ਗੜਦੀਵਾਲਾ 6 ਜਨਵਰੀ (ਚੌਧਰੀ)
: ਪਿਛਲੇ ਦਿਨੀਂ ਪਿੰਡ ਨੰਗਲ ਥੱਥਲ ਤੋਂ ਨਹਿਰ ਨੂੰ ਜਾਂਦਿਆਂ ਰਾਹ ਵਿੱਚ ਸ਼ਰਾਬ ਦਾ ਠੇਕਾ ਬੰਦ ਕਰਾਉਣ ਲਈ ਠੇਕੇ ਮੂਹਰੇ ਔਰਤਾਂ ਤੇ ਮਰਦਾਂ ਨੇ ਭਾਰੀ ਗਿਣਤੀ ਵਿੱਚ ਇਕੱਠੀਆਂ ਹੋ ਕੇ ਠੇਕਾ ਬੰਦ ਕਰਾਉਣ ਲਈ ਧਰਨਾ ਦਿੱਤਾ ਸੀ ।ਪਿੰਡ ਵਾਸੀਆਂ ਨੇ ਪਹਿਲਾਂ ਡੀਸੀ ਹੁਸ਼ਿਆਰਪੁਰ ਅੱਗੇ ਫਰਿਆਦ ਕੀਤੀ,ਫਿਰ ਸਥਾਨਕ ਸਰਕਾਰਾਂ ਮੰਤਰੀ ਡਾਕਟਰ ਨਵਜੋਤ ਸਿੰਘ ਤੱਕ ਪਹੁੰਚ ਕੀਤੀ।
ਡਾਕਟਰ ਰਵਜੋਤ ਸਿੰਘ ਕੈਬਨਿਟ ਮੰਤਰੀ ਪੰਜਾਬ ਸਰਕਾਰ ਵਲੋਂ ਇੱਥੇ ਆ ਕੇ ਮੌਕਾ ਦੇਖਿਆ ਤੇ ਹਾਲਾਤਾਂ ਨੂੰ ਭਾਂਪਦਿਆਂ ਐਲਾਨ ਕਰ ਗਏ ਸਨ ਕਿ 22 ਦਸੰਬਰ ਤੱਕ ਠੇਕਾ ਬੰਦ ਕਰਾ ਦਿੱਤਾ ਜਾਵੇਗਾ। ਪਰ ਪ੍ਰਸ਼ਾਸਨ ਨਵੀਂ ਜਗ੍ਹਾ ਤਲਾਸ਼ਣ ਲਈ ਭਾਵੇਂ ਅਸਮਰਥ ਰਿਹਾ ਪਰ ਔਰਤਾਂ ਦੀ ਤਾਕਤ ਨੇ ਕੱਲ ਸ਼ਾਮ ਤੇ ਅੱਜ ਸਵੇਰੇ ਸ਼ਰਾਬ ਦੇ ਠੇਕੇ ਮੂਹਰੇ ਫਿਰ ਧਰਨਾ ਲਗਾ ਦਿੱਤਾ,ਤੇ ਠੇਕਾ ਬੰਦ ਕਰਾ ਦਿੱਤਾ। ਦੋ ਦਿਨ ਪਹਿਲਾਂ ਪਿੰਡ ਵਾਸੀ ਔਰਤਾਂ ਮਰਦਾਂ ਨੇ ਇਕੱਠੀਆਂ ਹੋ ਕੇ ਡਾਕਟਰ ਰਵਜੋਤ ਦੀ ਕੋਠੀ ਹੁਸ਼ਿਆਰਪੁਰ ਵਿਖੇ ਵੀ ਠੇਕਾ ਬੰਦ ਕਰਾਉਣ ਲਈ ਮੰਗ ਪੱਤਰ ਦੇ ਕੇ ਆਏ ਸਨ। ਆਖਰ ਪ੍ਰਸ਼ਾਸਨ ਨੂੰ ਝੁਕਣਾ ਹੀ ਪਿਆ।
ਇੱਥੇ ਇਹ ਗੱਲ ਵਰਣਨਯੋਗ ਯੋਗ ਹੈ ਕਿ ਜ਼ਿਲ੍ਹਾ ਹੁਸ਼ਿਆਰਪੁਰ ਪ੍ਰਧਾਨ ਮਨਜੀਤ ਕੌਰ ਭੱਟੀਆਂ ਉਸਾਰੀ ਕਿਰਤੀ ਯੂਨੀਅਨ (ਸੀਟੂ) ਦਾ ਇਸ ਸੰਘਰਸ਼ ਵਿੱਚ ਬਿਹਤਰ ਯੋਗਦਾਨ ਰਿਹਾ। ਇਹ ਠੇਕਾ ਬੰਦ ਕਰਵਉਣ ਵਿੱਚ ਈਟੀਓ ਭੁਪਿੰਦਰ ਸਿੰਘ,ਐਸ ਐਚ ਓ ਹਰਿਆਣਾ ਹਰੀਸ਼ ਕੁਮਾਰ ਨੂੰ ਅੱਜ ਇੱਥੇ ਮੌਕੇ ਤੇ ਪਹੁੰਚੇ ਤੇ ਔਰਤਾਂ ਦਾ ਰੋਹ ਦੇਖਦੇ ਹੋਏ ਐਲਾਨ ਕਰਨਾ ਪਿਆ ਕਿ ਅੱਜ ਤੋਂ ਬਾਅਦ ਇਹ ਠੇਕਾ ਨਹੀਂ ਖੁੱਲੇਗਾ।ਅੱਜ ਇੱਥੇ ਮੌਕੇ ਤੇ ਠੇਕੇਦਾਰ ਜੈਦੇਵ ਪਠਾਣੀਆਂ,ਸਰਪੰਚ ਨੰਗਲ ਘੋੜੇਵਾਲ ਦਲੇਰ ਸਿੰਘ, ਨੰਬਰਦਾਰ ਤਿਲਕਰਾਜ,ਜਸਵਿੰਦਰ ਸਿੰਘ ਬਿੱਟੂ ਕਾਲਾ, ਮਹਿੰਦਰ ਕੌਰ,ਸੁਰੇਖਾ,ਰਾਜਰਾਣੀ,ਸੰਤੋਸ਼ ਅੰਜਨਾ,ਸ਼ਸ਼ੀ, ਸਨੀਤਾ ਮੋਨਿਕਾ ਰਾਣੀ,ਰਜਨੀ ਦੇਵੀ, ਮੀਨੂ ਦੇਵੀ, ਕੁਸਮ, ਰੇਖਾ ਰਾਣੀ, ਰਜਨੀ ਦੇਵੀ ,ਤਨੂੰ ਆਦਿ ਭਾਰੀ ਗਿਣਤੀ ਵਿੱਚ ਲੋਕ ਹਾਜ਼ਰ ਸਨ।
Post Views: 649
