ਗੜ੍ਹਦੀਵਾਲਾ 23 ਅਪ੍ਰੈਲ (ਚੌਧਰੀ) 

:  ਅੱਜ ਤੜਕਸਾਰ ਕਰੀਬ 3:30 ਵਜੇ ਹੁਸ਼ਿਆਰਪੁਰ ਸਾਈਡ ਤੋਂ ਆ ਰਿਹਾ 18 ਟਾਇਰੀ ਟਰਾਲਾ ਡਰਾਈਵਰ ਨੂੰ ਨੀਂਦ ਦੀ ਝੋਕ ਲੱਗਣ ਕਾਰਨ ਬਿਜਲੀ ਦੇ ਖੰਭਾ ਤੇ ਦਰਖਤ ਤੋੜਦਾ ਹੋਇਆ ਦੁਕਾਨ ਅੰਦਰ ਜਾ ਵੜਿਆ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਏਐਸਆਈ ਅਨਿਲ ਕੁਮਾਰ ਨੇ ਦੱਸਿਆ ਕਿ ਇੱਕ ਗੱਡੀ ਨੰਬਰ ਪੀ ਬੀ 11 ਸੀ ਵੀ 1753 18 ਟਾਇਰੀ ਟਰਾਲਾ ਜਿਸਨੂੰ ਡਰਾਈਵਰ ਗੌਰਵ ਸਿੰਘ ਚਲਾ ਰਿਹਾ ਸੀ, ਤੇ ਰੋਪੜ ਤੋਂ ਸੀਮੈਂਟ ਲੈ ਕੇ ਪਠਾਨਕੋਟ ਜਾ ਰਿਹਾ ਸੀ।

ਜਦੋਂ ਉਹ ਗੜਦੀਵਾਲਾ ਪਹੁੰਚਿਆ ਤਾਂ ਸ਼ਹਿਰ ਵਿੱਚ ਪੈ ਰਹੇ ਸੀਵਰੇਜ ਦੇ ਢੱਕਣ ਦੇ ਉੱਤੇ ਅਚਾਨਕ ਟਾਇਰ ਚੜਨ ਨਾਲ ਉਹ ਆਪਣੇ ਟਰਾਲੇ ਦਾ ਸੰਤੁਲਨ ਖੋ ਬੈਠਿਆ ਅਤੇ ਟਰਾਲਾ ਬੇਕਾਬੂ ਹੋ ਕੇ ਦੁਕਾਨ ਦਾ ਸ਼ਟਰ ਤੋੜ ਕੇ ਅੰਦਰ ਜਾ ਵੜਿਆ । ਇਸ ਮੌਕੇ ਤੇ ਜਦੋਂ ਦੁਕਾਨਦਾਰ ਸਰਵਣ ਸਿੰਘ ਨਾਲ ਗੱਲ ਕੀਤੀ ਗਈ ਤਾਂ ਉਹਨਾਂ ਨੇ ਦੱਸਿਆ ਕਿ ਮੇਰੀ ਦੁਕਾਨ ਦਾ ਲੱਖਾਂ ਚ ਨੁਕਸਾਨ ਹੋਇਆ ਹੈ । ਇਸ ਦੀ ਜਾਣਕਾਰੀ ਪੁਲਿਸ ਨੂੰ ਦੇ ਦਿੱਤੀ ਗਈ ਹੈ।