ਗੜ੍ਹਦੀਵਾਲਾ (ਚੌਧਰੀ / ਯੋਗੇਸ਼ ਗੁਪਤਾ) 

ਪ੍ਰਾਪਤ ਹੋਈਆਂ 16 ਦਰਖਾਸਤਾਂ ਚੋਂ 7 ਦਾ ਮੌਕੇ ਤੇ ਨਿਪਟਾਰਾ ਕੀਤਾ ਗਿਆ ਤੇ ਬਾਕੀ 9 ਦਰਖਾਸਤਾਂ ਦੇ ਸਮਾਂ ਬੰਧ ਨਿਪਟਾਰੇ ਲਈ ਸੰਬੰਧਤ ਵਿਭਾਗ ਨੂੰ  ਕੀਤੀਆਂ ਹਦਾਇਤਾਂ : ਲਵਦੀਪ ਧੂਤ 

: ਮਾਨਯੋਗ ਵਿਸ਼ੇਸ਼ ਪ੍ਰਿੰਸੀਪਲ ਸਕੱਤਰ, ਮੁੱਖ ਮੰਤਰੀ ਪੰਜਾਬ (ਕੇ) ਜੀ ਦੇ ਹੁਕਮ ਅਨੁਸਾਰ ਮਾਨਯੋਗ ਡਿਪਟੀ ਕਮਿਸ਼ਨਰ ਹੁਸ਼ਿਆਰਪੁਰ ਜੀ ਦੀਆਂ ਹਦਾਇਤਾਂ ਅਤੇ ਮਾਨਯੋਗ ਉਪ ਮੰਡਲ ਮੈਜਿਸਟ੍ਰੇਟ ਦਸੂਹਾ ਜੀ ਦੀ ਯੋਗ ਅਗਵਾਈ ਹੇਠ ਆਮ ਪਬਲਿਕ ਦੇ ਮਸਲਿਆਂ ਲੰਬਿੰਤ ਕੰਮਾਂ ਦਾ ਨਿਪਟਾਰਾ ਕਰਨ ਲਈ “ਸਰਕਾਰ ਤੁਹਾਡੇ ਦੁਆਰ” ਪ੍ਰੋਗਰਾਮ ਤਹਿਤ ਸਰਕਾਰੀ ਸੀਨੀਅਰ ਸੈਕੰਡਰੀ (ਸਮਾਰਟ) ਸਕੂਲ ਧੁੱਗਾ ਕਲਾ ਵਿਖੇ 14ਵਾਂ ਦੌਰਾ/ਕੈਂਪ ਲਗਾਇਆ ਗਿਆ। ਇਸ ਸੰਬੰਧੀ ਨਾਇਬ ਤਹਿਸੀਲਦਾਰ ਲਵਦੀਪ ਸਿੰਘ ਧੂਤ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਅੱਜ ਮਿਤੀ 30-11-2023 ਨੂੰ ਲਗਾਏ ਗਏ ਇਸ ਵਿਸ਼ੇਸ਼ ਦੌਰਾ/ਕੈਂਪ ਵਿੱਚ ਆਏ ਨਾਗਰਿਕਾਂ ਵਲੋਂ ਕੁੱਲ 16 ਦਰਖਾਸਤਾ ਪ੍ਰਾਪਤ ਹੋਈਆਂ ।ਜਿਨ੍ਹਾ ਵਿਚੋ 7 ਦਾ ਮੌਕੇ ਤੇ ਨਿਪਟਾਰਾ ਕੀਤਾ ਗਿਆ ਅਤੇ ਬਾਕੀ 9 ਦਰਖਾਸਤਾਂ ਦੇ ਸਮਾਂ ਬੰਧ ਨਿਪਟਾਰੇ ਲਈ ਸੰਬੰਧਤ ਵਿਭਾਗ ਨੂੰ ਹਦਾਇਤਾਂ ਕੀਤੀਆਂ ਗਈਆਂ। ਇਸ ਤੋ ਇਲਾਵਾ ਵਿਦਿਆਰਥੀਆ ਨਾਲ ਈ-ਗਵਰਨਸ ਦੇ ਵਿਸ਼ੇ ਤੇ ਵਿਸ਼ੇਸ਼ ਸੈਸ਼ਨ ਆਯੋਜਨ ਕੀਤਾ ਗਿਆ। ਇਸ ਦੌਰਾਨ ਜੀਵਨ ਕੁਮਾਰੀ ਪ੍ਰਿੰਸੀਪਲ,ਗੁਰਪ੍ਰੀਤ ਸਿੰਘ ਕਾਲਕੱਟ,ਸਰਬਜੀਤ ਸਿੰਘ ਅਟਵਾਲ ਕਲਰਕ,ਇਕਬਾਲ ਕੌਰ ਰੀਡਰ,ਪਰਮਿੰਦਰ ਸਿੰਘ ਕੰਪਿਊਟਰ ਆਪਰੇਟਰ,ਨੰਬਰਦਾਰ ਹਰਦੀਪ ਸਿੰਘ ਨੁਮਾਇੰਦੇ ਗ੍ਰਾਮ ਪੰਚਾਇਤ ਅਤੇ ਸੰਬੰਧਤ ਫੀਲਡ ਸਟਾਫ ਅਤੇ ਦਫਤਰ ਬੀ.ਡੀ.ਪੀ.ਉ.ਭੂੰਗਾ,ਦਫਤਰ ਸੀ.ਡੀ.ਪੀ.ਓ. ਭੂੰਗਾ, ਦਾ ਸੰਬੰਧਤ ਸਟਾਫ ਹਾਜ਼ਰ ਸੀ ।