ਦਸੂਹਾ (ਚੌਧਰੀ) 

28 ਅਕਤੂਬਰ : ਆਈ.ਕੇ.ਗੁਜਰਾਲ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ ਜਲੰਧਰ ਦੇ ਅਧੀਨ ਬੀਬੀ ਅਮਰ ਕੌਰ ਜੀ ਐਜੂਕੇਸ਼ਨਲ ਸੁਸਾਇਟੀ ਵੱਲੋਂ ਸਥਾਪਿਤ ਕੇ.ਐਮ.ਐਸ ਕਾਲਜ ਆਫ ਆਈ.ਟੀ. ਐਂਡ ਮੈਨੇਜਮੈਂਟ ਚੌ. ਬੰਤਾ ਸਿੰਘ ਕਲੋਨੀ ਦਸੂਹਾ ਵਿਖੇ ਪ੍ਰਿੰਸੀਪਲ ਡਾ. ਸ਼ਬਨਮ ਕੌਰ ਨੇ ਗੱਲਬਾਤ ਕਰਦਿਆਂ ਦੱਸਿਆ ਕਿ ਆਈ.ਕੇ.ਗੁਜਰਾਲ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ ਜਲੰਧਰ ਵੱਲੋਂ ਸੈਸ਼ਨ ਨਵੰਬਰ 2023 ਦੇ ਦਾਖਲਿਆਂ ਦੀ ਆਖਰੀ ਮਿਤੀ ਨੂੰ 30 ਅਕਤੂਬਰ 20237 ਤੱਕ ਵਧਾਉਣ ਲਈ ਕਾਲਜ ਮੈਨੇਜਮੈਂਟ ਯੂਨੀਵਰਸਿਟੀ ਦਾ ਧੰਨਵਾਦ ਕਰਦੀ ਹੈ। ਉਹਨਾ ਕਿਹਾ ਕਿ ਇਲਾਕੇ ਦੇ ਬੱਚਿਆ ਲਈ ਆਪਣਾ ਇਕ ਸਾਲ ਬਚਾਉਣ ਦਾ ਇਹ ਇਕ ਸੁਨਹਿਰਾ ਮੌਕਾ ਹੈ। ਉਹਨਾ ਕਾਲਜ ਵਿਖੇ ਉਪਲਬਧ ਕੋਰਸਾਂ ਦੀ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਕਾਲਜ ਵਿਖੇ ਬਾਰਵੀਂ ਕਲਾਸ ਤੋਂ ਬਾਅਦ ਬੈਚਲਰ ਆਫ ਕੰਪਿਊਟਰ ਐਪਲੀਕੇਸ਼ਨ (ਬੀ.ਸੀ.ਏ), ਬੈਚਲਰ ਆਫ ਸਾਇੰਸ ਇਨਫੋਰਮੇਸ਼ਨ ਟੈਕਨੋਲੋਜੀ (ਬੀ.ਐਸ.ਸੀ ਆਈ.ਟੀ), ਬੈਚਲਰ ਆਫ ਸਾਇੰਸ ਫੈਸ਼ਨ ਡਿਜ਼ਾਈਨਿੰਗ (ਬੀ.ਐਸ.ਸੀ ਐਫ਼.ਡੀ), ਬੈਚਲਰ ਆਫ ਸਾਇੰਸ ਮੈਡੀਕਲ ਲੈਬ ਸਾਇੰਸ (ਬੀ.ਐਸ.ਸੀ ਐਮ.ਐਲ.ਐਸ), ਬੈਚਲਰ ਆਫ ਕਾਮਰਸ (ਬੀ.ਕੌਮ) ਕੋਰਸ ਉਪਲਬੱਧ ਹਨ। ਇਸ ਤੋਂ ਇਲਾਵਾ ਗ੍ਰੈਜੂਏਸ਼ਨ ਤੋਂ ਬਾਅਦ ਮਾਸਟਰ ਆਫ ਕੰਪਿਊਟਰ ਐਪਲੀਕੇਸ਼ਨ (ਐਮ.ਸੀ.ਏ), ਮਾਸਟਰ ਆਫ ਸਾਇੰਸ ਇਨਫੋਰਮੇਸ਼ਨ ਟੈਕਨੋਲੋਜੀ (ਐਮ.ਐਸ.ਸੀ ਆਈ.ਟੀ), ਪੋਸਟ ਗ੍ਰੈਜੂਏ਼ਟ ਡਿਪਲੋਮਾ ਇੰਨ ਕੰਪਿਊਟਰ ਐਪਲੀਕੇਸ਼ਨ (ਪੀ.ਜੀ.ਡੀ.ਸੀ.ਏ), ਮਾਸਟਰ ਆਫ ਸਾਇੰਸ ਫੈਸ਼ਨ ਡਿਜ਼ਾਇਨਿੰਗ (ਐਮ.ਐਸ.ਸੀ ਐਫ.ਡੀ), ਪੋਸਟ ਗ੍ਰੈਜੂਏ਼ਟ ਡਿਪਲੋਮਾ ਇੰਨ ਫੈਸ਼ਨ ਡਿਜ਼ਾਇਨਿੰਗ (ਪੀ.ਜੀ.ਡੀ.ਐਫ.ਡੀ) ਅਤੇ ਮਾਸਟਰ ਆਫ ਸਾਇੰਸ ਮੈਡੀਕਲ ਮਾਈਕ੍ਰੋਬਾਇਓਲੋਜੀ (ਐਮ.ਐਸ.ਸੀ ਐਮ.ਐਮ) ਕੋਰਸ ਉਪਲਬੱਧ ਹਨ, ਵਿਦਿਆਰਥੀ ਆਪਣੀ ਸਟ੍ਰੀਮ ਦੇ ਅਧਾਰ ਤੇ ਕੋਰਸ ਚੁਣ ਕੇ ਦਾਖਲਾ ਲੈ ਸਕਦੇ ਹਨ।ਕਾਲਜ ਦੇ ਡਾਇਰੈਕਟਰ ਡਾ. ਮਾਨਵ ਸੈਣੀ ਨੇ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਐਸ.ਸੀ ਵਿਦਿਆਰਥੀ ਪੋਸਟ ਮੈਟ੍ਰਿਕ ਸਕਾਲਰਸ਼ਿਪ ਸਕੀਮ ਦਾ ਲਾਭ ਉਠਾ ਕੇ ਆਪਣੀ ਪੜ੍ਹਾਈ ਪੂਰੀ ਕਰ ਸਕਦੇ ਹਨ। ਇਸ ਤੋਂ ਇਲਾਵਾ ਉਹਨਾ ਦੱਸਿਆ ਕਿ ਬਾਕੀ ਸ਼੍ਰੇਣੀ ਦੇ ਹੋਣਹਾਰ ਅਤੇ ਜ਼ਰੂਰਤਮੰਦ ਵਿਦਿਆਰਥੀਆਂ ਲਈ ਮੰਜੁਲਾ ਸੈਣੀ ਆਸ਼ੀਰਵਾਦ ਯੋਜਨਾ ਦੇ ਅਧੀਨ ਫੀਸ ਵਿੱਚ ਸਕਾਲਰਸ਼ਿਪ ਦੀ ਵੀ ਸੁਵਿਧਾ ਹੈ, ਜਿਸ ਵਿੱਚ ਮੁੱਖ ਤੌਰ ਤੇ ਸਾਬਕਾ ਫੌਜੀਆਂ ਦੇ ਬੱਚੇ, ਕੰਢੀ ਅਤੇ ਬੇਟ ਇਲਾਕੇ ਦੇ ਬੱਚੇ ਇਸ ਯੋਜਨਾ ਦਾ ਲਾਭ ਉਠਾ ਸਕਦੇ ਹਨ।

ਫੋਟੋ : ਜਾਣਕਾਰੀ ਦਿੰਦੇ ਹੋਏ ਪ੍ਰਿੰਸੀਪਲ ਡਾ. ਸ਼ਬਨਮ ਕੌਰ ਅਤੇ ਡਾਇਰੈਕਟਰ ਡਾ. ਮਾਨਵ ਸੈਣੀ।