ਗੜ੍ਹਦੀਵਾਲਾ 29 ਅਪ੍ਰੈਲ (ਚੌਧਰੀ)
: ਭਾਰਤੀ ਚੋਣ ਕਮਿਸ਼ਨ ਦੇ ਦਿਸ਼ਾ ਨਿਰਦੇਸ਼ਾਂ ਅਤੇ ਡਿਪਟੀ ਕਮਿਸ਼ਨਰ-ਕਮ- ਜਿਲਾ ਚੋਣ ਅਫਸਰ ਹੁਸ਼ਿਆਰਪੁਰ ਕੋਮਲ ਮਿਤਲ ਜੀ ਅਤੇ ਐਸ ਡੀ ਐਮ ਟਾਂਡਾ ਵਿਓਮ ਭਾਰਦਵਾਜ ਦੀ ਯੋਗ ਅਗਵਾਈ ਹੇਠ ਲੋਕਾਂ ਨੂੰ ਵੋਟ ਪਾਉਣ ਅਤੇ ਵੋਟ ਬਣਾਉਣ ਸੰਬੰਧੀ ਜਾਗਰੂਕ ਕਰਨ ਦੇ ਲਈ ਜਿਲੇ ਵਿੱਚ ਅਲਗ-ਅਲਗ ਤਰ੍ਹਾਂ ਦੇ ਜਾਗਰੂਕਤਾ ਪ੍ਰੋਗਰਾਮ ਚਲਾਏ ਜਾ ਰਹੇ ਹਨ ਇਸੇ ਲੜੀ ਵਿੱਚ ਪਿੰਡ ਭੱਟਲਾਂ ,ਉੜਮੁੜ ਹਲਕੇ ਵਿੱਚ ਦਕਸ਼ ਸੋਹਲ (ਸਵੀਪ ਨੋਡਲ ਅਫਸਰ)ਡਾਕਟਰ ਕੁਲਦੀਪ ਸਿੰਘ ਮਨਹਾਸ , (ਸਹਾਇਕ ਸਵੀਪ ਨੋਡਲ ਅਫਸਰ) ਬੀ ਐਲ ਓ ਅਨੂਪ ਸਿੰਘ ਦੀ ਅਗਵਾਹੀ ਹੇਠਾਂ ਵੋਟਰ ਨੂੰ ਜਾਗਰੂਕ ਕੀਤਾ ਗਿਆ।
ਜਿਸ ਵਿੱਚ ਵਿਸੇਸ਼ ਤੌਰ ਤੇ ਵਜੁਰਗ ਵੋਟਰਾਂ ਅਤੇ ਨੌਜਵਾਨ ਵੋਟਰਾਂ ਨੂੰ ਸਹਾਇਕ ਨੋਡਲ ਅਫਸਰ ਹਲਕਾ ਉੜਮੁੜ ਡਾ.ਕੁਲਦੀਪ ਸਿੰਘ ਮਨਹਾਸ ਨੇ ਪਿੰਡ ਭੱਟਲਾਂ ਵਿੱਚ ਜਾਕੇ ਵੱਧ ਤੋਂ ਵੱਧ ਵੋਟਾਂ ਪਾਉਣ ਲਈ ਜਾਗਰੂਕ ਕੀਤਾ ਅਤੇ ਵੱਧ ਵੋਟਾਂ ਪਾਉਣ ਦਾ ਨਾਹਰਾ ਵੀ ਦਿੱਤਾ ਅਤੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਫਤਿਹਪੁਰ ਭੱਟਲਾਂ ਦੇ ਸਟਾਫ਼ ਵਲੋ ਵੀ ਵੋਟਰਾਂ ਨੂੰ ਬਿਨਾ ਕਿਸੇ ਭੇਦ ਭਾਵ ਤੋਂ ਵੱਧ ਤੋ ਵੱਧ ਵੋਟਰਾਂ ਪਾਉਣ ਲਈ ਪ੍ਰੇਰਿਤ ਕੀਤਾ ਗਿਆ ।ਇਸ ਮੌਕੇ ਤੇ ਬਲਦੇਵ ਸਿੰਘ,ਅਮੀਰ ਸਿੰਘ ,ਤਿਲਕ ਰਾਜ,ਸੰਜੀਵ ਕੁਮਾਰ,ਸ਼ਲਿੰਦਰ ਸਿੰਘ,ਅਰਵਿੰਦ ਗੌਤਮ,ਜਤਿੰਦਰ ਕੁਮਾਰ,ਹੋਰ ਸਕੂਲ ਸਟਾਫ਼ ਅਤੇ ਪਿੰਡ ਦੇ ਪਤਵੰਤੇ ਵੋਟਰ ਹਾਜਰ ਸਨ।
