ ਪ੍ਰਿੰਸੀਪਲ ਐਵਾਰਡ” ਅਤੇ “ਬੈਸਟ ਫੈਕਲਟੀ ਐਵਾਰਡ” ਸ਼ਾਮਲ ਹਨ। ਡਾ. ਜਸਪਾਲ ਸਿੰਘ ਨੂੰ ਉਨ੍ਹਾਂ ਦੀ ਲੀਡਰਸ਼ਿਪ ਅਤੇ ਕਾਲਜ ਦੇ ਕੰਮਾਂ ਦੀ ਵਧੀਆ ਕਾਰਗੁਜ਼ਾਰੀ ਲਈ ਸਰਵੋਤਮ ਪ੍ਰਿੰਸੀਪਲ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਡਾ. ਪੰਕਜ ਸ਼ਰਮਾ ਨੂੰ ਬੈਸਟ ਫੈਕਲਟੀ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ। ਕਾਲਜ ਨੂੰ “ਗ੍ਰੀਨ ਕੈਂਪਸ ਐਵਾਰਡ” ਮਿਲਣ ਦਾ ਸਤਿਕਾਰ ਉਸਦੀ ਵਾਤਾਵਰਣ ਮਿੱਤਰ ਨੀਤੀਆਂ, ਹਰਾ-ਭਰਾ ਅਤੇ ਸਫ਼ਾਈ ਯੁਕਤ ਕੈਂਪਸ ਲਈ ਦਿੱਤਾ ਗਿਆ। ਇਹ ਇਨਾਮ ਖ਼ਾਲਸਾ ਕਾਲਜ ਗੜ੍ਹਦੀਵਾਲਾ ਦੇ ਨਾਲ ਨਾਲ ਪੂਰੇ ਇਲਾਕੇ ਲਈ ਮਾਣ ਵਾਲੀ ਗੱਲ ਹਨ।
