ਗੜ੍ਹਸ਼ੰਕਰ,16 ਅਗਸਤ(ਅਸ਼ਵਨੀ ਸ਼ਰਮਾ)

: ਪੜਾਈ/ਰੋਜੀ ਰੋਟੀ ਦੀ ਖਾਤਿਰ ਵਿਦੇਸ਼ (ਆਸਟ੍ਰੇਲੀਆ)ਗਏ ਪਿੰਡ ਪਿੱਪਲੀਵਾਲ(ਬੀਣੇਵਾਲ) ਦੇ ਨੌਜਵਾਨ ਪ੍ਰਦੀਪ ਕਟਾਰੀਆ(25) ਪੁੱਤਰ ਜੋਗਿੰਦਰ ਪਾਲ ਕਟਾਰੀਆ ਦੀ ਆਸਟ੍ਰੇਲੀਆ ਵਿੱਚ ਹੋਏ ਇਕ ਸੜ੍ਹਕ ਹਾਦਸੇ ਵਿੱਚ ਮੌ+ਤ ਹੋ ਗਈ। ਜਿਕਰਯੋਗ ਹੈ ਕਿ ਪ੍ਰਦੀਪ ਕਟਾਰੀਆ ਆਸਟ੍ਰੇਲੀਆ ਵਿੱਚ ਪੜ੍ਹਾਈ ਦੇ ਨਾਲ ਨਾਲ ਟਰੱਕ ਡਰਾਈਵਰ ਵਜੋਂ ਕੰਮ ਕਰਦਾ ਸੀ ਅਤੇ ਸੋਮਵਾਰ 29 ਜੁਲਾਈ ਨੂੰ ਜਦ ਪ੍ਰਦੀਪ ਕਟਾਰੀਆ ਟਰੱਕ ਲੈ ਕੇ ਜਾ ਰਿਹਾ ਸੀ ਤਾਂ ਸਾਹਮਣੇ ਤੋਂ ਆ ਰਹੇ ਇੱਕ ਹੋਰ ਟਰੱਕ ਨਾਲ ਸਿੱਧੀ ਟੱਕਰ ਹੋ ਗਈ। ਜਿਸ ਨਾਲ ਪ੍ਰਦੀਪ ਕਟਾਰੀਆਂ ਦੀ ਮੌਕੇ ਤੇ ਹੀ ਮੌ+ਤ ਹੋ ਗਈ। ਪ੍ਰਦੀਪ ਦੀ ਮਿ੍ਤਕ ਦੇਹ 15 ਅਗਸਤ ਨੂੰ ਸਵੇਰੇ 8 ਵਜੇ ਪਿੰਡ ਪਹੁੰਚੀ ਅਤੇ ਕਰੀਬ 11 ਵਜੇ ਬਹੁਤ ਹੀ ਗਮਗੀਨ ਮਾਹੌਲ ਵਿੱਚ ਪਿੰਡ ਪਿੱਪਲੀਵਾਲ ਦੇ ਸ਼ਮਸ਼ਾਨ ਘਾਟ ਵਿੱਚ ਪ੍ਰਦੀਪ ਦਾ ਅੰਤਿਮ ਸੰਸਕਾਰ ਕਰ ਦਿੱਤਾ ਗਿਆ। ਚਿਤਾ ਨੂੰ ਅਗਨੀ ਪਰਿਵਾਰਿਕ ਮੈਂਬਰਾਂ ਨੇ ਦਿਖਾਈ। ਸੰਸਕਾਰ ਮੋਕੇ ਪਰਿਵਾਰਿਕ ਮੈਂਬਰਾਂ ਰਿਸ਼ਤੇਦਾਰਾਂ ਤੋਂ ਇਲਾਵਾ ਸੈਕੜੇਂ ਦੀ ਗਿਣਤੀ ਵਿੱਚ ਲੋਕ ਸ਼ਾਮਲ ਹੋਏ। ਇਸ ਹੋਣਹਾਰ ਨੌਜਵਾਨ ਦੀ ਮੌ+ਤ ਨਾਲ ਪੁਰੇ ਇਲਾਕੇ ਵਿੱਚ ਸੋਗ ਦੀ ਲਹਿਰ ਦੌੜ ਗਈ।