ਗੜਦੀਵਾਲਾ (ਚੌਧਰੀ) 

1 ਨਵੰਬਰ : ਫਲਸਤੀਨ ‘ਚ ਇਨਸਾਨਾਂ ਦਾ ਕਤਲੇਆਮ ਬੰਦ ਕੀਤਾ ਜਾਵੇ, ਇਸ ਸਬੰਧੀ ਕੁੱਲ ਹਿੰਦ ਕਿਸਾਨ ਸਭਾ, ਕੁੱਲ ਹਿੰਦ ਖੇਤ ਮਜ਼ਦੂਰ ਯੂਨੀਅਨ, ਸੀਟੂ, ਲੰਬੜਦਾਰ ਯੂਨੀਅਨ, ਦਲਿਤ ਸ਼ੋਸ਼ਿਤ ਮੁਕਤੀ ਮੰਚ ਪੰਜਾਬ ਅਤੇ ਭਗਵਾਨ ਰਿਸ਼ੀ ਵਾਲਮੀਕ ਵੈਲਫੇਅਰ ਸੁਸਾਇਟੀ ਗੜਦੀਵਾਲਾ ਵੱਲੋਂ ਇਕੱਠੇ ਹੋ ਕੇ ਨਾਇਬ ਤਹਿਸੀਲਦਾਰ ਗੜ੍ਹਦੀਵਾਲਾ ਲਵਪ੍ਰੀਤ ਸਿੰਘ ਧੂਤ ਰਾਹੀਂ ਦੇਸ਼ ਦੇ ਰਾਸ਼ਟਰਪਤੀ ਨੂੰ ਮੰਗ ਪੱਤਰ ਭੇਜਿਆ ਗਿਆ। ਮੰਗ ਪੱਤਰ ਦੇਣ ਤੋਂ ਪਹਿਲਾਂ ਹਰਬੰਸ ਸਿੰਘ ਧੂਤ ਅਤੇ ਰਣਜੀਤ ਸਿੰਘ ਚੌਹਾਨ ਨੇ ਬੋਲਦਿਆਂ ਕਿਹਾ ਕਿ ਗਾਜ਼ਾ ਤੇ ਚੱਲ ਰਹੀ ਇਜਰਾਈਲ ਵੱਲੋਂ ਹਸਪਤਾਲਾਂ  ਚ ਆਮ ਲੋਕਾਂ ਤੇ ਹੋ ਰਹੀ ਬੰਬਾਰਮੈਂਟ ਬੰਦ ਕੀਤੀ ਜਾਵੇ। ਇਜਰਾਇਲ ਵੱਲੋਂ ਅਮਰੀਕਾ ਦੀ ਹਮਾਇਤ ਨਾਲ ਇਹ ਘੱਲੂਘਾਰਾ ਕੀਤਾ ਜਾ ਰਿਹਾ ਹੈ ।ਜਿਸ ਵਿੱਚ ਹੁਣ ਤੱਕ 7 ਹਜਾਰ ਤੋਂ ਵੱਧ ਲੋਕ ਮਾਰੇ ਜਾ ਚੁੱਕੇ ਹਨ। ਹਰ 15 ਮਿੰਟ ਬਾਅਦ ਇੱਕ ਬੱਚਾ ਮਰ ਰਿਹਾ ਹੈ। ਉੱਥੇ ਲੋਕ ਪਾਣੀ,ਬਿਜਲੀ,ਦਵਾਈਆਂ ਤੇ ਖਾਣ ਵਾਲੀਆਂ ਵਸਤਾਂ ਦੀ ਘਾਟ ਕਾਰਨ ਮਰ ਰਹੇ ਹਨ ਅਤੇ ਨਾ ਮੁਰਾਦ ਬਿਮਾਰੀਆਂ ਕੌਲਰਾ,ਹੈਜਾ,ਚਿਕਨ ਪੋਕਸ ਵਗੈਰਾ ਫੈਲ ਰਹੀਆਂ ਹਨ। ਅਸੀਂ ਉਮੀਦ ਕਰਦੇ ਹਾਂ ਕਿ ਜਲਦੀ ਜੰਗਬੰਦੀ ਕੀਤੀ ਜਾਵੇਗੀ। ਅੱਜ ਦੇ ਇਸ ਸਮਾਗਮ ਵਿੱਚ ਹਰਬੰਸ ਸਿੰਘ ਧੂਤ, ਰਣਜੀਤ ਸਿੰਘ ਚੌਹਾਨ, ਚਰਨ ਸਿੰਘ ਗੜਦੀਵਾਲਾ, ਨਿਰਮਲਜੀਤ ਸਿੰਘ ਕਲੋਵਾਲ, ਰਘਵੀਰ ਸਿੰਘ ਬਰੂਹੀ, ਅਜੀਤ ਸਿੰਘ ਤੇ ਹਰਮੇਲ ਸਿੰਘ ਲਾਲੋਵਾਲ ਹੁਸੈਨਪੁਰ, ਮਲਕੀਤ ਸਿੰਘ ਪੰਡੋਰੀ ਅਟਵਾਲ, ਰਕੇਸ਼ ਕੁਮਾਰ, ਪੰਕਜ ਚਠਿਆਲ, ਸੁਰਿੰਦਰ ਸਿੰਘ ਰਘਵਾਲ, ਰਾਜਨ ਸਭਰਵਾਲ, ਸ਼ਿਵ ਕੁਮਾਰ ਟਾਂਡਾ, ਸਰਬਨ ਸਿੰਘ ਝਿੰਗੜ ਆਦਿ ਸ਼ਾਮਿਲ ਸਨ।