ਗੜ੍ਹਦੀਵਾਲਾ 9 ਸਤੰਬਰ (ਚੌਧਰੀ) 

: ਪੀ.ਸੀ.ਐਮ.ਐਸ ਐਸੋਸੀਏਸ਼ਨ ਪੰਜਾਬ ਵੱਲੋਂ ਸੂਬਾ ਪੱਧਰੀ ਤਿੰਨ ਰੋਜ਼ਾ ਓ.ਪੀ.ਡੀ ਸੇਵਾਵਾਂ ਸਵੇਰੇ 8 ਵੱਜੇ ਤੋਂ 11 ਵੱਜੇ ਤੱਕ ਬੰਦ ਕਰਨ ਦੇ ਫੈਂਸਲੇ ਤਹਿਤ ਪੀ.ਐਚ.ਸੀ ਭੂੰਗਾ ਵਿਖੇ ਵੀ ਹੜਤਾਲ ਕੀਤੀ ਗਈ ।ਇਸ ਮੌਕੇ ਮੈਡੀਕਲ ਅਫਸਰ ਡਾ. ਜਗਤਾਰ ਸਿੰਘ ਨੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਇਸ ਹੜਤਾਲ ਦਾ ਮੁੱਖ ਕਾਰਨ ਸਿਹਤ ਵਿਭਾਗ ਦੀਆਂ ਮੰਗਾਂ ਜਿਵੇਂ ਕਿ ਸਿਹਤ ਵਿਭਾਗ ਦੇ ਮੁਲਾਜਮਾਂ ਦੀ ਸੁਰੱਖਿਆ, ਏ.ਸੀ.ਪੀ ਲਾਗੂ ਕਰਨ ਵਾਰੇ, ਮਹਗਾਈ ਭੱਤੇ ਦੀਆਂ ਬਕਾਇਆ ਕਿਸ਼ਤਾਂ ਜਾਰੀ ਕਰਨ ਵਾਰੇ, ਖਾਲੀ ਪਈਆਂ ਅਸਾਮੀਆਂ ਭਰਨ ਵਾਰੇ ਅਤੇ ਪੇਂਡੂ ਭੱਤੇ ਸਹਿਤ ਬਹੁਤ ਸਾਰੇ ਜਰੂਰੀ ਭੱਤੇ ਦੁਬਾਰਾ ਚਾਲੂ ਕਰਨ ਸੰਬੰਧੀ ਸਰਕਾਰ ਦੁਆਰਾ ਮੰਗਾਂ ਨਾ ਮੰਨਣ ਵੱਜੋਂ ਦੱਸਿਆ ਗਿਆ।ਇਸ ਮੌਕੇ ਸ਼ੀਨੀਅਰ ਮੈਡੀਕਲ ਅਫਸਰ ਡਾ. ਹਰਜੀਤ ਸਿੰਘ ਨੇ ਦੱਸਿਆ ਕਿ ਇਸ ਮੁਤਾਬਕ ਸਬ-ਕਮੇਟੀ ਵਿਚ ਇਹ ਵੀ ਫੈਸਲਾ ਲਿਆ ਗਿਆ ਕਿ ਜੇਕਰ ਸਰਕਾਰ ਨੇ ਇਹ ਮੰਗਾਂ ਨਾ ਮਨਿਆਂ ਤਾਂ ਇਸ ਹੜਤਾਲ ਦਾ ਸਮਾਂ ਪੂਰੇ ਦਿਨ ਲਈ ਕੀਤਾ ਜਾਵੇਗਾ ।ਇਸ ਮੌਕੇ ਡਾ ਹਰਦੀਪ ਸਿੰਘ, ਡਾ ਹਰਪ੍ਰੀਤ ਕੌਰ, ਡਾ ਸੁਪ੍ਰੀਤ ਕੌਰ, ਡਾ ਗੁਰਦਰਸ਼ਨ ਸਿੰਘ , ਜਸਤਿੰਦਰ ਸਿੰਘ ਬੀ.ਈ.ਈ, ਰਣਜੀਤ ਸਿੰਘ ਅਫਥਾਲਮਿਕ ਅਫਸਰ ,ਐਮ. ਐਲ. ਟੀ ਅਮਨਦੀਪ ਕੌਰ, ਫਾਰਮੇਸੀ ਅਫਸਰ  ਅਜੀਤ ਸਿੰਘ,ਕੁਲਦੀਪ ਕੌਰ, ਮਨਦੀਪ ਕੌਰ ਰਮਨਦੀਪ ਕੌਰ , ਸਟਾਫ ਸਿਸਟਰ ਸੁਰਿੰਦਰ ਕੌਰ, ਆਦਿ ਸ਼ਾਮਲ ਸਨ ।