ਗੜ੍ਹਦੀਵਾਲਾ 18 ਦਸੰਬਰ ( ਯੋਗੇਸ਼ ਗੁਪਤਾ )

: ਅੱਜ ਤੜਕਸਾਰ ਪਿੰਡ ਗੋਂਦਪੁਰ ਖੇੜਾ ਸਾਹਿਬ ਮੋੜ ਨਜਦੀਕ ਇੱਕ ਸਾਮਾਨ ਨਾਲ ਭਰਿਆ ਟਰੱਕ ਪਲਟਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸੜਕ ਸੁਰੱਖਿਆ ਫੋਰਸ ਦੇ ਇੰਚਾਰਜ ਏ ਐਸ ਆਈ ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਸਵੇਰੇ ਤੜਕਸਾਰ 2.53 ਵਜੇ 112 ਨੰਬਰ ਤੋਂ ਫੋਨ ਆਇਆ ਕਿ ਪਿੰਡ ਗੋਂਦਪੁਰ ਵਿਖੇ ਇੱਕ ਟਰੱਕ ਪਲਟ ਗਿਆ ਹੈ। ਸੂਚਨਾ ਮਿਲਦੇ ਹੀ ਮੈਂ ਤੇ ਮੇਰੀ ਟੀਮ ਜਿਸ ਵਿਚ ਸੀ ਟੀ ਮਨਪ੍ਰੀਤ ਸਿੰਘ ਤੇ ਸੀ ਟੀ ਸ਼ਿਵ ਕੁਮਾਰ ਮੌਕੇ ਤੇ ਪਹੁੰਚੇ ਤੇ ਦੇਖਿਆ ਕਿ ਇੱਕ ਟਰੱਕ ਨੰਬਰ ਐਚ ਆਰ 68 ਏ 4805 ਸੜਕ ਤੇ ਪਲਟਿਆ ਹੋਇਆ ਹੈ। ਗਨੀਮਤ ਇਹ ਰਹੀ ਕਿ ਇਸ ਹਾਦਸੇ ਵਿਚ ਟਰੱਕ ਡਰਾਈਵਰ ਰਣਜੀਤ ਸਿੰਘ ਪੁੱਤਰ ਪ੍ਰੀਤਮ ਸਿੰਘ ਨਿਵਾਸੀ ਕਠੂਆ ਜਿਲਾ ਕਠੂਆ ਜੰਮੂ ਬਾਲ ਬਾਲ ਬੱਚ ਗਿਆ ।ਇਸ ਮੌਕੇ ਸੜਕ ਸੁਰੱਖਿਆ ਫੋਰਸ ਟੀਮ  ਵਲੋਂ ਮੌਕੇ ਤੇ JCB ਮੰਗਵਾ ਕੇ ਟਰੱਕ ਨੂੰ ਰੋਡ ਤੋਂ ਸਾਈਡ ਕਰਵਾਇਆ ਗਿਆ ਤੇ Safety Cone ਲਗਾਏ ਗਏ ਅਤੇ ਟਰੈਫਿਕ ਨੂੰ ਚਾਲੂ ਕਰਵਾਇਆ ਗਿਆ |